مرااااااااحب لكل بنات حواء :39:
ابي اتكلم عن موضوع غيرة السلفات يعني (زوجة اخو زوجك)
ان شاء الله فهمتو :mad:
نفسي اعرف لية القافة تلاقين الوحدة تراقب تصرفاتك
وتشوف انتي مرتاحة مع زوجك ولا لا يحبك يدلعك
يمشيك يسفرك وش تحبون تاكلون وتشربون
ولا طريقة مكياجك ولبسك بيتك نظيف ولا لا
طريقة كلامك ومشيتك يعني يدخلون في كل
كبيرة وصغيرة في حياتك طبعا كل هذا من
باب الغيرة والحسد وتحاول تكون افضل منك
طيب ليش كل هذا لية ما يكون لك استايل معين
في طريقة لبسك ومكياجك وكلامك وتصرفاتك
طبعا من دون تصنع لكن حلو الواحد يطور من نفسة
بصراحة انا عندي سلفات واعاني من هالحركات البايخة
والي يرفع الضغط اذا كانت اكبر منك زي سلفتي
اكبر مني يعني عمرها قرب الخمسين وانا في العشرين
ولحد الان فيها حيل تنافس الوحدة صارت جده
وتبغى تعيش زمانها وزمان غيرها خلاص وش لك
بلحركات الي تقلل من احترامك عادي ان الوحدة
تهتم في نفسها وتجدد من شبابها على كبر بس بطريقة
ماتفقدها احترم وتقدير الناس لها والله عييييب
والمصيبة اذا كانت من النوع الي تكشف على زوجك
حدث ولا حرج ياارض انهدي ماعليك قدي
انا احسن وحدة من نايحة الطبخ والاهتمام
في البيت ونظافة وتلقين زوجها يشكي منها
انا سلفتي كذا انا وانا وانا
وفي الاخر يطلع زوجها يشكي منها في المجالس
يقول وسخة البيت مو نظيف اموت من الجوع
حتى النوم ماتنام معاي كل واحد ينام في غرفة
استغفر الله وعندنا زوجي وزوجي الله لايبلنا
وبصراحة انا من النوع الي اغار على زوجي
غيرة غير طبيعية وسبق اني قلت لها
لا تكشف على زوجي لاني ماسمح لها
المشكلة كل مارح زوجي عند اهله قامت
الاخت تسلم مع انه وضح لها انا مايحب
هالحركات لكن لاحياة لمن تنادي
فقررت اني كل ماروح عند اهل زوجي
وكانت موجودة اتعمد ادلع زوجي قدامها
واجلس بجنبه وناكل الحلى في صحن واحد
واكلمة بصوت واطي اخليها تنقهر تبي
تعرف وش نقول وابو الشباب مايقصر
كل شوي يناديني ويدلعني واذا تاخرنا
شوي وسالت عمتي ليش تاخرتو قلت
تونا قمنا من النوم على طول قمت وتسبحت
ولبست وجينا طبعا تكون الاخت
موجودة وتجلس تناظر بنص عين
وفاهمه وش اقصد
ههههههههههههههههههه
صارت كل ماجلست تقوم خاصة اذا زوجي موجود
وزوجي نفس الطريقة يتكلم كل شوي عني
انه يحبني وانه ماصدق يوم خطبني ووافقت علية
بصراحة كان زوجي يتكلم عني عند اهلة بشكل كثير
ماكان يقولي بس واحدة من خواته تقول اخوي ماله
طاري الا انتي كل مايجي يتكلم فيك وش سويتي فيه
بعد كذا انا قلت لا تتكلم فيني كثير مو عشان شي
لاني اخاف من العين والحسد الله يكفينا
طبعا اخوان زوجي الي متزوجين والي عزاب مستحيل نكشف على بعض حتى السلفاتي الباقي الا هذي تبي تكشف على الشباب
وما عندها الا عذر واحد اني انا مثل امكم لانها كبيره
عمرها حول الخمسين
مرة يقول زوجي لو هذي امي والله لانتحر وافتك منها
لانها ماتشرف تكون ام
فحبيت اقول الاخوات الي عندهم مثل حالتي
تسوي نفس الشي تحاول تقهر سلفتها عشان
مرة ثانية تتوب ماتطلع قدامة:30:
وياليت تجارب الاخوات
شاركي في النقاش
سجلي الدخول لإضافة تعليق.
