السلام عليكم حوائيات وشلونكم وش علومكم
انا بي غبنه ودي افضفض واطلع الي بخاطري مير لا احد يشره علي
انا يا بنات منول اسمع اميمتي الله يطول بعميره ويخليه لي
تقول وه الدنيا غاديتن دردبيس ولا ادري وش معنا كلامه توي
افهم قصده ان الناس غادينن يحومون التسبد منول الى اعزمنا
فرحنا وبدينا نهوجس بالعزيمه ونحلم به واذا جاء يوم العزيمه كشخنا ورحنا وشفنا الناس نفرح بهم ويفرحون بنا-من تالي الله يدفع البلاء الى دخلتي على الناس يناظرون شنطتس ونعالتس (وانتم بكرامه ) هن ماركه تتسان انهن ماركه فهم عطوتس وجه ولا اقعدي طيري عييناتس بالناس واسكتي وان جاك احد يزورك منول نفرح بالي يجي نهلي ونرحب وقهاوي وشواهي وفله ومن تالي الى جوك تقل مدزوزين دز كان بيتس كشخه فهم عطوتس وجه وكانه عادي يبدون يتنفضون تسنهم قاعدينن بمزبله واذا قدمتي لهم شي ياخذونه وهم مكشرين وش دعوه وش كبركم علينا لا تجون لاصرتو ما تبون اناتحوم تسبدي ودي اشوتهم مع الباب مالي خلق الي تسذا - ولا عاد الولاده يادافع البلاء منول اذا اولدت الوحده سوينا الحلاوجبنا فطاير وتسانتس تمونين عليهم تجيبين كراث -الحين ياويلتس ان جيتي وهم ما قالو لك تعالي وان جيتي جيبي حلاو ماركه موب من محل الحلا الي بجمبكم -والله اني اعرف وحده تقول انه راحت لصديقته بالمستشفى والده واخذت معه سلة حلاو ب500ريال واذا زارته بالبيت تاخذ له هديه الولاده وجع اذا الحلا ب500 اجل الهديه بكم
صدز صدز شي يفطر التسبد انتم مثلي ما جازا لكم الوضع ولا بس انا الي من عام الفيل ولا تغيرت ياليت ترجع بساطتنا اول وسهالة الناس وقلوبهم المتصافيه ودي يرجعون مثل قبل اجتمع معهم واشبع بهم يوم حنا نسولف ونفله ونكت ولا نزعل على بعض او نجامل بعض ترا انا ما اتكلم قبل عشرين سنه لا والله انه شي قبل ثلاث او اربع اسنين مير الدنيا غاديتن دردبيس
ياحبيلكم لا تواخذونن كاني طولت عليكم بس والله انه منطحلتن تسبدي من شين اشوفه يلهد
وسلامتكم وانتم سالمين
شاركي في النقاش
سجلي الدخول لإضافة تعليق.
التعليقات
22- صدقتي والله
الله يرزقك الذريه الصالحه وكل محرومه عاجلا غير اجل - حبي راس ميمتك وقوليلها الدنيا بخير
حنا النفاس مانعتقة مدة شهر نطبخ ونودي وقهاوي وكل يوم القهوة على وحدة مانتركة الاالعشر الايام لاخيرةنعتقة لوجة الله
وهم نفس الشي مايعتقونا الا الايام الاخيرة مانحب الرسميات ياحبي لك ماتسيرين علي انتي وميمتك - ياعمري انتى وامك تسلمين
- لا فض فوك..وتسليم يمينك اللي كتبت هالكلام الحلو..
والله انك صادقه الناس تغيروا.. - فعلا صادقه
مواضيع مشابهة
تابعي تجارب أخرى من هذا القسم.