مرحبا فيكم كلكم
الغنادير
الله يعطيج العافية والارادة على مواصلة الرجيم ودايما خلى لج دافع عشان تتشجعين
weelaah
حبيبتي فديتج انتي وعبودي
وبالنسبة لأشرطة الايروبك اكيد موجودة بس الايروبك مايحلى الا جماعي لانه فيه منافسة وتشجيع وهو مرهق يعني اتوقع انج بتملين بروحج تناططين في البيت :10_8_11:
عطر الشموع
مشكورة حبيبتي واكيد بشجعك بس انتي خلي عندك ارادة وانشالله بتتخلصين من الوزن الزايد
زوجة وام
يااحلى اسم حبيبتي شخبارج ومبروك على التخرج وعقبال الوظيفة
خلوقة الغالية
حبيبتي لاتضايقين حالج هاذي قدرة ربج
وبالنسبة للحبوب البيضاء على اللسان امسحيها بجلسرين ثلاث مرات في اليوم وانشاءالله تطيب لان بنتي يوم صغيرة صار لها نفس الشي الدكتور كتب لها جلسرين امسحة بعود اذن بعد الرضعات والاكل والحمد الله طابت ولاتحاتين يالغالية انشالله كل شي خير
بك استجير
انه اقصد انج تييبين فلبينية فوق الثلاثين ومتزوجة وام احسن ليش؟
لأنه بتكون مالها مزاج لسوالف الحب والغزل مع اولاد الجيران ولما تكون ام يكون قلبها طيب على الاطفال لاتنسين انها تفتقد اولادها يعني بتعطي حنانها لاولادج هاذي وجهة نظري والقرار الاول والاخير لج والله يوفقج في اللي بتييبينها يالغالية
campoocha
وآنه بعد اشهد انج صرتي غزال في فترة قصيرة بعد ماشالله عليج
شخبار حسون طمنينا عليه وعلى نتيجة الدواء انشالله جاب مفعول
بنات والله فشيلة ولدي حمد كمل 10 شهور وللحين مايحبي :confused:
اخته في هالعمر كانت تمشي وهذا كلش ولا مفتكر
بس حبيت اسأل الامهات اللي عندهم اكثر من بيبي متى حبوا ومشوا اولادكم؟؟
بس حمد صار اشطر من شوق في شي واحد انه طلع له ضرسين وهو عمرة ثمان اشهر بعكس اخته طلع لها ضرسين وهي عمرها سنه وشهر :D
ديـــــوان الطفـــل.^_^.لمناقشه مشاكل الطفل.
متابعة النقاش، صفحة 273