السلام عليكم ورحمه الله وبركاته
مدرى من الغلطان انا ولا اخوى ؟؟انا احس بتانيب الضمير من رسائله,,بقلكم وش صار يوم الخميس اللى فات جاء وهو حرمته وعياله طبعا هذا اخوى الكبير حرمته علاقتنا فيها جدا رسميه هى من يوم جات حابه كذا عكس حرمه اخوى الثااانى ..طبعا عادى مافيه مشاكل ومضاربات فقط علاقه رسميه تطنيش جات جات وماجات محد دورها نهائى لانو لو اهتمينا لحركاتها تعبنا انفسنا على شئ مايسوى هى من جات لاتعطى احد وجه ولاتتكلم واذا كلمنها كان احد عصبها ترد!بكيفها منطويه على نفسها جات يوم الخميس وجلست معها كالعاده رسميه كيفك ..جديدك...الخ وبعدين كلمت بالجوال وقمت اسوى كعاده كل عصريه اجييب فصفص ومكسرات وبيبسى وانطق عند التلفزيون طبعا مافالبيت الا انا وامى والثانيين فى بيوتهم راحت امى بتعزى جارتنا وتجى ..وجلست انا وهى واخويها وعيالهم طبعا ماعندهم سالفه وش اسولف قلبت على فيلم كوميدى وجلست اناظر فيه وافطس ضحك لانه جدا مضحك وعادى جالسين كل مضحكت ناظر فيه اخويه ناظرات قاتله انا مخليتهم على راحتهم البيت بيتهم ..ومسويه مانى منتبه لاى نظره واخوى كل شوى ياخذ نفس عميق خلص الاكسجين علينا..قامت زوجته راحت المطبخ .على راحتها ما اضايق احد ابد فى الدنيا ذى اللى مايعجبنى اطنش خلاص بصراحه اشترى راحتى..مالى ومال عوار الراس..المهم نزلت من الغرفه وقام اخوى يقولى(انتى ماتستحين على وجهك معطيتنا ظهرك وفاطسه ضحك على الاخر صوتك واصل لاخر الدنيا ترى هذى الحركات مالها داعى)طنشت سويت انى ماسمعتك كملت فلمى وضحكى بكل بروووود مستانسه ولله الحمدلله الحين اخوى حنا على هذا الحال اكثر من 15 سنه تو شاف ليه كذا يعنى حرمته نشوفها فى السنه مره واحيانا تمر سنه ومانشوفها ولا تحسبونى ماضايقين عادى هى لها حياتها الخاصه حابه كذا..ليش ندخل فى حياتها حرررره هى. بس انا مارديت على اخوى..بعد المغرب جات امى وجلست تسولف مع اخويه هى بس كيفك اخبارك..وبعدين على الصامت وانا مسنتره عن التلفزيون عايشه حياتى.وقامت تشوف عيالها وقام اخوى يتفلسف انتى قليله ادب ووووووكله كلام سب كله ذا الكلام ليه مطنشه زوجته ومانى معطيتهم بال كيف اسولف مع وحده محد مالى عينها ؟؟قلت انت تعبان وهى تعبانه(مناسبين لبعض)؟وقمت والا يرمين بعلبه فازلين قريبه منه الا وهى فى راسى خلاااص احس الدنيا تدور رميه قوووويه طبعا زوجته ماهى حاضره الموقف بس بنته فى المتوسط ..انا والله من قوووه الرميه حسيت بدوووخه وجلست وامى كان بيدها جوالها وترمى بالجوال فى وجه وقامت امى تسبه وتعلن فيه مخلت كلمه ماقلتها ولا احد فتح فمه لاهو ولازوجته انا ساكته خلاص امى عصبت الكل ساكت وطردته من البيت هو وحرمته وعياله واعطتهم قهوتهم وبرررررى.عاد تطيح عليه نوبه بكاء ماهى طبيعيه انقهرت ماكنت السالفه توصل لطرد طبعا امى جدا شديده الحين من يوم الخميس لليوم يحاول يراضى امى امى زعلانه جدا وحالفه ماايدخل البيت طبعا هى حتكون فتره محتكون طول العمر زعلانه عليه لانه ماحترم امى وهى جالسه ويرسل لى رسائل انتى السبب لو يصير لامى شئ وانا ماسمحت منها طول حياتى ما اسامحك ورسائل كلام قوووى كل يوم يجينى رساله..اقوى من الثانيه؟كلها تانيب ضمير.حسسنى بذنب ؟؟وانوانا ازيد امى عليه!وان اوالله انى كل يوم احاول انو خلاص ترضى عليه وهوبيجى يسامح منها تقل لا خليه يحس بالذنب ليش يسوى كذا وقدام عينى وفى بيتى وعلشان مين يسوى كذا؟
شاركي في النقاش
سجلي الدخول لإضافة تعليق.
