معاناتي والله يكتب آجري :(

السلام عليكم ورحمـــة الله وبركآتهـ ..
اخباركم كروشات وامهآت ..

بقولكم سالفتي رحمت نفسي والله :44:






ياطويلات العمر انا خلصت التآسع من يومين تقريبا
ويوم الاثنين جاتني الالام فضيعه بس غير منتظمه وقلت بصبر لين تنتظم ولما جاء الصباح ماقدرت
اتحمل مسك معي الم في ظهري جهة اليمين وقررت اروح المستشفى ..

رحت وسووى لي تخطيط قالت ولاده وفحصت طلع رحمي فاتح 1 ونص ومازالت الالامي غير منتظمه
الموهيم رحمي مارضى يفتح اكثر من كذا وانا نفسيتي تعبت من صراخ الحريم اللي بالغرف اللي جمبي
اي وحده تصيح اصيح معها ومت خوووف من الولاده ..
كنت اسمع انا الحريم يصرخون وكذا بس ماتوقعت لهذي الدرجه ربي يكتب اجررررهم

صرت ادعي لهم ونسيت نفسي لما جات الساعه 7 المغرب قالت طلقك بارد ورحمك مو راضي يفتح

وتركتني 3 ساعات وعلى حطت يدك دخلوني تنووويم ولما جاءالصباح فحصت قالت 2 سانتي ونص
طلعت من هنــا وبدا ينزل معي دم وقطع مخاطيه مررره حمرا مرره بنيه مررا صفرررا ..

وقعدت للساعه 10 الليل ع هالحآاله ونصحتني الدكتووره اطلع قالت انتي رحمك بيفتح بطي غير انك بكريه وبيني بينكم انا كنت مقررره اطلع لاني تعبت من الفحص وخايفة مايصبرون علي ويعطوني طلق صناعي

اللحين انا بالبيت ومعي الالام غير المنتظمــه مع القطع اللي تنزل معي وصايره ادخل الحمآم بكثررره ..


بنات تكفوون انصحوني وش اسووي ذبحني الطلق البااارد ونفسيتي تعبت ورحمي مارضى ينفتح
وعطتني موعد بعد 3 ايام

غير اني لما دخلت وقالت لي ولاده طلبت ابرة الظهر ودفعت قيمتها خلاص واستخرت ولا حسيت بشي بس توكلت ع رب العالمين وان شاء الله مابتضرني لكن من التعب اللي شفته مابتحمل الم اقوى من كذا بس ماعطوني اياها لاني رحمي لازم يكون مفتوح اكثر من 3 سانتي ..


اللحين بسآالكم يصلح اشرب شي يفتح الرحم زياده لاني سمعت عن كف مريم وشربته ولا فاد معي وتركته ..

وتعبت من كثر المشي لانه معي الم بظهرري فضيع ومتوآصل ..

الدم اللي ينزل معي هذا دم نفآآس ولا عادي يعني صلاتي تجوز ولالا


واللي عندها خبره او مرت بنفس تجربتي تفيدني تعبت نفسيا وجسديا :44:


انتظركم !

34 تعليق 2,745 مشاهدة

شاركي في النقاش

سجلي الدخول لإضافة تعليق.

التعليقات

33
  1. @myadh_2010

    الله يفرج كربك ويسهل عليك يارب
    اغلي قرفة واشربي منها واكلي رطب وجيبي موية زمزم واقري فيها الزلزلة وادعي ربك وامشى
    الله يرزقك الساعة السهلة
    ارجوك ادعي لي بالسلامة وان الله يفرج كربي
  2. الله يفرج كربتك وتولذين بالسلامه
    انا بكريه
    بس سمعت انك تنقعي رجولك في ماء حااااروتدهني بطنك بزيت زيتون مع حبه سوداء

    عقبال ماتبشرينا بولادتك
  3. @srndyb

    انا خلص التاسع ودخلت العاشر قعدت اسبوع فيه شربت نعناع ومشيت واليوم الثاني جت الولاده ولاتنسين اذكار الخروج من المنزل والاذكار والحمد الله وجبت بنتي بكل يسر بسهولهــ ولا تنسين التوكل على الله وعدم الخوووفـ ...
  4. @om_mena

    ممكن تشربي قرفه وحليب دافي مع عسل وعصير اناناس كلها تساعد بفضل الله علي فتح الرحم واي عصائر سكرها عالي او خذي عسل بالملعقه كل شوي خذي لك ملعقه كبيره وربي يكتبلك اللي فيه الخير وتولدي ولاده سهله ميسره بامر الله

تابعي تجارب أخرى من هذا القسم.