الانتساب المطور في جامعة الملك فيصل ,,, سجلتي او بتسجلين عندك استفساار ضعيه هنا

لو سمحتوا بسررررررررررررررعه ابوي الحين عند البريد حطيت الاوراق كامله بس قاله راعي البريد ناقص

نموذج إرسال وثائق القبول (يطبع من موقع الجامعه بعد اعلان نتيجة القبول) يطبع نسختين نسخة للبريد ونسخة لك تذكر ذلك جيداً .

مو هو نفسه ورقة البريد ؟؟

الله يسعد قلبك ويووفقك دنيا وآخررره ..

يابنات انا حلمت بحلم بعد ماسجلت بأسبوع او اقل ..< فاقده الذاكره من الصدمه ..

حلمت اني دخلت مكان زي الجامعه وانقفل علي قسم وكنت ادخل قاعات واطلع .. دخلت قاعه ولقيت عجايز يسوون حركات زي بعض طالعتهم وطلعت شكلهم من ذوي الإحتياجات الخاصه
ودخلت قاعه كأنها جغرافيا وطلعت وطلعت برا حوش الكليه لقيت ناس يرمون على البنات الي برا وانا من ضمنهم علب بلاستيك معبينها رمل وكأن جت وحده بطرف رجلي ودخلت داخل ابغى اشتكيهم ودخلت قاعه في بنات مسوين حلقه يقرون قرآن وكنت اقول وين اشتكي قالت اجلسي يابنتي وجلست بالحلقه وقريت قرآن وكأني قريت سورة الكهف .. الله واعلم ..

طبعا يابنات الحمدلله والشكر لله من بعد وقبل ..

انا مسجله بتربيه خاصه ولا انقبلت .. عرفت التفسير قبل لا تطلع النتيجه سبحان الله ..

وانا للعلم طالبه سابقه بجامعة الدمام إنتظام قسم دراسات إسلاميه درست كم سنه وطلعت .. تعبت تعب مو طبيعي بسبب العين يآربي عفووك كنت كل يوووم ابكي الله لايعيدها من ايام ..
راجعت جامعة الدمام وقالوا جيبي سجلك الأكاديمي ومن الحلم الله واعلم يمكن اكمل بنفس الجامعه تكفون قولو ماشاء الله < مهيب ناقصه خخخ ..:44:

ابغاكم تدعون لي بالعوض والتوفيق لأني بجد مدري وش جاني حالة بكاء وغبن على نفسي لأني كنت متوقعه القبول بنفس الوقت متخوفه من الحلم .. :icon33:
وقدر الله وماشاء فعل ويمكن خيره من رب العالمين كنت ابغى احقق طموحي وامنية اهلي واملهم فيني ..
ولا حول ولا قوة الا بالله .. :44:
والي تعرف طريقه اغير تخصصي بدون مااروح للعميد بتفرج علي كربتي ..
يآآآآآرب تعوضني يارب وترفع حظي ياقادر ياكرررريم اكرمني وعوضني خيرررر يآآأإآرب :icon33:

والله حبيبتي قبل فتره قريت لقاء لمدير جامعة الدمام يقول انهم راح يفتحون الانتساب المطور عندهم

بس والله ماعندي علم متى



طيب انتي سددتي الرسوم ؟؟؟

لانه لازم تسددين الرسوم والبنك يعطونك ورقه وصل هالوصل مع الورقه اللي بتطبعينها من موقع الجامعه

مع شهادتك الثانويه الاصل وصوره من اثباتك

هذي الاوراق المطلوبه


الله يكتب لك اللي فيه الخيير ياارب

والله ماعندي خلفيه عن تغيير التخصص

ايوة سددت وكل الاوراق اللي قلتيها حطيتها

بس قال ناقص نموذج ارسال وثائق القبول

وانا شفت ورقة البريد مكتوب عليها (( نموذج ارسال وثائق القبول))

صح والا غلطانه ؟