بسم الله الرحمن الرحيم
السلام عليكم ورحمة الله وبركاته
جبت لكم طريقة اختبار الرخصة الدولية
لقيادة الحاسب الآلي (icdl)
طبعا الدافع إني اكتب هذا الموووضوع
إني لفيت النت لف ما خليت سكة و لاشارع إلا ودورت فيه
صار اسمي طفشت وانا ادور الرخصة الدولية
مالقيت احد كاتب الطريقة حتى وان كان باختصار شديد
فحبيت اكتبه لكم بالتفصيل الممل الممل
نبدأ بسم الله
ماهي الرخصة الدولية (icdl) ؟
معرووووفة روحوا قووقل وسووا بحث
أسعارها:
دروة كاملة تدريبية ما بين 3500 و 2000
اختبار فقط مابين 1000 و 700
متطلبات التقديم للرخصة الدولية
دورة تدريبية في الحاسب ان كنت بحاجتها
مجموعة كتب المنهاج للرخصة الدولية
سعر الكتب 200 ريال
تطلبيه من أي مركز معتمد للرخصة الدولية
عبارة عن 7 كتب مع cd
بالنسبة للاختبار
هناك نوعان من الاختبار
اختبار تجريبي ( عشان تشوفي طريقة الاسئلة )
مو اجباري على كيفك تبغيه او لا
سعره للمادة الواحدة 10 ريال يعني الـ 7 مواد 70 ريال
اختبار اساسي هو الاختبار اللي تاخذين عليه الشهادة
ملاحظة: الاختبار التجريبي يعرض لك طريقة الاختبار
يعني لو مانجحت فيه لاتخافي
أنا في الاختبارات التجريبية دخلت بس الاكسس
وكنت راسبة مع مرتبة الشرف
لكن في الاساسية الحمدلله نجحت
بس مو تأخذون كلامي وما تذاكروون بعدين ترسبوا
أنا حبيت انكم ما تتحبطوا لما تشوفوا الاختبار التجريبي
ولكل مجتهد نصيب
نجي للاختبار الأساسي إذا رسبت في مادة إعادتها
بـ 100 ريال
طريقة الاختبار الأساسي
اختبار الرخصة الدولية عبارة عن برنامج
له قسمان قسم يعرض فيه الأسئلة وهذا في الأسفل
وقسم يعرض فيه برنامج المادة مثلا وورد اكسل
اكسس وهكذا
هذه صورة للبرنامج انا مسويتها
http://www.almoso3h.com/up/uploading/icdl.gif
يتبع,,,
شاركي في النقاش
سجلي الدخول لإضافة تعليق.
التعليقات
252- اولا مادة IT
طريقة الاختبار عبارة عن اختياري
تقريبا 36 سؤال
يبغاله التركيز والسرعة في نفس الوقت
بس السرعة مو لدرجة عدم التركيز
ترى الوقت يكفي
بس اللي تسوي نفسها رقيقة وناعمة
وتحل على مهلها
هاذي بنتهي الوقت وهي لسه في السؤال 10
مثال على أسئلة الـ IT
ماذا يعني cpu
وحاط اختيارات
طبعا هذه الاختصارات تلاقينها في اخر الكتاب
سؤال ثاني
أي من الاجهزة التالية جهاز ادخال
وحاط اختيارات
أي من الاجهزة التالية جهاز اخراج
وحاط اختيارات
أي من الاجهزة التالية جهاز ادخال واخراج معا
وحاط اختيارات
كيف تكون حماية البيئة؟
حاط اختيارات مثلا رمي ورق الطباعة
اعادةاستخدامه
وهكذا
المهم مرة سهل
ثاني مادة الويندوز WINDOWS
الويندوز مرة سهل وحلوووووو
يفتحلك برنامج فيه عدة تبويبات
تبويب فيه نموذج الاجابات
وتبويب فيه السؤال التاسع مثلا
وتبويب فيه السؤال السابع مثلا
يعني فيه اسئلة
امثلة على الاختبار
يقولك اضغطي على تبويبة السؤال التاسع
تضغطين عليها يطلعلك سؤال
أي من الاشكال التالية هو رمز جهاز الكمبيوتر
وحاطة لك رمووز وتختارين الرمز الصحيح
ويطلعلك سؤال فيه اختياري
ويقولك حطي الجواب في تبويبة نموذج الاجابات
عند الخانة المخصصة له
يعني مثلا لوكان السؤال الثاني
في نموذج الاجابات راح تلاقي مكتوب السؤال الثاني
وجنبه فراغ لكتابة الاجابة وهكذا
في الويندوز يجيبلك سؤال يقول
اعملي نفس هذا التفرع الشجري للمجلد
طبعا لازم تفتحي المجلد الخاص بالبرنامج اللي اسمه ncc او nncc
ويطلب منك انشاء مجلد شؤون الموظفين
وبداخله مجلد الرواتب ومجلد الموظفين
ويجيبلك مثلا غيري اسم الملف
بس طبعا يكتب لك المسار وانتي تمشين عليه
عشان توصلي للمجلد اللي طلبه
وفي سؤال يقولك كم حجم الصورة في مجلد ...
