مثل ما قريتو العنوان
ولدي عمره 12 سنه ويمص اصبعه في سادس ابتدائي حاولت بشتى الطرق حطيت مره في اصبعه يوم كان صغير لبسته قفازات حاولت بالطيب بالغصب ما نفع الحين قاعد يتابع التلفزيون ويمص اصبعه
دلوني جزاكم الله خير يخاف منى اذا شافني اطالعه يحاول اني ما اشوفه اذا دخلت عليه الغرفه يطلع اصبعه على طول
اخاف اتعب نفسيته ونفس الشئ احس بضيقه اذا شفته يمص اصبعه كبيرعلى هالشئ فطلبتكم وداخله على الله ثم عليكم دلووووني والله لأدعي لها من كل قلبي اللي تدلني على الحل واتصدق عنها
شاركي في النقاش
سجلي الدخول لإضافة تعليق.
التعليقات
17- الله يعيني ويعينتس انا بعد بنتي عمرها سنتين ونص نفس الحاله تمص اصبعها اربع وعشرين ساعه حتى وهي نايمه حاولت اخليها تمص مصاصه علشان اربها تنسى اصبعها بس مافيها فاااااااااايده المشكله كل ماتكبر تمصها اكثر
بس قالت لي جارتي انه فيه حل اني اوديها لدكتور الاسنان ويركب لها شي اسمه ( قنطره ) بحيث انها ماعاد تقدر تمص اصبعها بس جالسه انتظر لين تتم الثلاث سنوات علشان افطمها من الرضاعه لاني ان سويت لها قنطره ماراح تقدر ترضع رضاعتها مع القنطره
بس في عمر ولدتس اتوقع هذا احسن حل له وديه لدكتور واستفسري عن هالموضوع اكثر - رفع لعيونك
- لا يخوفك والله اختي كانت بنفس سنه وهي الان بقلب العافيه مدرسه واسنانه كالبنيان المرصوص ماشاء الله
فتره وتعدي نقص بحنان او خوف احضينه قبل ماينام وادعي له ياما حركات ارعبتني باولادي وبدعاء صارت من الماضي - الله يجزاكم خير
وياجعل ربي يخلي لكم عيالكم ويحفظ كل غالي عليكم
ما تدرون الموضوع مقلقني كثيرررر
بس ياختي نجديه في الشرقيه كيف يعني القنطره هل اي دكتور اسنان يسويه وما يأثر على اسنانه
وهل يكون واضح يعني علشان ما يشوفونه زملاه ويحرجونه
تكفين ردي علي الله يجزك الجنه - والله ياختي مريت بتجربه مريره مع بنتي مافي طريقه ماستخدمتهااا مره زنجبيل شطه خيطت قماش خاص ليده وبالاخير جبس مافاد طريقة النهي مباشره ماتنفع ابددددددددددددددددد
يوم صار عمرها يمكن 6 سنين صرت ألمح لها وماكلمها اكلم اختها اللي اصغر منهاا وهي تسمع طبعا اقص قصص
انه كان في بنت تمص اصبعهها وشافوها البنات بالمدرسه ويضحكون بسكات ويبعدون عنهااا لانها عاده سيئه والبنت الحلوه ماتمص اصبعها كل ماتجي تمصه تنتبه وتبعده يع حركه مو زينه تقرف الناس منهااا ومن هالكلام
والله انها تكون حاطه اصبعها بفمها ثم يوم تسمعني تطلعه وتناظره وتحطه ورا ظهرهاا الين تعوووووووووودت وياربي لك الحمد والشكر وماشاء الله تبارك الله خشت أول وهي تاركته
اكتشفت انه الايحاء افضل من النقد المباشر يضايقهاا حيل ويخليها تعاند لكن الايحاء تحس بالذنب وتستوعب الكلام اكثر
انتي شوفي لو ماهو عنيد طبعه كلميه بهدووء دامه كبير وقولي بساعدك وانت تكبر وتصير رجال لمن تمصه عند ناس يقرفون منك وارسمي له المستقبل كيف لو هو كبير ويمص وقتها بيستوعب
الله يعينك ويفكه من هالعاده السيئه
مواضيع مشابهة
تابعي تجارب أخرى من هذا القسم.