شاركي في النقاش

سجلي الدخول لإضافة تعليق.

التعليقات

14

  1. @amon_9

    الله يهون عليج، :)
    ومشكورة انج فتحتى مجال للاطلاع على هالشغلات
    واغلب محلات الحلويات الفخمة عندها هدايا مواليد روعة بالاضافة للكاكاو

  2. @ngm_alghrob

    صاحبة الموضوع
    حن الحياة
    انا من السعوديه ومشكوره على المساعده أعتبرها وصلت يكفيني مشاركتك
    الله لايحرمني منك

    ندى
    شكرا جزيلا على الرابط وراكيد راح استفيد منه كثير
    الله مايحرمني امثالك

    بنت كيوت
    فكرتك مررررره حلوه وبحاول أسويها بس لعلي أتحرك وأطلع أجيب الحاجيات المناسبه
    وفعلا حلو الاعتماد على النفس
    جزااااااااااااااك الله خير
    واذا ماسويتها بهالمولود بسويها باللي بعده من بدري لاني انا الحين تلفانه ابي كل شي جاهز
    تسلمين غاليتي هذا عشمي بكم

    شموخ
    جزاك الله خير بس إذا تقدرين لي سعر الحبه التقريبي
    الله لايحرمني منك ولامن مساعدتك


    وردة البساتين
    يسلمووووو انا تقريبا من حول الرياض
    ومحل شوكولاين وين أحصله
    وغذا تعرفين اسعاره تمام قولي لي

    الله يبارك فيك ويرزقك ماتتمنين


    أمونه
    جزاك الله خير
    بس محلات الشوكولاته ممكن يسون شي غير الشوكولاته كتوزيعات



    الله لايحرمني منكم كلكم
    وفيتو وكفيتو

    أخدمكم بالافراح انشاءالله

    وانشاء الله بحسبكم بالتوزيعات




    وهذي ورده لكل وحده من النونو :26: :26: :26: :26: :26: :26:

  3. @alshmaa_alhzyn

    من يومين ولدت زوجة ولد خالي

    رحنه الا مسوين فكرة بسيطة بس روعة

    ماخذين حلاوة حلو طبعا وكل واحد على حدة فيه صورة البيبي وعبارة حلوة تحتها

    بس مو هذي الفكرة

    الحلاوة موجود في مجسم يشبه الشجرة ومعلقين فيه ثياب البيبي

    ملابسه الداخليه

    قبعته

    حذاءه

    جورابه

    وكل شي كان أزرق في أزرق

  4. @bnt_mgrn

    ادخلي منتدى العروض التجارية ..

    ما شاء الله أختنا أم عبدالله و التي تسمى ( complex ) تعرض هدايا رائعة و لديها ملف كامل ..

    أسأل الله أن يتمم حملك و يرزقك الذرية الصالحة البارة .. آميييييييييييييييين

  5. @hn_alhya

    1- اختي إذا في مجال بروحج تسوين ممكن تاخذين برواز صغير الحجم جداً يعني يدوب بحجم صورة الجواز وعلقي وراه عود طويل كمسكة واكتبي في أوراق صغيرة قد البرواز (( شلوني شوي شوي ... أمي تعبت علي ))..

    2- أو انج تاخذين دباديب أو بط أو عرايس صغيرة وتمسكينهم أكياس حلويات تحطين الي تبغين من الحلويات والتكييس يكون عبارة عن قطع أوركنزا أو شيفون..

    3- تقدرين تجيبين وردة وتربطين فيها حبة حلاوة فاخرة وبعد تلفينها بقطعة قماش مخمل أو أوركنزا أو شيفون وبطاقة صغيرة تكتبين أي عبارة تعجبج عليها وتجمعينهم في سلة للتوزيع..

    4- ممكن تاخذين تحفة مثل الصندوق وتترسنها يا حلويات يا بخور أو عود وفوق العلبة حطي مبلغ نقدي يكون رمزي عبارة عن نثور البيبي..




تابعي تجارب أخرى من هذا القسم.