بنات الخبر والبحرررين ناخيتكمممممم

السلام عليكم :)

كيف الحال والاحوال

رجااء خاص من بنات الخبر والبحري او الي عنده معرفه ما يبخل علي انا احتمال اروح هالعطله الخبر والبحرين وابي اعرف اهم واحلى الاماكن هناك بنروح انا وزوجي بس ف بعرف شتنصحوني فيه والسكن وين احلى وشلون الاسعار مع خالص الشكر والتقدير والدعاء لكم يارب ولكل من ترد بالتوفيق والصحه والعافيه يارب لها ولمن تحب

19 تعليق 1,313 مشاهدة

شاركي في النقاش

سجلي الدخول لإضافة تعليق.

التعليقات

18
  1. تنووور الخبر
    شوفي يالغاليه مايبيله تعب وسؤال الخبر كلها اماكن طلعه وروحه
    شوفي انتم روحوا الواجهه البحريه اللي هي كورنيش الخبر وهناك كل المحلات والطلعات

    واما بالنسبة للسكن في شقق ارمادا الفندقيه رائعه وتطلع على كورنيش الخبر وقريبه من كل اماكن الطلعه والمطاعم الحلوه وفيه فندق المرديان في نفس المكان على كورنيش الخبر رائع طبعا فندق مشهور وعالمي بس غالي
    ان شاء الله تنبسطين
  2. ياهلا وسهلا فيك تنوري الشرقيه
    ومايحتاج تدورين وتحتارين كل شي موجود واحلى مافي الخبر كلها شقق مفروشه ان حبيتي او فنادق وماتحتارين بالمجمعات ولا المحلات وانصحك بالواجه البحريه روعه وعندك حولها الفنادق والمجمعات انتي بس تعالي والله ماراح تحتارين
  3. @aasoool

    صاحبة الموضوع
    اهلين رايقة
    اهلين ملكة

    ما تقصرون والله حبيباتي

    طيب وين الباقي وبنات البحرين وينكمممممم
  4. @alghnadyr

    ياهلا ومرحبا بج تنور البحرين بوجودج حبيبتي

    بخصوص الأسواق راح أفيدك بالمجمعات واذا حابه شي معين تدللي وانا اقولج

    المجمعات : السيف ، الدانه ، العالي، مجمع البحرين ومرينا مول ، مجمع الرفاع كل شي يتواجد فيهم من الألف إلي الياء
    مجمع الشيراتون هذا مجمع راقي وغالي وفيه الماركات وعندهم حاجات غريبه

    الأسواق الشعبيه :
    سوق المحرق ، سوق المنامه ، السوق الشعبي بمدينة عيسى
    عندهم حاجات رخيصه قطع جلابيات ملابس أطفال

    وبصراحه على قولة خواتي مافي سوق يعلى على سوق الكويت

    وبخصوص السكن منطقة السيف مليانه شقق وفي فندق جديد مب ذاكرة أسم يم العالي

    وعندج في باركات العالي مطاعم جديده حلوة

    وحياج الله يالغاليه تنور البحرين
  5. @fanda

    اختي الغنادير كفت ووفت بس بقول لج عن الفندق الي بمجمع العالي اسمه ميركيور
    وانصحك تسكنين فيه لانه جديد ونظيف وقريب من كل المجمعات

    وعندج بعد الكوفي شوبس مليانه في البحرين مثل ووترليمون ولا شوكولا موجودين بمنطقة السيف وليلو ومونسون وغيرهم موجودين بالعدليه

    واذا احتجتي شي تراني حاظره

تابعي تجارب أخرى من هذا القسم.