التعليقات
104- اخوك ما يحق له يضربك او يرمي عليك العلبة
اشوف انك ما سويتي شي غلط تتعاقبين عليه
عادي ضحك على الفلم الكوميدي ما صار شي كان شاركوك في الضحك ودخلوا معاك في الموضوع ما صار شي
واخوك شكله يتعرض لضغط من زوجته تبي الكل يحترمها ويحسب لها حساب <<< مسكين
الرجال اللي يتعدى على خواته واخوانه وامه علشان يرضي ست الحسن والدلال مو رجااااااااااااااااااااااااااااااااااال
عيشي حياتك وارسلي له رساله وقولي لو حسيت اني غلطانه مستعدة احبكم على روسكم بس ماني غلطانه تصرفت بطبيعتي
واحسن من امك انها كانت حازمة في الموضوع لانه المفروض من اخوك يعالج المشكلة بالنقاش وبالتفاهم ولو اخوك تعامل معاك تعامل راقي كان احرجك و
مو يتطاول عليك ويضربك علشان زوجته <<<<< موقف غير عادل
وصدقيني لو تفاهمتي معاه بتصيرون اكثر من العسل
ومامحبه الا من بعد عداوة وبالذات بين الاخوان - بصراحه مع احترامي لك انتي غلطانه
البنت ماشفتي منها شي يخليك تسوين كذا غير انها رسميه..؟!
امكن طبعها كذا ساكته...
كان الافضل طلعتي في بياض الوجه قدام اخوك وزوجته كانت رسميه او غيره - اول شي شي بينك وبين ربك تصرفك لو ماقصدتي تغيظينها وانه تصرفك عفوي ماغلطتي
وعلى قولة الاخت يمكن هي تضغط عليه
مدري بس طنشي الرسايل ولو دق عليك قولي والله ماحد قالك تمد يدك
امي شافتك بعينها وعلى حياتها تسوي كذا بتتوقع منك الاسوأ بعدين والاعمار بيد الله
اذا انت ترضى ولدك يسوي ببنتك هذا هالشي فـ أمي ترضاه لنا
والبيت بيتكم اخذين راحتكم وش تبون اسوي لكم يعني
واسحبي للأبد - شوفي ياقلبي اخوك غلطان مليوووووون في المئة
لانك على كلامك ماتدخلتي فيهم نفسي اعرف الواحد وش
يبغى في المشاكل تلقين الواحد رايح في حالة والمشاكل
توصلة الين عندة صح هذا اخوك بس كل شي لةحدود
بعدين امك صدقيني ماسوت كذا الا لانها شافت انة زودها
الله يعينك عليهم اهم شي انتي لاتدخلين فيهم عشان لاتوجعين راسك واكيد سامع كلام من زوجتةومصدق سوالفها والقهر انه يرسل ويهدد بعد صدق شين وقوي عين طبعا لاتزعلين بس هذا الي حبيت اقوله انا لو اني مكانك اكيد راح يصير شي ثاني والله قهر - ماشاء الله تبارك الله
اهنيئك على امك الله يحفظها ويطول بعمرها على طاعته
لبى قلبها بس
احب الأم إلي تتعامل مع عيالها إنهم عيالهم مهما كبرو ا يبقون تحت حكمها وهي إلي تاخذ حق الضعيف من القوى
مواضيع مشابهة
تابعي تجارب أخرى من هذا القسم.