تكفون يا السنعات ..محضر طعام ومكنسة بخارية ؟؟

السلام عليكم ورحمة الله وبركاته

لي فترة طووووووووووويلة وانا محتارة وش اخذ محضر طعام واروح لين المحل ثمن اقول لا بلقى احسن
لا محد جربه لا مدري وش ...

مرة اختار براون العادي ابو راسي ومرة كينوود المتعدد ومرة محضر شفته بقناة الثريا امريكي لكن الصناعة صينية اللي يجهز العشاء بثمان دقائق عيالي لا شافو الدعاية ياماما ذا زين ليش ماتجيبينه وانا بعد معجبني لكن اخاف من اللي مو مجرب

وكذلك المكنسة البخارية مر رررة مشتهيتها وكنت ابي اشتريها من اكستر واقفة اب اخذ وحده الا وحده اجنبية تطالعني بنص عين قلت لها قد جربتيها قالت انا اشتريت وحده اكبر وغالية مرررة ولما رحت البيت لقيتهم كذابين مابتنظف ولا شيء والله جالسة بالبيت مااستخدمنها

لكن بالفترة الاخيره سمعت من صديقتي ان صديقتها تمدح بمكنسة بخارية فلة تنظف حتى عيون الغاز لكن الموزع رجل تتصلين عليه ويجيبها وبعدين لا خربت اتورط فيها وزوجي ما يسمح لي اشتري الا شيء مضمون ...

وانا تراي مو شغلة ان شخصيتي متردده بالعكس انا متهورة ويا ما شريت اللي انرمى وهو جديد والا خرب باسرع وقت

المهم مولينكس بليز لاتطرونها شريت منها كم مرة واكلت منها مقالب كثير فنفسي صدت عنها بالاضافة الى انه تنظيفها صعب .. لو تجيني بلاش ما ابيها

الميزانية 1000 للخلاط و500 -700للمكنسة البخارية

ولكم مني الدعاء بان ربي يحقق لكم ماتتمنون ويجعل لكم الدنيا كما تحبون ويجعلكم له كما يحب...ردو باسرع وقت المخزون المالي يتناقص شيئا فشيئا