✿► (-•♥هنا استقبل استفساراتكم عن تغذية الطفل♥•-)◄ ✿

طفلي عمره سنه ولاياكل ويرضع طبيعي فقط ووزنه7 كيلو اود معرفة الكميات التي يحتاجها من الطعام

اتمني تردي على :44: لانها جد معقدتني ابدد ماتاكل
ولدي عمره سنه ونص ووزنه عشره كيلوو

السلام عليكم ورحمة الله وبركاته ..

الله يجزاك خير أختي على ماتبذلينه ووفقك إلى كل مافيه خير

أبغى أستسيرك في بنتي عمرها 2و8شهور ووزنها 10و700 كيلو

مضيقه صدري أحس وزنها قليل وشهيتها للأكل ضعيفه

وهذا برنامجها في الأكل

تصحى الساغه 11ونصف أعطيها بيضه مقليه مع ملعقة حلويه أوجبنه مثلثه ولا تأكله كله
وماأعطيها خبز أو حليب لأن غدانا بدري وأخاف ماتشتهي الغدا

ثم الساعه 1ونصف أعطيه رز أو ملوخيه ورز أو خضار ورز أو سليق أو مكرونه ومعهم طبعا لحم أو دجاج ولا تحبهم اللحوم مره والغدا تأكل بالصحن الصغير حق الرضع اللي أعمارهم سنه

ثم الساعه 4 أعطيه برتقال وتفاح موز أقطعهم مكعبات تأكل البرتقال والموز وتترك التفاح

والساعه 7 تأكل تمرتين أو حليب طازج الصغير

والعشاء أحطلها مع أخوانها قبل م اينامون الساعه 8 سندويشه دجاج أو برغر أو فول أو جبن بس ماتأكل إلا قليل مره نتفه أو نتفتين

وقبل ماتنام الساعه 12 تشرب حليب طازج صغير

هل عندك أي تعديل على برنامجها وكيف أخليها تشتهي العشاء لأنها أحسها هي الوجبه الوحيده المعدومه

مع العلم أني مسويتلها تحاليل الحمد لله سليمه إيش تنصحيني أعطيها فيتامينات تفتح الشهيه وتزيد الورن وهل تنصحيني أعطيها حيلب بديا شور

السلام عليكم ورحمة الله


دكتوره حابه احط مشكلتي مع بنتي بين ايديج ويارب الاقي الحل عندج لاني تعقدت من هالمشكله بمافيه الكفايه وحاسه بالذنب واني انا السبب!!
مشكلتي بنتي ضعيفه وضئيله مقارنه بللي في عمرها

بكتبلج المشكله من جذورها عشان تفهميني - وهل له علاقه بوضعها الحالي؟؟

لما كنت حامل فيها صار عندي سكر حمل - ومشيت عالدايت اللي عطوني اياه ومن خوفي وحرصي الزايد بالغت و ماصرت اكل وارتبكت في اكلي وايد بحكم اني بكريه ومو عارفه اتصرف وعقدت نفسي اكثر من اللازم لاني كنت مهووسه بالقراءه عن السكر واللي يسويه في البيبي !! والنتيجه طلعت بنتي ضعيفونه كان وزنها عند الولاده 2.4 ونزل عندها السكر بعد ولادتها لانها ماكانت ترضع مني عدل وعطوها حليب صناعي بس بعد معاناه دامت شهر من ولادتها الحمدلله صارت ترضع طبيعي


وتعثرت وايد في اكلها وحسيت اني غلطت لاني دخلت الاكل بدري واايد عليها من الشهر الرابع ويمكن ماخذت كفايتها من الحليب

دكتوره بلييز بنتي باقي ايام وتكمل سنه وشكلها كاانها بنت 6 شهور

صحيح ادري مو مفروض اقارنها بالاطفال الثانيين بس احنا بعايلتنا ماصار هالشي وانا حاسه بالذنب لاني مااكلت وانا حامل عشان كذا طلعت ضعيفه

الحين بتكمل سنه وهي بس تمشي متسنده عالاثاث وماسننت للحين وماتتعرض وايد للشمس بحكم اني كنت مسافره والحين بيتي ماتدخله الشمس وايد الا شوي بالعصر


دكتوره وزنها بعد الشهر السادس كان 6.1 وطولها 64

وبعد الشهر التاسع وزنها 7.7 وطولها 72

وهي حاليا بتكمل سنه وبعد ماعندي قياساتها بس دكتوره مو حاسه بفرق ابدددددددا حتي اللي يشوفها من الاهل يستغرب ماوايد تغيرت مع اني سافرت 3 اشهر!! احسني مقهوره ومتضايقه من حالة بنتي

هي حاليا تاكل من اكلنا واكلها جددددددا بسيط !! وبديت ادخل رضعة بدياشور يوميا

ومحتاره ويش اعطيها وصفات بعد واخاف اكون مقصره في ااكلها

انا الصباح اول ماتصحى اعطيها رضعة بدياشور نص الكميه اللي مكتوبه وتصحى ساعه 10 تاكل شوي مو وايد اعطيها قشطه مع سيريلاك او بطاطا حلوه او قشطه مع عسل اسود وشوي حلبه وشوي سمسم

وعالغدى والعشا من اكلنا ووجبه خفيفه العصر

وفي اليوم ترضع 3 او 4 مرات طبيعي - ماصرت اعطيها صناعي من لمن دخلت البدياشور على اكلها

دكتوره هل رضاعتها وايد؟؟؟ عشان كذا ماتاكل وايد

جربت عطيتها خلطة عسل اسود مع حلبه وسمسم ماتقبلته وايد واحس سببلها اسهال

كنت ابي اعطيها فاتح شهيه بس قريت وايد عنه وخفت اسبب لبنتي بدانه

هل اذا استخدمت لها فاتح شهيه مدة شهرين عالاقل ووقفته اذا تعدل جسمها

هل في احتمال يسبب لها بدانه لاسمح الله في المستقبل؟؟

وحاليا مفكره اعطيها خلطة العسل مع غذاء ملكات النحل شرايج دكتوره بليييييييز انا أم يااااااااااااااائسه


وسامحيني عالاطاله والكلام المتعثر وانتظر ردج بفارغ الصبر

up