شاركي في النقاش

سجلي الدخول لإضافة تعليق.

التعليقات

2,450
  1. @glnar30

    ام طلال ولين
    مشكورة على توضيحك للزقة
    ودي اعرف شلون تغتسلين واللزقة موجودة بعد الدورة
    اقصد تمنع وصول الماي للجلد ..........

    الغنادير
    شوفي الخاص
  2. @alshoook

    زوجه و أم
    مرحباااااااا يا امهات... كيفكم وكيف عيالكم؟؟؟؟ معليش انا ما صرت اكتب في المنتدى كثير مع اني كل يوم ادخل واقرا ردودكم ... بس تدرووون ما حبيت اسمي مررررره... مو قادره اكتب والسبب من اسمي ..... المهم سلاااامي للجميع من غير استثناء.... …
    مرحبااا في كل الامهات وحده وحده

    weelaah

    خخخخخخخخخخخخ ضحكتيني والله بسالفة (شخبارالسعابيل)
    بقولج عن سعابيل ولدي <<<<اول مرة تسمع هالكلمة خخخخخخخخخخ
    الله يسلمج ولدي مسعبل فيني الدنيا بسعابيلة تعبت وانا ابدل له الصدريات وحده ورا وحده لدرجة اني احسة مو طبيعي بس معذور لانه عنده التهاب لوز مزمن
    وذكرتيني بسالفة الحسد انه ولدي (حمد) الله يحفظة متختخ ومخدخد<<<كلمات بحرينية اصيلة
    والله العظيم انه كله مريض من عيون الناس حتى تمنيت انه يضعف بس عشان اشوفه بصحة حبيب قلبي
    وطمنينا على اخبار ولدج الله يحفظة

    خلوقة الغالية + السحاب الماطر

    الله ينجح اولادكم ويطلعهم من الاوائل يارب

    ولهانة الحجاز

    الله يشافي بنتج ويبعد عنها كل شر وانشالله تتطمنين وتطمنينا عليها بأخبار حلوة يارب

    ام طلال ولين

    اللصقات تمتن والا شلون تراني بالغصب ضعفت بعد معاناة دامت 10 شهور بس ابي طريقة مضمونه لمنع الحمل

    الغنادير

    انشاءلله تضعفين وتصيرين رشيقة وطمنينا على وزنج بعد اسبوعين
    وشنو اخبار جبر وريم الله يحفظهم

    rose-bah

    ماتشوفين شر يالغالية

    campoocha

    شخبارج وشخبار حسون

    وباقي الامهات
    دااانه
    انتظر طفلي
    زوجة وام
    شخباركم
    وعذروني اذا نسيت حد
  3. @alghnadyr

    صبــــــــــاح الخيـــــــر

    شخباركم وشخبار عيالكم الله يحفظهم


    عطوووووني طريقه أقدر اخلي لولو تنام 3 ساعات على بعض جننتني بالليل وانا عندي شغل :( يمكن لأنها جريب تسنن

    دااانه

    هلا وغلا بج شخبارج وشخبار مهند بصراحه الرجيم يبغي له طولة بال الله يعينا عليه الرجيم الي عطاني اياه الدكتور سهل ومنوع وشكله مايتعب أهم شي
    والله يوفقك وتنزلين حبيبتي جربي الكيميائي أول أسبوع بحذافيره تنزلين خمسة كيلو بالضبط وانتي ماترضعين فعادي حتى لوجربين أسبوعين وبالتوفيق حبيبتي


    زوجة وأم

    تركي عنج هالسالفه ماأحلى أسمج ومعناه الرائع حلاة الوحده زوجه ومهتمه بزوجها وام تراعي عيالها احلى وظيفه للمرأة وتعتز وتفرح بها الامومه الله يخلي لج عيالج ويحفظهم
    بنتي بعد ماتقبلت الخضار في البدايه فضفت لها ملح قليل من نصحية اختنا الشيف ام طلال والحمدلله تقبلته جربي معاه أو لاتحطين كل الخضار جربي بالنوع مع الرز أو كل نوعين وجوفي النوع الي ماتقبله كنسليه بس قبل كل شي جربي الملح


    ولهانة الحجاز

    هلا وغلا بك الله يشفيها ودوم أقري عليها الله يحفظها ،،، بخصوص الشوفان والتمر جربته لبنتي والحمدلله حبته وكانت طريقة ام طلال
    وانك تطبخين التمر مثلا حبتين في الماء وتهرسينهم وبعدين تضيفين عليهم الشوفان وتتركينه يطبخ لين ينضج وأخلطيه بالخلاط وبالهناء والشفاء


    WeeLaaH

    تدللي واحنا نفيدك يالغاليه شخبارك وشخبار عبودي
    حبيبتي بخصوص الرجيم للمرضع لازم ماتحذفين ولا وجبه لأن الطفل يأخذ بعدين العناصر من جسمج وتتعبين مثل الكالسيوم والحديد
    برسلك الرجيم أو بنزله في الديوان عشان الكل يستفيد


    أم طلال ولين

    هلا بج يالغاليه شخبارج وشخبار عيالج الله يحفظهم شخبار طلال ؟؟؟
    حبيبتي ووين نحصل هاللزقه او من وين نطلبها ؟؟؟


    جلنار 30

    تسلمين حبيبتي بس هو نفسه نظام دشتي


    الشوق

    تسلمين حبيبتي الله يسمع منج ،، بس خبرينا عن رحلتج مع الرجيم


    rose-bah

    طمنينا شخبار بنتج الله يحفظها


    بك أستجير

    وينج مختفيه عسى المانع خير

تابعي تجارب أخرى من هذا القسم.