مرحبا أخت أيان
هذه المرحلة كلنا عدينا فيها..يعني البنات توهم بين الطفولة وبين النضج..وشايفين كل شي في الحياة وردي وممتع..حاولي تفرضي شخصيتك بطريقة لطيفة..يعني أيا كانت مادتك أكثري من ضرب الأمثلة خارج مقررهم..والله هذه الأشياء اللي تجذب الانتباه حتى البنات المشاغبات ..يعني جيبيلهم قصص من برة..لكنها تخدم المادة اللي تدرسينها..
غيري أماكنهم وفرقيهم عن بعض..واذا مثلا ازداد الأمر سوءا وعطلوا التدريس اطلبي من المديرة تنقل كل وحدة لصف..أو مثلا قوليلهم قبل..الادارة منزلة قرار جديد بالنسبة للمشاغبات وبيفرقوهم..قوليلهم وهذا يعتمد على الخطاب اللي بيرفعوه المدرسات للمديرة (يعني عشان يحسوا انه لسه بيدك القرار) واختبريهم..أكيد بيتغيروا..لأن كله ولا أن شلة تتفرق أكيد مايبغوا هالشي
حببيهم بالانضباط..يعني اطلبي من المديرة تسمحلكم يوم تاخذو الدرس في الحديقة..أنا أذكر لما كنت في المدرسة كنت أطير من الفرح لما ننزل ناخذ ادرس في حديقة المدرسة..مدري عن نظام مدرستكم..حتى لو نزلتوا الساحة تحت أهم شي يغيروا جو الفصل..قوليلهم اذا انضبطوا بتكافئيهم بهالشي..سوي اختبارات لهم بين فترة وفترة اللي هي عبارة عن Quiz يعني امتحان قصير مفاجيء له علامات اضافية في نفس الدرس ونفس الحصة عشان تختبري مين اللي كان مركز معاكي في الشرح..صحيح في وقت للاستهتار بس اذا اتعلق الموضوع بزيادة العلامات أكيد بيتغيروا تدريجيا..
تحياتي
أفتوني في أمري
متابعة النقاش، صفحة 2