قصتي لفك الربط
بسم الله
طبعا أنا كان عندي موعد يوم الإثنين الأسبوع الماضي ولما رحت قالت لي الدكتوره
يوم السبت أروح حق فك الربط... وعشت أيام مرعبه من الإثنين إلى السبت
جا يوم السبت وجهزت أغراضي على أمل إني بولد على طوووووول ,, مسكينه مصدقه
رحت الموعد وبعد الإجراءات المطوله اللي أهلكتني على مادخلت الغرفه اللي راح أتنوم فيها
جت الممرضه وأخذت ضغط وحراره ووزن وطول
بعدها قالت قومي غرفه الأشعه
وأنا على نياتي أنها راح تاخذ أشعه بس
دخلت إلا الغرفه فيها سريرين وأنا جلست على السرير أبو الحدايد حق الرجلين
قالت شيلي ملابسش الداخليه.............
هنا وقف قلبي قلت إيش يعني راح تفكون الربط ألحين ؟؟؟
قالت إيوه
طبعا جت الدكتوره وأخذت الأشعه وبعدها قالت يالله أبيك ترخي نفسك
قد ماتقدرين وتريحي حالك على الآخر
وأنا أصلا ما أسمع كلامها من كثر الأدعيه اللي جالسه أدعيها
بدأت بسم الله وحطت بوز البطه وأنا أرتجف كأني بردانه
وغمضت عيني وبدأت الحرب
طبعا ماكان الموضوع يخوف أبدا ولا طولت أصلا يمكن خمس دقايق
بس الشي اللي دخلته هذا اللي خلاني أفزع من مكاني
وجلست تحاول تقص الربط وهو مو راضي ينقص
ونادت على الممرضه تقص معاها
وأخيرا نقص وروتني إياه ...
طبعا أنا أنصدمت أن هالسلك داخل جسمي وطول حملي
خلصت قالت راح أكشف عليكي
دخلت يدها وتألمت أكثر من فك الربط
قالت الرحم مسكر خلاص قومي
وأنا راسي يدوووووووووور وأشوف كل شي خمسه
رجعت للغرفة التنويم وظليت ست ساعات وعلي جهاز تخطيط للجنين
بعدها جت الدكتوره وقالت أن كل شي كويس الحمد لله ومافيه طلق ولا شي
وخيرتني إني أجلس أو أطلع
قلت لا راح أطلع مادام مافيني شي
والحمد لله طلعت وحسيت بالحريه أخيرا
صحيح أتمنيت أطلع ومعاي البيبي مره وحده بس كل شي في وقته
الحمد لله
طبعا نزلت علي مثل الإفرازات بنيه بس خفيفه
واليوم وقفت
وهذي كل القصه
وعقبالكم يارب
₪Ξ❤Ξ»¯−ـ‗_ღ أحلى تجـمع للحوامل الرابطات (ربط عنق الرحمـ) الـتـاسـع عـشـرღ_‗ـ−¯«Ξ❤Ξ二₪
متابعة النقاش، صفحة 8