ملف لامكان عيادات الليزر بالاسعار وافضل الاطباء..

أنا عملت ليزر في ديرمـــــــــــــــــــا .... عندي وحمة على كتفي لما ألبس كت تكون واضحة
بس لونها مثل لون جلدي .... وبعد الليـــــــــــــزر صارت سودااااااااااااااااااااا
تركتهم ... رحت عملت ليزر في عروق رجلي حق الدوالي - الله يبعده عنكم - صارت رجولي كلها خطوط بنيــــــــــــــه مثل الحرق لمدة 3 أسابيع إلى شهر

بعدهاااااااااااااااااا


قلت ما بدهاااااااااش

انا سويت وجهي بـ1000ريال عند مركز بنان اللي بالتخصصي للحين 3 جلسات والحمدلله فرق معاي والدكتوره اسمها وفاء الله يجزاها خير جيتها وانا بعد فطام ومارضت تبدأ معي الا بعد ما سويت تحليل هرموني وطلع هرمون الذكوره عندي مرتفع شوي (بدليل شعر راسي يتساقط وشعر وجهي يزيد)واستمريت بعلاج لخبطة الهرمونات 6 شهور بعدين بديت الليزر وللحين بين الجلسه الاولى والثانيه شهرين وبين الثانيه والثالثه 3شهور , وان شاء الله ناويه اسوي منطقة الابط بس بالصيف علشان الحراره والالتهاب بعد الجلسه يبغاله تهويه وترك المكان مكشوف , وبعد ودي اسوي منطقة البكيني بس من فوق وجوانب الفخذين (علشان اخاف من جوا خليه موس احسن وسنه )وسلامتكم ..

بناات ,,

انا سمعت ان بعد الازاله بالليزر ,,, تكون النتيجه 70%

معنااه أن بيكون في شعر لكن قليل ...

ومعنااه ان احنا بنحف واحنا ما نستغنى عن الحف ....

لكن سمعت ,,

ان بعد الحف يرجع الشعر زي اول وما كأنك سويتي شي ,,

فهل هذا صحيح ,,

افيدوني لاني ناويه اسووويه

هلا بالجميع واسفه اني مااارديت عليكم لاسف ماتجيني الردود على ايميلي لاغلب المشاركات
اشكركم على مروركم وتفاعلكم والمعلومات
اختي الدكتوره وفاء كثير اسمع عنها انها شاطره ...
انا بعد سمعت اذا شلتي شعرك بالحلاوه بعد جلسات الليزر يرجع بس ماادري ودي البنات يفيدونا من خلال الدكتورات ...
بس بغيت استفسر هل الليزر مضر على الحامل؟؟ لاني ودي اسويه لرجولي وخايفه؟؟
التوفيق للجميع..

هلا يا الغاليات دلع عااااااااااادت من جديد
مثل ما وعدتكم بنات إني بتكلم عن الجلسة الثانيه والحين أنا صرلي ثلاث اسابيع مسويتنها والحمد لله وااااااااااااايد مستانسه من النتائج للحين منطقة الإبط مااااااااااشي شعر أبداً فيها هذا من الجلسه الثانيه (بس الدكتوره قالت إنه بيطلع بعدين بس بياخذ وقت طويل لين يرد يطلع يعني بعد محتاجه تقريباً جلستين ثانيات حتى يختفي للأبد موب مؤقت) أما بالنسبة للأرجل مثل ما قلت أنا صرلي مسويه الجلسة الثانيه من ثلاث أسابيع والحمد لله بعد شي شعر أكيد بس في مناطق متفرقة وتوه للحين يالس يطلع يعني لو إني موب مسويه ليزر كان من زماااااااااان طلع وسألت الدكتوره عن عدد الجلسات اللي احتاجها حتى أخلص نهائياً خاصة بعد ما شافت نتائج الجلسة الأولى علي قالتلي شوفي إنتي كل ما زودتي عدد الجلسات بتكون أكيد النتائج أفضل وأفضل نتيجه راح تحصلي عليها هو اختفاء الشعر لدرجة 80% هذا أقصى حد يقدر الليزر يسويه عشان جذي تحتاجين تقريباً 7 جلسات بس طبعاً عاد أنا وحسب مادياتي يعني لو توفر المبلغ المطلوب حج السبع جلسات بيكون بركه ولو ما توفر بعد 4 جلسات ما يشكون من شي مثل ما قالت الدكتوره بتكون بعد النتائج حلوه بعد الجلسه الرابعة...
وبعد سألتها عن عمليات الريتاتش قالت هذي ما نسويها إلا للوجه بس باقي الجسم لاااااااا هذا بالنسبة لمركز كوزمسيرج عاد ماعرف باقي المراكز؟؟...
فيه شي يا بنات حبيت أبلغكم عنه بعد حتى تنتبهو لهذا الشي وهو إنه الليزر يشيل الشامات اللي عندك يعني أنتبهو لهذا الشي لأني الصراحه وااااااااااااااااااااااااااااايد انقهرت كان عندي شامه واااااااااااااااااااااااااايد مستانسه وفرحانه عليها في منطقه مميزه بعد ههههههههههه بس للأسف مرروا عليها ليزر واستوى لونها فاااااااااااااااااتح عقب ماكان لونها أسوووووود :(
هذا بالنسبة للشامه بس الوحمه ما عرف الصراحه بس أعتقد ما تنشال (مالت عليهم يعني الأشياء اللي نكرها وودنا نشيلها ببلاش ما تنشال بس الأشياء الحلوه اللي نستانس عليها :( ) لأن ربيعتي عندها وحمه بس ما نشالت وياها يوم كانت تسوي ليزر حج ريولها
وسلاااااااااااااامتكم أتمنى أكون أفدتكم بنات ومثل ما قلت ما أقدر أحدد نسبة الشعر المتبقي عندي الحين لأنه توه يالس يطلع يوم يطول ويبان بشكل وااااااضح انشاء الله بقول لكم ...