أريد من ينصفني من الصح ومن الخطأ؟؟؟؟

السلام عليكم كيفكم يا أخوات

بصراحة اني محتاجة أحد أستشيره ويرشدني كيف أتصرف فأرجوكم لا تطنشوني

مشكلتي يا أخوات مع زوجي هو موظف الصبح و
العصر عنده مكتب خاص وبرنامجه الصبح دوام الظهر غداء
ونوم العصر يطلع يصلي ولا يرجع إلا بعد صلاة

العشاء يطلع العصر أحيانا حتى بدون ما يقولي ولا كلمة أنا وعياله
تناقشت معه قلتله اجلس معنا عصرية بالأسبوع مارضى لأن هذا نظامه خميس و جمعه بعد قلتله عصريه
كل اسبوعين كل شهر برضو مارضى العذر بصرف عليك انتي وعيالك مع ان راتبه يكفي وزود وأحيانا يمر عليه شهر بالكتب مااستفاد ولا ريال


والطامه ليته يصرف علينا
لأن زوجي بخيييل وأنا موظفة ويقول اصرفي من راتبك وش بتسوين فيه فكل أغراضي

اشريها انا وهدايا أهلي واحيانا إذا بغيت اشتري شي لعياله وكان غالي شوي

(على قوله غالي ولا هو مو غالي)مايرضى يقول اسراف اشتريه انتي ولا لأ ويمن علي اذا رحت معه السوق وشرالي لبس بالسنة مرة لاني قليل اصلا انا اشتري واغلب أغراضي أجيبها اذا رحت مع أهلي واذا قلتله أبي مصروف سوا قضية وهوشة وفي الأخير يعطيني 100 ولا 50 ريال واذا جيت اقوله عطني مرة ثانية لازم كشف حساب كل ريال وين راح وبالاخير مايدفعلي

واصلا انا مسالمه ما اطلب منه شي اقول يابنت هوماقعد معك الا شوي حرام تضيع هوش والدنيا فانيه ومع ذلك مايحس يعاملني تقل اصغر عياله دايم يصرخ علي ولا يسمعني كلمة حلوة لأنه بخيل ماديا ومعنويا تخيلوا أرسله مسجات رومانسية مايرد علي اهديتله عطر ب300 ريال مارد لي الهدية ولما لمحتله جابلي عطر ب10 ريال وقال الهدية بقيمتها المعنوية

لما قدمنا الشغالة قال ادفعيها انتي (احس احيانا انه حاقد علي وحاسدني راتبي وده يروح باي طريقة) ودفعتها ولما سالوني اهلي علمتهم وقلتله ابيه يحس على دمه زعل وقال تفشين اسرار بيتي


قلتله خل نتحاكم لاحد نستشير شيخ مثلا ولا انزل قصتنا بمنتدى تسمع راي الناس انت غلطان بمعاملتك لنا مارضى لانه واثق انه غلطان قلتله صح انا امشيلك بس ترا ماني غبية فاهمتك

يعني مهملنا ولا استفدنا شي والمحترم ضعيف قدام اهله تخيلو مايرضى يطلعنا نتمشى ولا نسافر مع اني ما طلبت نسافر الا لجدة ولا الشرقية وقلتله اتحمل التكاليف بس مارضى لانهم يقولون هالاشياء مالها داعي

ادري كثرت عليكم بس

الخلاصة الصنف هذا كيف اتعامل معه
من ناحية المصروف كيف اتعامل معه ومع راتبي
كيف اقنعه انا محتاجين وجوده ومتاجين حنانه

24 تعليق 2,326 مشاهدة

شاركي في النقاش

سجلي الدخول لإضافة تعليق.

التعليقات

21
  1. @amyrth_1

    الله يكون بعونك ياخيتي وترى كثير الي مثلك لايضيق صدرك

    أنا دايم اقول الوحدة تشتري راحة رأسها وتريح بالها

    بما أنك موظفة لاتبخلين على نفسك بشئ

    انتي وعيالك ووسعي صدرك معهم

    البخل عادة سيئة وصعب يتغير

    صاحبها مهما كانت الظروف

    الله يسخره لكم

    ويهديه
  2. ياأختي ريحي نفسك وطنشي

    كلنا يالموظفات نصرف على أنفسنا وعيالنا وبيوتنا وشغالتنا علينا بعد
    اللهم لوازم البيت اللي عليه والله يستر شوي شوي تشترين انتي حاجات البيت
  3. @quotsmo_alamyrhquot

    الله يكون بعونكم المفروض يتم الاتفاق فيما بينكم على تحديد المصروف

    وهاذا شيء لازم يجلس مع عياله ويعلمهم الصح من الغلط ويحسسهم ان عندهم ابو

    له كيانه يعطيهم من حنانه مو بس ابو على الفاضي

    ..............................................

    أستغفر الله الذي لا اله الا هو الحي القيوم واتوب اليه

    اللهم انلني مرادي واسعدني بالدارين ياحي ياقيوم وفرج كربي وازل همومي

    وارزقني حبك وحب من يحبك وحب كل عمل يقربني اليك

    اشهد ان لا الله الا الله واشهد ان محمد رسول الله

    :)

    ..........................................

    من وجهه نضري اذا مايتقبل تتفاهمين قولي له لازم شيخ ينصفنا

    واتركي عنك انك تستشيرين اي حد ماتدرين مدى فهمه للحياه وهاذا غير انو انو الي يدينه بالماي مو الي يدينه بالنار

    .............................................

    الله يفرجها بوجهك ويهدي زوجك
  4. @lydy_rasl

    صاحبة الموضوع
    أميرته
    غدير المحبة
    يارب فرج همي
    الله يسعدكم ويوفقكم على ردكم انا قلت بعد الفلوس بكيفها وشريت راحت راسي
    لكن ودي يقعد معنا واجهزله قهوة وحلى بس والله مايناظرها اهم شي يروح للشغل
    وبعد ودي يطلعنا ويمشينا والله قعدت البيت خنقة ودي نروح نشوف البحر.وش الفايدة انا اشتغل وهو يشتغل ولا نستانس بفلوسنا
  5. @maalm_oam

    حبيبتي

    لاتزعلي نفسك


    كل الموظفات كذة ... الا من رحم ربي

    الموظفة الي تتفاخر وتقول انا زوجي يجيبلي ويشتريلي من الغالي ... ويعطيها مصروف ... هذه مسكينة ارحمها ... لانها تحلم

    مثل ماكلنا نحلم خخخخ

    صح مو كل الرجال بخلا ... لكن زوجك محبكها حبتين

    هذا انا اعطي الشغالة من راتبي... ايش فايدة الزعل ... غير بحرق اعصابي

    الهدايا ... انسي موضوعها ... ان جات منه افرحيبها مهما كانت قيمتها واشكريه >>> بس بشكل معقول لايشوف نفسه ويستكثرها ... ويبطل يجيب غيرها ...

    والمناسبات السعيدة اغلب الرجال ينسوها وان افتكرو تناسو ... ولاتستني هدية الا اذا جات منه ..

    ان جابلك ياحبيبتي .. خليكي شكورة وارضي بالمقسوم

    وان ماجاب ... عادي .. ايش يعني

    تري الرومانسية موجودة بالنت بس والا الحياة الواقعية اغلبها جد

    عيالك لاتبخلي عليهم عشان ماينسوها لكي

    وفي نفس الوقت خرجي من راتبك مبلغ معين كل شهر قبل لاتصرفي اي شي ... هذا احتفظي به لك وللزمن الدنيا مالها امان

تابعي تجارب أخرى من هذا القسم.