بنات الإمارات .. و بالذات دبي ..

السلام عليكم ....................
هلا عيوني حبيت ابارك لج والله ايوفقج ان شاء الله وتعيشيت مرتاحه البال ...
ويرزقنا ويرزق اللي ماتزوجن الزوج الصالح يارب العالمين.....

انا حبيت اقولج رايي في فوتوغرافيا .. عيوني يوم عرس اخواني كان عرسهم في يوم واحد ... كان رووعه التصوير وفي قمه النظافه يعني توكلي ولا تشيلين هم ..
وبعد في وحده نفس التصوير ويمكن ارخص اسمه برافدا.. وبنفس جوده الالبومات والتصوير......

اما بالنسبه للفستان ... انا انصحج اب اروشي رووووعه وكل وحده فصلت عنده من اهلنا فستانها كان احسن عن الثاني....
وكنت بقولج عن المصمم ابراهيم صباغ سوا حق ربيعتي فستان عرسها شو رووعه يجنن رهييييب ويعتمد على فصوص شواروفسكي من كل الاحجام والله كان خبال فستانها ...

للتصوير السنماءي عند مثل ماقالوا الاخوات ..... كابي.... وعندج العبدول وو فنووون .....
بالنسبه للكوش انا اعرف محلين في بوظبي روووعه .... السفير و الساعي .....
وعندج فانتازيا ....

بس انا سمعت عن اللي في دبي اللي قي قاعه لطيفه منظمين ايسوون حلو ......

أم حمدان .. تسلمين والله .. و الله لا يحرمني منج و لا من مسجاتج ..

و إن شاء الله كل ما إتيني مسج حلوه بطرشها لج على طول ..

لا تنسين العرس .. و إن شاء الله في القريب بنتلاقى ..

كل الغلا ..

مشكوره يا أختي ..

والله أنا محتاجه للدعاء .. إدعيلي الله إييسر أموري و يعدي كل شي على خير ..

و لا تحرميني من طلتج ..

بنت الغالي ..

أختي شواخي ..

الله يسمع منج .. والله يا أختي ما أبغي غير إني أفرح شوي .. من عقب وفاة أبويه الله يرحمه حسيت إني مقطوعه من الدنيا .. و الحزن فيني لين اليوم ..

لكن أتمنى من رب العالمين إنه يسخر لي زوجي إن شاء الله و يعوضني عن فقداني أبويه الله يرحمه ..

إن شاء الله فالج طيب يا أختي نبض الإمارات ..

إنتي لو تبين عيوني بعطيج إياهن .. ما عليج زود يا أختي ..

بس ادعيلي .. وايد مرتبكه و حاسه فيني حزن .. يمكن كان خاطري أبويه الله يرحمه يكون ويايه ..

مشكوره مره ثانيه ..