شاركي في النقاش

سجلي الدخول لإضافة تعليق.

التعليقات

4,367

  1. @am_yasmyna

    سابرينا
    انا عندي البرنتر الصغيرة اللي حق هالكميرات وعندي كاميرا السوني السايبر شوت 7 ميغا بكسل شريتها العام...بصراحة مريحة وتصويرها روووعه...والاحلى ان الصور اللي ابيها على طول اطبعها والحين حتى خداماتي اذا يبون صور عيالي اقول لهم اخذوها بطلع غيرها... وحتى هالبرنتر تطبع لج الصور اللي في الموبايل والكمبيوتر

    بنت قطر
    ماطرشتي لي رقم المصورة...ابيها حق مناسبة قريبه

  2. @am_yasmyna

    نوفمبر
    انا ولدني الدكتور عماد هو عراقي وبصراحة ممتاز...كنت اتابع في المستشفى الامريكي وعلى اساس ان ولادتي طبيعيه قلت لدكتوري انا بتابع عندك وبولد في حمد مب في الامريكي مع ان زوجي قال خله يولدج احسن لانه دكتورج...المهم نهايه الثامن البيبي مانزل راسه والدكتور قال لي لازم قيصريه لان البيبي ماراح ينزل راسه الحين بعد ماكبر حجمه قلت له انت ولدني بس للاسف طلع ماخذ اجازة بعد موعدي معاه بيومين...عطاني التقارير و رحت للدكتور عماد في مستشفى حمد مرة وحدة بس وبعدين سوى لي العمليه بس والله اهتم فيني واييييد كاني مريضته من زمان وفي اليوم يمر علي مرتين وتهاوش مع الممرضات علشاني...والله اهتم فيني اهتمام اكثر من رزفي الكريهه يوم ولادتي عندها من يوم حملي شهر وانا اروح لها وفي الولادة ماجاتني مع انها كانت موجودة ولا حتى مرت تشوفني بعد الولادة...اصلا رزفي مشهورة انها تدور مصلحتها...
    الدكتورة حليمة بعد يمدحونها وايد وهي ولدت مرت اخوي وتمدحها...


    بنات
    امس كنت معزومة عند ناس بالليل وكان العيش لذييييييييييييييييييييييييييييييذ
    قالوا ان مرة اللي مسويته...اعتقد اسمها ام محمد وهي من الهيدوس...أللي تعرف رقمها تطرشه لي لان المجبوس امس كان عجيييب ويقولون البرياني احلى بعد...

  3. @um_hissa

    المملكة العربية السعودية تستدعي سفيرها في الدنمارك!

    السبب :
    قيامهم بالاستهزاء بشخص رسولنا الكريم صلى الله عليه و سلم برسوم كاريكتورية ! حسبي الله عليهم و نعم الوكيل ....

    دمتي يا بلادي راية للأسلام , مدافعة عنه ! وعقبال باقي الدول الاسلامية كااااااااااااااااافة , ليكون لهم و لغيرهم درس , أن المسلمين ليسوا مادة للأستهزاء بل "هم" أخسئهم الله ....

    ما شاء الله .... فعلا نحن المسلمين لو اتحدنا مش بسيطين ... شوفوا الرابط :http://forum.hawaaworld.com/showthread.php?t=454892

  4. @am_hmd_alktry

    صاحبة الموضوع
    السلام عليكم ورحمة الله

    الله يجزيهم خير الي جو ما قصروا على الاقل قدام ريلي مستغرب انهم كلهم اخر لحظه يعتذرون

    المهم اذا حد بيسوي تجمع ثاني انا ما انصح به

    المهم خواتي جمعتكم مباركه

    ولا تنسون سورة الكهف والصدقه والاستغفار

    حبايبي بنات بلادي موضوع قديم يتجدد

    ارجوا من الجميع المشاركه

    والي تقدر تجيب لنا فتوى رسميه كثر خيرها حتى لا ياتي الموت بغته

    الموضوع متى يولد المراءة رجل وما حدودها وهل اذا وجدت طبيبه مسلمه نفضل الرجل
    وما حدود حفظك للعوره المغلظه
    هل هو حلال اطلاقا

    ولما نستهون في العورات

    ارجوا من الجميع المشاركه بدون عصبيه لنتعلم روح الحوار الجاد

  5. @um_hissa

    أم حمد القطرية
    السلام عليكم ورحمة الله الله يجزيهم خير الي جو ما قصروا على الاقل قدام ريلي مستغرب انهم كلهم اخر لحظه يعتذرون المهم اذا حد بيسوي تجمع ثاني انا ما انصح به المهم خواتي جمعتكم مباركه ولا تنسون سورة الكهف والصدقه والاستغفار حبايبي ب…
    وعليكم السلام ...
    ام حمدالقطرية ,,, أنا والله اعتذرت لك من بدري , وانتي دارية بالظروف هالايام ...
    بس فعلا تضايقت لمضايقتك و انحراجك امام زوجك :( ان شاء الله أعوضها لك بس لا يكون في خاطرك ....
    بالنسبة لموضوع النقاش .....

    والله انا عندي ( للأسف ) اعتقاد أن الرجال أفضل من النساء في كل شئ ( يا وييييييييييييييييلي من الحريم ) ,,, والله , حتى اللي يزينون شعر و مكياج الحريم المشهورين ذكور ...
    ممكن أروح لطبيبة في أغلب الأمور ألا الولادة ( لاني قيصري ) , اخاااف...... أكون صريحة معك . و ادري اني غلط :(

تابعي تجارب أخرى من هذا القسم.