¥ تجمع عرايس عالم حواء [الرجاء فتح تجمع جديد]

نصيحتي لها لا تسوي جلسات عند مراكز
صحيح مفعولها سريع وواضح , لكن بعد فتره ترجع البشره وكأنها ماسوت شي
خليها تحافظ على الترطيب والتقشير بدون كثرة تخبيض ولاتنسى تآخذ حبوب الفيتامين
وان شاءالله بتلاحظ التغير ببشرتها خلال شهرين بالكثير

والمهر تقسمه صح قبل تبدأ تشتري
وتفرز دولابها وادراجها وتشوف وش الملابس والشناط والاحذيه اخت جديده عشان لا تشتري زيهم جديد
والعطور و مجموعات الجسم لا تكثر لان الغالب تجي هدايا

يابنات ابي اسألكم كيف اغير لقبي؟
وعندي لكم سؤال يطرح نفسه ارضآ :biggrin:
وبسرعه ردو علي؟؟
وش تسوي الوحده منكم أذا كان خطيبها اجمل منها .........
اجمل منها بكثير يعني انا الحمد لله جميله ولكن هو جميل جدا لدرجة والله اني استحي اذا شفت صورته..
وانا عديمة الثقه بنفسي جدا مهما حاولت واقنعت نفسي اني جميله ماأقدر خاصة بعد ماشفت الصوره . ..واخوي الصغير يقول هو في الحقيقه احلى من الصوره
والله شايله هم :44:
لاويقولون عصبي:mad:
ومدخن الله يهديه.........
وتقول اخته انه رومنسي جدأ .....
ماأدري كيف تجتمع هالصفات كلها :confused-
بالله كيف اتعامل معه؟؟
وسؤال ثاني هل كل ماجو اهله اطلع لهم لانه لو ماجيت يسألون ويلحون ويطلبون امي ويحرجونها الين تناديني:mad2:
واعيد اقول لكم اذا صار هو اجمل مني وش راح يكون شعوره مع العلم انه طلب النظره الشرعيه بس اهلي رفضو؟
وامه كانت مصره على النظره جدآ جدآ مدري وش قصدها :unsure:
يووووووووووه ياكثر مانفكر حنا يالبنات :27:
وانتم يالمتزوجات مين فيكم قد سألت زوجها وش كان يفكر فيه فترة الخطوبه يعني فيه شعور معين يحس فيه او تفكير محدد ومن اي ناحيه يفكرون اكثر شي :confused- واللي ماقد سألت زوجها تكفى تسأله الحين وترد علينا
وانتم يابنات اسألو المتزوجات اللي تعرفونهم وعلمونا علشان تعم الفائده <خخخخ>
والله اني صادقه
يالله يابنات افزعو معي وخلونا نقتحم عالم الرجال المجهول .........
لآنه قليل نسمع ان الرجال يهتمون بالفتره هذي.........يعني ياترى تفكيرهم مثل تفكيرنا<<<والله تبي تقولون وش الله بلانا بالثرثاره ذي>>
تكفون علمونا علشان نعرف نتصرف ونعدل اللي يبغاله تعديل ......
لآن بعض الحاجات نغفل عنها وهي عند الرجال مهمه..........."والله احس انهم مرتاحين مو مثلنا"
واللي تقول اختها تبي تسوي تقشير قسم بالله صديقتي يوم كانت عروس سوت تقشير في مستوصف بالرياض يمين بالله انحرق وجهها ومابقى الا شهر على الزواج ويالله يالله مداها تعالجه وخف شوي لاكنها صارت سنه كامله وهي المكياج ماتتركه بشكل مستمر لان آثار الحرق ماراحت يعني صار بقع واضحه في وجهها ..........


معليش كثرت هذرتي بس وش اسوي احاول اسرد كل اللي بكرشتي علشان المنتدى مايقبل اكثر من 3 مشاركات في 24 ساعه :29:
فاستغل الوضع في مشاركه وحده هههههه :booo:

الله يوفقكم يا بنات ويسر امركم ان شاء الله

والله يعطيكم على قد نيتكم ان شاء الله

الله يجزك خير يارب