فـــــــــــن التقـــــــــديم لبنــــــــات الريــــــــاض * الملف السادس *

مرحباً ياذويقات :)
حضرت زواج قبل فتره ومن ضمن تقديمهم صينية فيها قطع على شكل وردات طبقتين وبينهم حشوات مختلفه اتوقع من ضمنها تفاح وتشوكلت
وفوقها سكر بودره والبعض كاكاو بودر
وفي نفس الصينية فيه تمر محشي ومغمس نص تغميس في شوكلت
ابي اعرف من يسوي هالاشكال وياليت اذا فيه صور لها عشان اتاكد

اعجبني فيها طعمها حلو وحجمها صغير

السلام عليكم
شوفي هذي تقديماتي اللي بسويها بزواجنا
وان شاء الله تعجبك

6 صياني مغلف وعليها حركات بالمكشوف تقريبا 3,5 ك من عند مرينون طبعا الصياني من عنده تأمين بس
2 صينيه 3 ك حلى مكشوف بنكهات مختلفه من عند دي مودا وطبعا الصياني تأمين بس
2 صينيه 3 ك شوكو مكشوف وملون من عن محل سو

أما المعجنات
4 صياني فطائر 2,5 ك من مرينون ونفس صيانيهم
2 صينيه كبنيه 3 ك من آني وداني ونفس صيانيهم
2 صينيه ورق عنب وكبه من عند سنابل السلام

وطبعا انا راح احط خدمه ذاتيه يعني طاولات عليها الترامس لانو ماابي اتفشل مع المعازيم وتعرفين يبي لك صبابات كثير
وانا ماعندي امكانيه فحطيت على الطاولات بساكيت وشوكو مغلفه حاجه بسيطه يعني قراميش

عاد بشريني اذا عجبك تقديمي
ولا تنسيني بدعوه حلوه

يعني الصيااني كلهاا من مرينون ؟؟؟


اوو كل محل يعبي لك في صياني من عنده


وانت اختي كم ضيووووفك؟؟لان الصياني على عدد المعاازيم

هلا أختي
لا طبعا كل محل والصياني من عند المحل اللي يسوي لي طلبي الا سو ماعنده تأمين لازم آجار وشريت صينيتين من الهزازي
وطبعا ضيوف الزواج عندي تقريبا على 350 ما تزيد

انا زواج اخوي بالملكيه واكتشفت صحون البوفيه ميلامين
ابيض ساده وانا ودي بقزاز وش رايكم استاجر صحون وبكم هل يكلف والا لا
لان الميزانيه مش ولابد
وشريت صحون للحلى اربع ميلامين شفاف يكفي تقريبا اربع كيلو وودي ازينها اوجه وش رايكم
ومنين اجيب الحلى قالولي حلى قهوه اللي بالسلام وش رايكم فيه
والشوكولاته المغلفه وش احسن محل وسعره معقول
الفطاير حجزت من هدى الربيعه حجزت ثلاث صياني كبار من عندها
وش رايكم فيها ومن سمع عنها
الله يجزاكم خير