يا أهل الخبر يا أهل الدمام

السلام على من اتبع الهدى

شلونكم ؟

بنات انا دخلت على الله ثم عليكم >>>>>> اخلصي

ابيكم تقولون لي شنو اشهر المجمعات اللي بالخبر واللي بالدمام

والاسواق العادية اللي مثل سويكت .. ووين يبيعون العبي والملافع

والساعات .. ....... الخ الخ

ابي ما عليكم امر تساعدوني شنو احسن شي شريتوه من زهور الريف ..

ومن هالاشياء ترا انا ما عندي خبرة اخذوا الاجر فيني

وجزاكم الله الجنة

9 تعليق 968 مشاهدة

شاركي في النقاش

سجلي الدخول لإضافة تعليق.

التعليقات

9
  1. يؤؤ وش كثر المجمعات

    عندك بالدمام مجمع الواحه ..ومارينا مول..والشاطئ مول..وابن خلدون بلازا

    وبالخبر عندك فؤاد سنتر,,,والجمعه سنتر..الخبر مول..الخبر بلازا..

    ومجمع الظهران (جيان)

    وزهور الريف انا دايم اخذ منه عطورات الجسم والمسح

    مررررررررره روعه

    ولا استغنى عن هالعطور اللي عنده

    والعبي روحي السويكت انا دايم اسوي عند الاحمدي و شروق وشمس وروائع والحسناء

    وسوق الدمام اللي هو يسمونه سوق الحب فيه اعبي بس ماعمري سويت عندهم

    اثق بالخبر احسن واشيك وارتب

    وموفقه ياقلبي
  2. @almhbh_llofaaa

    اولا مرحبابك بالشرقيه
    المجمعات الراشد مجمع الظهران فؤد سنتر والجمعه سنتر والواحه بالدمام
    الاسواق السويكت بالخبر وسوق الحب بالدمام
    وافضل شئ من زهور الريف عطورات الاستعمال اليومي ناعمه جدا
    محلات العبايات تحصلينها بسوق السويكت والصراحه انى اتعامل دائما مع الحسنا
    وياهلا
  3. صاحبة الموضوع
    تسلمون جزاكم الله خير
    والله يوفقكم ويرزقكم الجنة

    طيب سموا لي الاشياء اللي تشترونها من زهور الريف بالاسم ما عليكم امر

    :)
  4. انا اخذ من عنده بخاخ للجسم مره روعه اسمه نبتون صراحه ريحته رايقه
    وكمان اخذت المسك الابيض لكن انا افضل نبتون من عندهم

تابعي تجارب أخرى من هذا القسم.