اكتبي الاجابة في نموذج الاجابات
ويطلب منك نسخ ملف من مجلد الى مجلد
ونقل ملف الى مجلد
وهكذا مررررة سهل
نجي للوورد word
يفتحلك عدة ملفات للوورد
يقولك افتحي مستند كذا
غيري خط كلمة كذا الى ....
واعملي لكلمة كذا توسيط او محاذاة الى اليمين
ويقولك انسخي كلمة كذا من مستند كذا والصقيه في مستند كذا بعد كلمة كذا
طبعا يا بنات اذا قال كذا الصقيه جنبه مو سطر جديد
ما تحطي سطر جديد الا اذا هو قالك
قالت لنا الاستاذة انه لما يطلب منك فتح مستند ثاني
نفتحه من قائمة اطار
مو من شريط قائمة ابدأ
والله اعلم
يقولك كمان استبدلي كلمة كذا بكلمة كذا طبعا
هذه من قائمة تحرير == استبدال
يقولك اطبعي المستند
طبعا مافي طابعة ايش راح تسوين
تروحي قائمة ملف تختاري طباعة
حطي صح على طباعة الى ملف
اختاري مجلد البرنامج
موافق
ملاحظة: اذا قال اغلقي المستند من قائمة ملف اختاري اغلاق مو انهاء
اغلاق يغلق المستند
انهاء يقفل البرنامج
واذا قفلتي البرنامج بدون ما يطلب منك
ابشرك انتي راااااااسبة
او ممكن تقفلي المستند من الاكس الصغيرة
بس الافضل هو من قائمة ملف
عشان يدك لا تخونك وتروح تقفل البرنامج كله
وكمان جانا اجعلي المستند في طريقة تخطيط الطباعة
او أي طريقة
وجانا سوي للمستند تدقيق املائي
وجانا ادرجي صورة بس طبعا هو يحددها
وجانا اظهري شريط ادوات كذا
اجعلي في تذييل الصفحة رقمها وحاذيه الى اليسار
جانا غيري مكان حفظ الملف وخليه افتراضي
هذه انا ماني عارفة اصلا من فين بس اتوقع انها من
ادوات === خيارات === مواقع الملفات
وكمان ادرجي تعداد نقطي للنص كذا
جانا طبقي تنسيق كذا على نص كذا
هذه ما عرفت احلها
بس أتوقع إنها من قائمة تنسيق أنماط وتنسيقات
وتختارين التنسيق اللي طلبه
بالنسبة للاكسل Excel
جانا تخطيط وقال غيري لون الاعمدة الى لون
غير الابيض والاسود
وجانا جدول وقال سوي له تخطيط
ويحدد لك نوع التخطيط
وايش تسمينه
وجانا اجعلي القيمة في الخلية كذا
قيمة مطلقة او قيمة مرجعية
وجانا دوال
مثلا يقول اجمعي في النطاق كذا
او احسبي الفرق
او اضربي
او المتوسط الحسابي
وجانا كمان صححي الخطأ في الخلية كذا
يكون مكتوب في الخلية احدى صيغ الخطأ
مثلا #####
او name
وغيرها من الصيغ
وجانا تغيير اسم ورقة العمل
وجانا ابحثي في التعليمات
عن ادراج اعمدة وصفوف
واختاري
إدراج خلايا أو صفوف أو أعمدة فارغة
وانسخي رقم 3 بدون الرقم
والصقيه في الخلية كذا مع مراعاة
نسخ النقطة الاخيرة
وجانا غيري تنسيق الخلية كذا
ليصبح نفس تنسيق الخلية كذا
وجانا فرز وتصفية
طبعا هو يحدد الشروط
وجانا ادرجي ورقة عمل وسميها كذا
بالنسبة للبوربوينت PowerPoint
عدة أسئلة مثلا
غيري القائمة النقطية إلى قائمة مربعية في الشريحة كذا
(يقصد التعداد النقطي)
غيري تصميم الشريحة الى التصميم كذا؟؟
غيري العنوان في الشريحة كذا
غيري حجم صورة الشجرة في شريحة كذا واجعلي
طولها ..... وارتفاعها.....
