بنتي سنتين والرضاعه ماتستغني عنها كيف افطمها

السلام عليكم




بنتي سنتين والرضاعه ماتتركها ابغى حل او طريقه اسويها حتى تتركها

قبل النوم تبكي تبغى الرضاعه واذا قامت من النوم كمان الرضاعه واذا طلعنا السياره رضاعه واذا

واذا وتكثر اذا .....

كيف اكرهها فيها كيييييييييييييييييييييييييييف

18 تعليق 8,845 مشاهدة

شاركي في النقاش

سجلي الدخول لإضافة تعليق.

التعليقات

17
  1. @msrkaa_hanm

    اول شي عوديها على غيره وخليها تستغني عنها الا وقت النوم .. اشتري لها اكواب شفاط اشكال والوان وانواع بتلاقينها في سنتر بوينت والصيدليات ومذركير ,, نوعي لها وخليها تنبسط اذا شافتهم
    وخلي وقت الفطور الشراب حقها في الكوب تشرب وتاكلينها .. واذا بغت مويه نفس الشي واذا بغت حليب (غالبا ماراح تتقبل حليب البودره اللي متعوده عليه لانه بيتغير طعمه )فشربيها الحليب الطازج المعتاد حق الثلاجه (بعد ما تدفينه طبعا شوي ) او لبن ,,
    وعصاير - وغيره .. خلي اي شراب لها بكوب وكل وقت غيري لها .. ولو تخلينها تساعدك مثلا تصب المويه او العصير وانت تسكرينه (بتحاول معاك وتبكي انها هي تسكره لكن العود على اول ركزه اذا ماعودتيها ما اصرت عليك ثانيه )
    والموضوع يحتاج تعويد .. وانتم برا البيت خذي معاك الكوب وطبعا فيه اي شي لها .. وعلى هالحاله فتره اليين تصير ماعاد تشرب الرضاعه الا بالليل ..
    نجي هنا للخطوه الثانيه .. الرضاعه حطي لها فيها مويه بالليل .. لاتحطين حليب .. بتبكي ثم تتعود ثم تصير تنام ماتشغلك كل كم ساعه تقوم ..
    يمكن بعد شهرين ( انا سويت كذا ) مسكت الرضاعه وقصيت اعلاااها وخربت طبعا .. ويوم قامت تبغى الرضااعه جبتها لها وقلت : هيييييي خربانه ,, ليه ؟؟<< كاني انا مستغربه منها
    وتجلس تطالعها ( انقطع قلبي ) لكن كنت مصره على تغيير هالعاده وبالذات انها ماخذتتها بالنسبه لبنتي عاده ما تشرب حليب بس تتسلى فيه زي اللهايه
    وصرت كلما طلبت الرضاعه جبتها وقلت " خربانه " صارت تطالعها وتقول " ببانه " وصرت وهي في السرير اذاا صحت اجيب لها مويه جوى كوب (لازم يكون من نوعيه جيده ومايسرب على الفراش لاتبرد وبنفس الوقت ما تقدر تفتحه ) وصارت تمسكه وتنام من غير ما تشرب ..
    وللحين وهي تقوم وتطلب بس اعطيها الكوب تشرب شوي مويه وترجع ..
    وعلى فكره بنتي معودتها على الكوب من كانت عمرها سنه .. يعني الننه او الرضاعه كانت بالنسبه لها تسلايه وهذا هو سبب فطمي لها وكانت بس تشربه بالليل اما في النهار متعوده على الاكواب ماشاء الله
  2. @aaafyny_1

    شوفي حبيبتي عن تجربه مني انا بنتي تخيلي كاانت بكل مكاان غير ماسكه الرضاعه وتشربهاا حتى بالسوق ماسكتها والله ما كاانت تطيح من يدهاا حتى وهي فااضيه تشيلهاا من المحبه

    المهم جربت كااسات ما نفع وكل شي جربته تدري ايش نفع معاها

    وحده الله يسعدهاا قالتلي على هذي الطريقه

    امسكي الرضااعه واحرقيهاا ايوه احرقيهاا على الناار من كل مكاان راح تتغفص ويطلع شكلهاا مرره مقرف المهم ودخلي فيهاا شعر او خيووط كذا سودا

    وحطيهاا فوق الطااوله حقت المطبخ وخليهاا من بعيد تشوفهاا وقوليلهاا دوودوو دخلت فيهاا والله يااراح تكرها كره

    وكل ما قالت رضااعه قوليلهاا تعالي نشوف الدودوو راحت منهاا وخليهاا بس قدامها على الطاوله


    وتشوفي كاان ما كرهتهاا

    دعواتك يااقمر
  3. @fstan

    إعفيني
    شوفي حبيبتي عن تجربه مني انا بنتي تخيلي كاانت بكل مكاان غير ماسكه الرضاعه وتشربهاا حتى بالسوق ماسكتها والله ما كاانت تطيح من يدهاا حتى وهي فااضيه تشيلهاا من المحبه المهم جربت كااسات ما نفع وكل شي جربته تدري ايش نفع معاها وحده الله يس…
    مشعوذة خخخخخخخخخخخخخخخخخخخخخخخ بس فكرة حلوة

تابعي تجارب أخرى من هذا القسم.