هذا مارئيته في السوق يوم الخميس

قد يحتوي هذا الموضوع على محتوى غير مناسب. عرض الموضوع
هلابنات اخبار المطر معاكم المطر من البارح ينزل والجو خيااال في الريااض بس برررد



يوم الخميس رحت لسوق الفيصليه واذن العشاء ودخلت اصلي

وجلست في مكاني..

وتدخل حرمه معاها بنتها يمكن عمرها عشر سنوات
والحرمه ماشاء الله عبايه على الراس وجاونتي متستره ماتشوفين منها شي


ودخلت حرمه كاشفه وجهها ومعاها بنتها يمكن عمرها ست او سبع سنوات



وجلست اسوي لبنتي حليب بتنام وجلست ارضعها



الحين ندخل في الموضوع


سبحان الله يابنات حنا دايم نحكم على الانسان من خلال ملابسه


الحرمه اللي متحشمه صلت بسرعه وقعدت تهاوش بنتها وتسب وتلعن <<<انا هنا انقهرت واعطيتها نظره

ونظرت لي وكأنها بتعتذر قالت اف من ذا البنات


الحرمه اللي كاشفه وجهها
ماشاء الله على صلاتها
ومن خلصت قالت لبنتها يلا صلي وطلعت طرحه من شنطتها ولبستها بنتها
وماشاء الله ماشاء الله ماشاء الله على البنت عمرها بحدود سبع سنين وصلت صلاه صحيحه
ومن خلصت قرت الاذكار وكانت تستغفر وتسبح باصابعها
وامها جالسه تنتظرها وتسبح

انا هنا والله العظيم بكيت من الموقف وناديت البنت وضميتها وكان معاي اغراض شاريتها لبنت اختي اعطيتها للبنت هديه

ودعيت ربي ان بنتي تكون مثلها ومثل صلاتها يارب احفظها لامها وقر عينها فيها واصلحها


وخرجت من المصلي وانا في راسي استفهامات

المحتشمه احتشامها بس ظاهري
واللفظ فاحش في مكان عباده

والكاشفه لوجهها غير محتشمه
بس في داخلها انسانه طاهره
انعكس ذا على تربيتها لبنتها

هذا مارئيته في السوق والامثله كثيره
انا ماانكر ان فيه كثير محتشمات ودينهن ظاهر وواضح
بس انا كنت انظر للي تكشف وجهها نظره دونيه
بس بعد الموقف لا خلاص ماراح احكم على الناس من خلال مظهرها
اللي عندها موقف مشابه تذكره..


دمتم بود
جوري بنت خالد

56 تعليق 4,961 مشاهدة

شاركي في النقاش

سجلي الدخول لإضافة تعليق.

التعليقات

53
  1. @nort_hyaty_1

    صدقتي اختي اعرف ناس من خلال الاختلاط بهم انها حرمه ذات دين وصلاح تجلس في سجادتها وتصلي وتذكر الاذكار وبعد ما تخلص تعالي اسمعي انواع السب في الناس والغيبه وما تخلي احد في حاله حتى لبسها ساتر وماتطلع الاعبايه على الراس وشرابات بس الله يهديها لوتخلي لسانها لذكر الله كان افضل
  2. @abdaaa_anth_1

    ليش حبيبتي للي فاتشه وطالع وجها مهيب مسلمه وتصلي وتصوم وتصدق وتربي عيالها على الاسلام الصحيح

    مشكله كبيره في مجتمعنا يفكرون كل من فتشت وجها خلاص ماكانها مسلمه مو معناته خلاص فاتشه يعني كافره

    بالعكس هذاك قلتيها صلاتها احسن من للي متغطيه بس للاسف المجمتع اخذ فكره خاطئه عن البنات للي يفتشون

    تحياتي لك

تابعي تجارب أخرى من هذا القسم.