ادرجي شريحة جديدة بعد الشريحة الاخيرة
اضيفي للنص كذا حركة دخول تحرك للداخل
اجعلي المراحل الانتقالية للشرائح تلاشي وطبقيها على
كل الشرائح
ادرجي رقم الصفحات في تذييل الصفحة
غيري تخطيط الشريحة واجعليه
على اليمين نص وعلى اليسار محتوى
والعنوان في الاعلى
اختاري
في أي طريقة عرض لايمكن التحكم والاضافة
(اتوقع السؤال كان كذا)
(طريقة عرض الشرائح)
ادرجي صورة التي اسمها كذا؟؟
بالنسبة للاكسس Access
افتحي قاعدة بيانات كذا
انشئي قاعدة بيانات وسميها كذا
افتحي جدول كذا من قاعدة البيانات كذا واضيفي مايلي
(حاط جدول)
افتحي جدول كذا من قاعدة البيانات واجعلي حجم النص
40 حرف
افتحي جدول كذا من قاعدة البيانات واجعلي نوع البيانات
في حقل كذا رقم
افتحي جدول كذا من قاعدة البيانات وانسخي الحقول
والصقيها في جدول كذا
انشئي استعلام للجدول كذا واقبلي جميع الخيارات الافتراضية
عدلي في علاقة الجدول كذا وكذا واجعليها متساوية
اطبعي التقرير كذا الى ملف
ملاحظة
في جميع برامج الاوفيس لما يقول لك اطبعي الى ملف
يستعرض لك المجلدات وانتي بس تختاري
اما في الاكسس ما يستعرض
لازم انتي تكتبي المسار بنفسك
فالافضل انك تصغري البرنامج
وتروحي المستندات وافتحي مجلد
Ncc
وانسخي المسار من شريط العنوان
وارجعي البرنامج والصقيه
افتحي النموذج كذا واسحبي كلمة كذا من تذييل الصفحة
إلى رأسها
اضيفي كلمة كذا في نموذج كذا
انشئي علاقة بين جدول كذا وكذا واجعليها
بحيث تتم حذف السجلات المرتبطة مع بعضها
ادرجي شريط ادوات ويب
ملاحظة في الأكسس
في جميع برامج الأوفيس افعلي زي ما يقول لك
الا في الاكسس بعد كل حركة سوي حفظ
لانك لو ما حفظت على اختبارك وتعبك السلااااااام
وحده من البنات رسبت بسبب انها ما سوت حفظ
واعتبر انها ما حلت ولا شيء
بالنسبة للانترنت
افتحي صفحة www.www.www
واجعليها الصفحة الرئيسية
مامعنى isp؟
وحاط اختيارات وانتي تضغطي على الخيار
الصحيح
امسحي المحفوظات
ارجعي للصفحة www.www.www
من الخلف
افتحي صفحة كذا وجاوبي على السؤال
مامعنى التوقيع الرقمي وحاط اختيارات
اعملي بحث على كلمة شهادة و رقمية بالنمط الذي ترينه مناسبا
افتحي الرساله كذا واعملي رد ثم امسحي كلمة الاجابة
وضعي فيها رقم الاجابة
ملاحظة في هذا السؤال أنا لما جاني ما انتبهت لكلمة رد
وحاولت امسح مارضي معايا سألت وحده وقالت لي
وفي وحده ثانية على بالها الكيبورد علق وقفلت الاختبار
مثال على الاسئلة اللي يقولك اكتبي اجاباتها
من مميزات البريد الالكتروني
وحاط اختيارات انتي تختاري رقم الاختيار الصحيح
وتكتبيه في الرد على الرسالة
هذا اللي فاكرته اذا اتذكرت شيء راح اقوله لكم
على فكرة انا عندي اعادة لاختبار الانترنت
لاني فحطت فيييييييييييييه
ضعي على الرسالة كذا علامة مقروء
افرغي صندوق الرسائل المحذوفة
وسلاااااامتكم
ادعولي انجح في الانترنت
واي سؤال انا في الخدمة
حقوق الموضوع محفوظة لعالم حواء
يعني اللي يبغى ينقلها يذكر اسم المنتدى - مشكووورة طفوووشة .. كنت ناوية آخذ هالدورة بس شكل الامتحان جدا صعب :(
- السلام عليكم
ما شاءالله عليج...شرح سهل ومبسط
انا خذت الدوره وهي ترا سهله وممتعه...صحيح الامتحانات شوي غلسه بس يبالها تركيز وشوية انتباه...
بالتوفيق للجميع - سلاااااااااااااااااااااام
شيفون
بالعكس الاختبارات سهلة
بس اهم شيء اعصابك تكون مرتااحة
جزاك ربي الفردوس الاعلى
OoOps5
جزاك ربي الفردوس الاعلى - بسم الله الرحمن الرحيم
هلا فيك طف طف ،،
بصراحه شرحك حلو وسهل وحمسني ادخل الاختبار ،،
بالوقت الحالي ادرس دبلوم وظيفي ومن ظمن الدبلوم مواد ICDL
وحتى هم( المعهد ) حاطين لنا نفس المنهج عشان بعد الدبلوم على طول ندخل الاختبار ،،
اول ما اخلص بنشب لك :)
الله يسهل امرك ويفتح لك بالانترنت ان شاء الله ،
اختك جود
في امان الله
مواضيع مشابهة
تابعي تجارب أخرى من هذا القسم.