رحت ادور لي عريس وجاني الهم ماجاني العريس

@alaaml_alnadr

السلام عليكم يالغاليات
صباح الخير
بنات ودي اقولكم قصتي قبل فترة اسبوعين اوثلاثة تقدم لي واحد عن طريق خالة زوج صديقتي
هي لها معارف وشكلها تحب تجع بين راسين بالحلال الله يجزاها خير
وقالت لي صديقتي اقولها عنك قلت ايه وفرحت صراحة
لكن شوفوا وش صار
الشخص الي جابته لنا ماعنده وظيفة يشتغل عند اخوه وبسسسسس
ولا هو موجود بنفس الديرة الي انا فيها
المهم ما صار نصيب
قامت الأخت وش سوت (ألي جايبة العريس)
تخيلوا يابنات دقت على ام زوج صديقتي وشرشحتني ومن ضمن الي قالت
اني اتشرط وانا مافيه براسي زواج
تخيلو تقول: ليش تتشرط ليش ماتتنازل هي موب صغيرة ويتيمه واخوانها موب دايمين لها
خلاص انا ما عندي لها الي هي تبي وفظحتنا لاننا نتصل فيها على اساس اختي تتواصل معها
والحرمه لها كم يوم ماترد
تخيلوا تقول لخالة زوج خالتي انا عارفه انهم يدقون علي بس انا مانيب راده
هذولا يتشرطون انا عندي الحين واحد اسمر بقوة اذا راضية فيه خلي اختها تكلمني
تخيلوا بنات والله حسيت ا ني اطرها زوج وصراحه جرحتني وقلبت علي المواجع كني يعني مانيب دارية اني كبيرة ويتيمة:44:
وبعدين الله يسامحها بالغت تقول يتشرطون الي يشوفها يقول شارطة اتزوج وزير المالية والا الداخلية والا سفير المملكة عشان اصير كل يوم بديرة
بنات انا بقولكم وش قلنالها وقلولي هل هذي الشروط تعتبر فوق الخيال
اسمعوا قلنالها أهم شي يصير مستقيم ولا يدخن ويكون موظف لوكان دخله محدود وبيت مستقل حتى لو مع أهله بس مطبخ مستقل
بس تخيلوا شرشحتني وفظحتني والله اني من يوم الاربعاء وانا في هم ما يعلمه الا ربي
وبعدين وش رايكم نرجع نكلمها والا لا
انا مترددة لاننا بصراحة ما نطلع كثير ولا لنا علاقات بس احس انها تذل شوي :44:
تخيلوا حتى عماتي مانشوفهم كثير ولا اعرف بعض حريم عيال عمتي
وزميلتي بعد عتبت علي وتقولي مثلها انتي تتشرطين
دعواتكم تكفون يابنات حتى اخواني حسوا اني طولتها عليهم لكن الرزق موب بيدي

بس وش اسوي
الله يفرجها ويرزقني من عنده عاجلا غير اجل
بنات تكفون انا على غلط قولولي والله اني احس انكم خواتي من جد افضفض لكم ولا افضفض على خواتي
معليش كلامي حايس شوي بس والله من الهم والقهر
اخيرا
اسأل الله في هذه الساعة المباركة ان يرزقني وبنات المسلمين وبنات حواء خاصة الازواج الصالحين
الذي يرضى المولى دينه وخلقه ويوفقنا معهم ويرزق كل محرومة الذرية الصالحة
ويجزى كل من ترد علي خير ويرزقها ما تتمنى في الدنيا والآخرة
آآآآآآآآآآآآآآآآمين
ملاحظة :الله يجزاكم الجنة لا أحد يقولي راسليني عالخاص لأنه غير متاح لي ذلك فمشاراتي لم تصل الى 50 مشاركه وشكرا

94 تعليق 9,605 مشاهدة

0 0

شاركي في النقاش

سجلي الدخول لإضافة تعليق.

التعليقات

92

  2. @alozyrh_2

    اختي الحبيه عليك بلاستخاره واكثري منها ولا ترجعون تكلمونها ابدا واسال الله في هذا الوقت الفضيل في اخر اليل ان يرزقك وبنات المسلمين بزوج الصالح واكثري من الاستغفار وحافظي على صلاوتك في وقتها وادعي الله الاستخاره مومره وامرتين في كل فرض او حتى لو دعاء الاستخاره ادعي الله فيه دايم وتقبلي مروري

تابعي تجارب أخرى من هذا القسم.