شاركي في النقاش

سجلي الدخول لإضافة تعليق.

التعليقات

1,120
  1. @kokb_11

    صاحبة الموضوع
    معلقه عليه ياعيوني
    في الردرقم 496...
    والضاهر اني قلت حلو بس يبغى له تحمير من فوق فقط

    حياك حبيبتي



    حياك عيوني
    شوفي حمرتيها مع الجهتين على التاوه
    ما استخدمتي الشبك
    بالعافيه




    هلا بك والله ياعيوني
    بصراحه ما اقدر افيدك اكثر من الاخت رغم الالم
    ليه لاني صلحت حقها مرتين روعه من جد
    واللي ابسويه
    مكرر من موضوعها
    اذا انتي مستعجله اطلعي عليه
    ابسويه ... لعيونك وابحطه في موضوع النقاش
    لان الدورة بيكنج ـ مخبوزات
    اليوم سويت اللحم المفروم وابروح اسوي العجينه
    حياك عيوني





    الكيلو بــــ 80 لا والله لا تشترينه
    جشع تجار
    حياك




    ابشري
    رد للاسئله
    ورد للتعليق
    منوره



    هلا بك
    التوست اصعبها
    لا تعبين حالك مو من اول مره بيضبط
    العجينه ما فيها كلام
    اكون مقادير فقط لقالب بمقاس معين والله ما اقدر
    مو هذا الحل
    الحل انك تحاولين تحطين كمية العجينه المناسبه لمقاس القالب
    لاتعبينه كثير
    قد ما تقدرين خليها قليله
    اقل من النص خليها بعد ما تطوينها وتحطينها في القالب
    وان شا ءالله تضبظ هذي الطريقه
    موفقه





    ان شاء الله ينجح
    حياك





    لا تستغربن
    انا يوميا اسوي عجين
    يوميا
    من النادر يمر يوم ما عجنت
    ما احب الا الخبز الحار
    ما احب اخذ من الفريز
    اللي في الفريز للاولاد
    اول ما بدأت اسوي مخبوزات ما كنت تطلع بهذا الشكل
    اصبري على عمرك شوي
    تكون العجينه بهذا الشكل لانها خذت كفايتها في العجن
    مهم التطويل بالعجن تندمج العناصر
    من علامات نجاح العجن
    انها تتكور مع بعض ولا شي يلصق في الاناء

    حياك عيوني




    واو
    واو
    واو
    بسم الله عليك
    ما تشوفين شر
    حياك




    التوست شكله بيعقدكم
    طنشوه شوي
    عشان يتأدب
    ولك بالمثل




    حياك الله
    منوره يالغاليه





    240 مل
    اقل من الربع لشويه

    حياك




    نعم بعد فرد العجين
    على طول على الصاج
    ولا تنسين ترشين عليه من بخاخ الكوي
    بعد ما تحطينه على الصاج
    عشان يروح شكل الدقيق
    حياك
  2. @kokb_11

    صاحبة الموضوع
    تعليق على تطبيقات

    الاخوات
    سارة حياتي
    تطبيق الدرس الاول
    روعه ميه الميه هو والدرس الثالث
    التوست ... مع ان القالب غير متوفر

    لكن روعه




    تطبيق الدرس الثاني
    متوسط الاتقان
    بالعافيه


    الاخت همس
    تطبيق الدرس الثاني والثالث
    حلوين شكلهم هشين
    بالعافيه
    وتسلم ايدك


    الاخت ام ساره و خواتها

    تطبيق الدرس الاول
    حلو ماشاء الله


    بالعافيه



    الاخت شموخ الاحزان
    تطبيق الدرس الاول




    تطبيق الدرس الثاني والثالث
    حلوين يعطيك العافيه
    تسلم ايدك


    الاخت ام عاصم 2008
    تطبيق صامولي بالدقيق الاسمر
    خطيرررررررررررر

    فيه شغله ابقولها
    اذا جيتي تسوين الخط
    خذي سكين حاده ولا تتعمقين
    ليه ؟؟؟؟ لانك اذا جيتي تسوين ساندوتش
    بتتقطع عليك
    والافضل بالموس
    وتطبيق الدرس الرابع بعد روعه بمعنى الكلمه
    كل التطبيقين تستاهلين عليهم



