مات زوجي من شهر

زوجي حبيبي مات واليوم يكمل الشهر وانا ماني قادره استوعب موته حاسه انه حلم وراح اصحى واحصله جنبي بس هذا الحلم طول ومو راضي يخلص وانا تعبت احس اني لازم اشوفه او اقلها اسمع صوته حاولت اصبر او اتظاهر بالصبر هذا الشهر عشان مااتعب اهلي معاي ولا اتعب نفسية اطفالي بس احس اني وصلت لمرحلة بديت انهار غصب عني احسه وحشني وماني عارفه كيف اوصله ماني عارفه ايش اسوي ادعولي ان الله يساعدني

51 تعليق 2,414 مشاهدة

شاركي في النقاش

سجلي الدخول لإضافة تعليق.

التعليقات

49
  1. @odad_alaalyany

    نفس حالتك والله زوجي من شهر مات قسم ان لما شفت كلامك كنك تتكلمين عني لايكون زوجي كان متزوجك امزح لاتزعلين وربي حاسة فيك اذا بغيت نتواصل على الجوال او الثابت ارسلي خاص ودي بوحدة تعيني واعينها نخرج من ذا الحالة

    يارررب يصبرني ويصبرك ويصلح لنا عيالنا
  2. @alordh_alhmraaa_12

    احسن الله عزاك وعظم اجرك
    ورحما الله زوجك وغفر له واسكنه الجنه يارب
    حبيبتي لازم تتحملين عشان اطفالك لا يتأثرون وخصوصا وهم صغار واعرفي اننا كلنا للموت زوجك جاء يومه وباقي احنا نستنا ايامنا ما ادري متى تكون الله يرحمنا ويثبتنا ويخرجنا من الدنيا مسلمين
    صدقيني يالغلا اكتب لك وانا حزنانه وما الومك ويمكن لو كنت مكانك بكون نفس حالتك الله يرحمه ويصبر قلبك ويعوضكم خير تقربي لله اكثر من قراءة القران وقيام الليل 0000الله معاك

تابعي تجارب أخرى من هذا القسم.