شاركي في النقاش

سجلي الدخول لإضافة تعليق.

التعليقات

2,011

  1. السلام عليكم ورحمة الله وبركاته

    بندقتي
    ازيك يا حبيبتي عامله ايه ؟؟؟
    بصي بالنسبة لموضوع الفوليك اسد انا كمان كنت بخدو 3 مرات في اليوم ال 5 مم والجاسبرين وحقن تراي بي بس بصراحة من فترة كبيرة وانا مبطلة كل الحاجات دي من قبل ما اروح الحج بفترة ولسة مرجعتلهاش وزي ما انتي بتقولي ان طلما في الوقت الحالي مش بنعمل حاجة هناخده ليه
    عموما حاولي تبطلي الفترة دي علشان تريحي شوية وابقي ارجعي خديهم تاني قبل ما تقرري تعيدي المحاوله بثلاث شهور كده
    وربنا معانا ويعينا علي الأدوية دي ويخلصنا منها يا رب

  2. نادو
    الحمد لله يا حبيبتي علي كل حال والحمد لله علي نعمة الرضا دي أهم حاجة صدقيني
    وكويس انك هتعملي تلقيح مرة تانية صدقيني التلقيح اسهل مليون مرة من الحقن المجهري ، قولي لجوزك ميستسهلش والله بتتعب ماديا وجسدياو نفسيا جدا جدا جدا
    ومين عارف يمكن المرة اللي جاية ربنا يكرمك ومتحتاجيش حاجة خالص بعدها قادر يا كريم يا رب

    أما بالنسبة لصديقتك انا بجد من مصدقه ان في ناس ممكن تعمل كدة حتى لو متعبوش في عيالهم ، دي حاجة غريبة اوي وانتي خلي بالك من نفسك ولو حسيتي ان وجود الطفل ممكن يأثر علي اي حاجة في العملية معلش اعتزرلها وبعدين جوزك محتاج يقعد معاكي برواقة تقومي انتي تجيبيلو عيل وكمان سنة ونص يعني لا هيفهم حاجة وممكن يتعبك في النوم وتسهري بيه بقة وجوزك نازل اجازة علشان يقعد معاكي انتي وبس
    فكري كدة وشوفي القرار الأسلم ليكي بس نصيحتنا كلنا بلاش

  3. جوجو
    ازيك يا حبيبتي ؟ معلش التعب اللي عندك هيا طبيعة اجسام ومش كلنا زي بعض ، بس كله في ميزان حسناتك ان شاء الله
    جاولي بس تاخدي راي الدكتور في موضوع الضغط ده وان شاء الله تكمل بألف خير يا رب

    توفي
    اللهم بارك يا حبيبتي في المولود وعقبالك ان شاء الله قريبا جدا

    مصرية
    ازيك وازاي الأكلات الجامدة بتاعتك يا رب علطول مشرفانا كدة
    وشدي حيلك في الرجيم وبرافو عليكي انك فعلا بتتحدي نفسك وبتخسي
    انا كمان عايزة انضم لفريق الخسسان ده لأني عندي 7 كيلة مجنينني خالص مش عارفة اعمل فيهم ايه
    ربنا يعنا يا رب ويحققلنا هدفنا قريبا جدا جدا ان شاء الله

    دوعة
    ازيك يا قمراية عامله ايه
    وعملتي ايه الشهر ده نشطي وايه اخبار المتابعة
    يا رب ربنا يكرمك أخر كرم ومتحتاجيش تنزلي مصر الا علشان الولاده

    قطوس
    ازيك يا حبيبتي
    بصي بالنسبة لحقنة الزولادكس انا اخدتها بس ثلاث شهور ورا بعض ، أول حقنة موقفتش البيريود وجت في ميعادها عادي ، تاني حقنة هيا اللي وقفت البيريود ومجتش الا بعد ما أخدت الحقنة الثالثة واستمر مفعولها تقريبا شهر كمان
    يعني من الأخر الحقنة الواحدة اللي انتي اخدتيها تأثرها مش هيمنع نزول البيريود علشان كدة جت في ميعادها عادي.

    وبالنسبة لحبوب منع الحمل دي حاجة عادية علشان اي حد هيعمل حقن مجهري لازم بياخد الحبوب دي في الأول علشان الشهر اللي بعده بيخلي المبيض يشتغل احسن
    وربنا معاكي واي استفسار اسئلي يا حبيبتي احنا هنا كلنا اخواتك

  4. ممس
    وحشاني اوي يا حبيبتي عامله ايه وازاي جنونة ؟
    ربنا يحميها يا رب

    ميزو
    عامله يا قمراية والله ليكي وحشة وازاي حماده
    ان شاء الله تخاوية قريبا جدا

    رجاء الغفران
    معلش يا حبيبتي قدر الله وما شاء فعل
    ان شاء الله ربنا يعوضك خيييير يا رب
    انتي بتعملي في مركز ايه ؟؟؟؟؟؟


  5. ماماتو

    انا حسه بيكي اوي اوي اوي وعايزة اقولك كلمة واحدة بس ان صدقيني مفيش حاجة بتحصلنا الا ربنا كاتبهلنا واكيد صبرنا علي اي ابتلاء اولا في ميزان حسناتنا واكيد لأن ربنا بيحبنا اكتر من غيرنا
    انتي كنتي مثال الصبر والتحدي والعزيمة عايزة اشوفك دايما كدة ...وبعدين احنا شعرنا لا تراجع ولا استسلام وان شاء الله العزيز العليم مش هيخذلنا ابدا ابدا
    ارجوكي انا عايزاكي تتكلمي قولي بتفكري في ايه واحنا كلنا هنسمعك كويس وهنحس بيكي

    يا رب اللهم عوضها عوض الصابرين يا رب
    يا رب اللهم عوضها عوض الصابرين يا رب
    يا رب اللهم عوضها عوض الصابرين يا رب

تابعي تجارب أخرى من هذا القسم.