    بالعافيه


    الاخت ام الزهره
    تطبيق الصامولي بالاسمر
    روعه ما شاء الله
    يعطيك العافيه


    الاخت غيمة الصباح
    تطبق الصامولي والدرس الرابع



    روعه يعطيك العافيه واشكر لك عرض صورة الدقيق العادي
    عشان يتأكدون ان الدقيق العادي نصلح به احلى المخبوزات
    موفقه



    الاخت بينار شاهي
    تطبيق الدرس الاول
    حبو يعطيك العافيه
    وتسلم ايدك




    الاخت تولة عطر
    الدرس الرابع مجنون

    ولا احى تنور





    بالعافيه على قلبك


    الاخت بينار شاي
    تطبيق الدرس الثالث
    التوست
    ظلمتي نفسك وظلمتي التوست لما طبقتيه بدون الصينيه
    ما حنا مجبرين نوصل للنجاح في تطبيق الطبق بدون الادوات كامله

    اي وحده تقول لي ما يتوفر عندي كذا وكذا
    اقولها لا تطبقينه لما تتوفر
    الخبزالافغاني ليس التميس
    مشكوره على التعب ويعطيك العافيه



    الاخت زهور الريف
    تطبيق التوست ميه الميه




    بالعافيه

    الاخت حبي الوحيد امي

    الله يخلي لك امك
    حطي الشعار في التوقيع
    وطبقي واي سؤال اسألي

    حياك


    الاخت بسومه
    تطبيق الدرس الرابع
    خطييير





    تسلم ايدك


    الاخت ام الحلو الدبدوب
    وش هالحلاة
    عندك المخده اللي بعصا
    ما شاء الله
    وتنور
    شكل خبزك كله يومي
    تسلم ايدك ويعطيك العافيه
    واللي بالتنور يجنن


    الاخت سما

    تطبيق الدرس الرابع
    كويس جدا
    بس ابسالك انتي حاطه شبك الشوي
    شكل الخبز على الصاج كل وجهين الخبزه
    يعطيك العافيه



    الاخت الماركه
    تطبيق الدرس الثالث روعه بالذات التوست
    بس لو صبرتي لما يبرد مره وقطعتيه لابد يوضع في الثلاجه
    ومن ثم قطعيه

    للتوست



    اشكرك جدا جدا لانك طبقتي بالدقيق العادي
    عشان يتأكدون انه روعه

    موفقه


    الاخت
    ALASSOL

    تطبيق الدرس الثالث
    روعه



    بالعافيه


    الاخت ملكني غروري
    تطبيق الدرس الاول
    حلوه الفطيرات
    يعطيك العافيه



    موفقات وربي يعطيكم العافيه
  3. @fny_mkhtbr

    مرحبا كوكب
    وش دعوه مافقدتيني
    ماعليش الاسبوع هذا مره مشغوله وماقدرت اسوي الخبز الافغاني
    ان شاءالله اطيقه مع الدرس الجاي اخر الاسبوع باذن الله
    من كثر مابالي مشغول رحت لبنده
    وقعدت اسال اللي يبيع الاجبان بالوزن عن جبنه البرميزان وقال مافيها ودورتها
    بقسم الاجبان ونفس الشي مالقيته
    المهم رحت لقسم البهارات واخذت توابل البيتزاء والا القي علبه مكتوب
    بديل جبنه البرميزان وانا اطير من الفرحة ومن زود ماني فرحانه العلبه كانت كبيره وبالرف اللي جنبه نفس
    العلبه والشكل والالوان بس مو برميزان وانا اخذها خخخ بدون ماانتبه
    وماانتبهت الا بالبيت خخخخ
    وانقهرت وماادري بنده اقدر ابدل الاغراض علشان ارجع ابدلها {اللي عندها فكره اذا يبدلون او لا}

تابعي تجارب أخرى من هذا القسم.