التعليقات
90- انااااااااااا الحمد الله سلفاتي زي العسل الله يديمها علينا نت نعمه
- حركاتك انتي وزوجك بحظور سلفتك مالها داعي ابدا
وحسيت من كلامك انه انتي اللي غيرانه منها وادا كان فعلا متعبتك سلفتك
بامكانك توقفيها عند حدها بدون هالكلام اللي تقوليه
مع انه باين من كلامك انها مره عاقله حتى لو كانت تكشف على زوجك
صحيح انها بهالنقطه غلطانه بس هي تعتبر نفسها اختهم لانها الكبيره
هي ما حطت زوجك ببالها عشان تحقدين عليها بهالشكل
وبعدين وين الحياء تقولين قدام ام زوجك توني قايمه وتسبحت
ليه ؟ يعني تبغي تغيضي سلفتك هي لها زوجها وانتي لك زوجك
فليه كل هالحقد والغل وعشان ماتجين وتقولين ما جربتي اللي انا جربته
اقولك قسما بالله ان سلفتي الاكبر مني نفس الشئ تكشف على زوجي وتعتبر نفسها اختهم الكبيره
وبعد زواجي بفتره بديت اغار زي اي انثى تغار على زوجها فقمت كلمت خوات زوجي قلت لهم كلموها قولوا لها انا اتضايق
حتى لو كانت كبيره ومحترمه وبعدها بفتره قصيره تحجبت من زوجي
وبنفس الوقت زوجي كان يقول انها محترمه ويعتبرونها اختهم الكبيره لوجودها عندهم من زمان
يعني ما صغر عقله وقام يسوي زي ما سوى زوجك والحمد لله مازالت علاقتنا ببعض كويسه ونحترم بعض ونقدر بعض
الله يهدي الجميع - يمة يمة شوي شوي علي
اول شي احب اعامل الناس زي مايعاملوني
وفي شي ثاني انا ماسويت كذا الا لاني شفت حركات مستحيل اني اذكرها لانها
بصراحة ماتنقال من ناحية البس ونظرات
وتحاول تلفت انتبها اما بخصوص انها ماتتغطى انا كلامت عمتي وقالت عمتي
مارح اقول لها تغطي بس راح اقول لها انك متضايقة من هالشي ويوم قالت لها قالت
لااناراح اكشف علية واذا مو عاجبها بكيفها
فالازم اني اسوي اي شي مستحيل اجلس
ساكته طبع انا قلت في شي مستحيل اني
اقوله وانتي افهميها وهذا غير ان زوجها داري
اني متضايقة من هالشي بس مايقول لها شي هذا الي حبيت اقولة لك - الحمد لله انا وسلايفي مثل الخوات الله لا يغير علينا
- انا اعاني من سلفتي انها تسيئ الظن بي دايما تحسبني اغار منها واقلد حركاتها ولبسها
وانا والله كذا مره اقولها خلينا نصير اخوات وترفض تحسبني العب عليها وذحين الحمدلله بعد
معاناة خمس سنين معاها نقلت مع زوجها لمدينه ثانيه وارتحت من الشكوك والظنون
والحمدلله عمرنا مافرسنا بعض بالكلام زي كلامك لسلفتك اصلا ماكنا نجيب سيرة النوم
والتسباح الله يهديك احسها قويه شويه حاولي تغيرين من اسلوبك نصييييييييييحه
والله يوفقك
مواضيع مشابهة
تابعي تجارب أخرى من هذا القسم.