ابي رايكم لأني بولد في بيتي وامي في مدينه ثانيه أقولها قبل اولد ولا بعد ماأولد ؟

كيفكم ياحلوااات :27:

أنا الله يسلمكم حامل في نص الشهر الثامن وهذا ثالث حمل لي
المهم ..أنا بولد المره هذي في بيتي في الشرقيه لأن ولاداتي الثنتين اللي قبل ولدتهم في الرياض عند أمي لاكن هالمره قلت بولد في بيتي ..
وأنا وزوجي مالنا أقارب هنا في الشرقيه
كل أقاربنا أنا وزوجي في الريـــــــآض
وأنا خايفه أول مره بروح أولد وأمي ماهي معاااي :icon33:



المهم ياحلوااات أمي الله يخليها لي إذا ولدت بتجي عندي
تنفسني في بيتي بتجلس عندي شهر ان شاء الله

وتقول لي أول ماتجيك الولاده وقالو لك ولاده في المستشفى دقي علي وبجي أنا وأبوك بسرعه وعيالي بحطهم عند جارتي القريبه مني الين تجي أمي ..
والمسافه من الرياض 4 ساعات للشرقيه
وانتم تعرفون الربكه والخوف اللي يصير لما الولاده
تجي الوحده :icon33:

سؤالي لكم حبيباتي:

هل أذا قالو لي ولاده على طول أقول لأمي ولا أنتظر الين أولد بالسلامه وبعدين أقول لأمي وتجي هي والوالد


عطوني رايكم بالموضوع رايكم يهمني وماعندي أحد أشاوره
لأني أعتبركم خواتي وأكيد أحد جرب منكم
لأني خايفه اذا قلت لأمي انا في المستشفى بولد ترتبك هي وابوي
ويسرعون في الخط :44:

وبالمقابل نفسي أقولهم عشان يجون وأنا بالمستشفى ويشيلون عيالي من عند جارتي لأن عيالي شياطين وهم اثنين ولد وبنت وصغار أكبرهم 5 سنين ..وأنزل من المستشفى وألقاهم في البيت

لاتقولون خلي زوجك اذا وداك يرجع يشيلهم لا
لأن زوجي عديم المسؤوليه ولاعمره مسكهم وحده
حتى مايعرف يسوي حليب لولدي اذا بكا أويوديه للحمام
أو يلبسه حفاظته اذا نااام وانتو بكرامه يعني مستحيل يمسكهم :44:


هاااااااااه وش رايكم قولولي والله شايله هم لأني وحدي ماعندي أحد :icon33:

ومين ولدت منكم مثلي في بيتها وهي في مدينه
واهلها في مدينه وماعندها أحد و وين حطت عيالها
ردو تكفوون وش أسوي ارشدوني دايم أفكر بهالموضوع :44:

وسامحوني اذا مارديت عليكم على طوول
لأني مشتركه جديده ولا يسمح لي بأكثر من ثلاث مشاركااات:mad:

35 تعليق 5,782 مشاهدة

شاركي في النقاش

سجلي الدخول لإضافة تعليق.

التعليقات

33
  1. @am_salh_39

    الله يسهل عليك لا تقولين لمك لين تولدين احسن واعيالك ان شاء الله جارتك تبي تحملهم لين تجي امك وكثري من الدعاء والاستغفار واستودعيهم الله والله يسهل عليك
  2. @cafee_gerls

    رايي انك بعد ماتولدين بالسلامه تقولين لامك لانها بتقلق عليك وبيطول الطريق عليها


    واعيالك ان شاء الله جارتك ماتقصر
  3. @sdym15

    ان شاء الله تقومين بالسلامة
    اول ماتحسين انه عندك الآم ولاااااده على طووووووول اتصلي على الوالدة وخليها تجيك
    مافيها شي لو جلست عندك يوم زيادة حتى لو ماولدتي في ذاك اليوم
    اهم شي تكون عند اولادك واتنتبه لهم بدل ماتحطيهم عند الجيران
    والحاجة الثانية تولدين وانتي مرتاحه ومتطمنه على اولادك انهم بخير

تابعي تجارب أخرى من هذا القسم.