شاركي في النقاش

سجلي الدخول لإضافة تعليق.

التعليقات

2,450
  1. @daaanh_2

    الغنادير
    هلووووووووو شخباركم رقدت لولو وسرقت عمري أطل عليكم قبل لانام وحشتوووووووني تسلمين حبيبتي دااانه والله أحس أنكم خواتي وماقدر يمر يوم ماتكلم معاكم الله يحفظكم ويديم هالمحبه بينا ولايحرمني منكم ماقلتي لنا طريقة الشوفان بالحليب ؟؟؟ عطر الش…
    هلا اخواتي .. بقووول لكم شي ..
    ولد عمتي عنده طفل عمره سنه .. والشغاله كانت تغسل له في المغسله وبعدين لان رجوله كلها مويه .. المهم فجأه طاح من يدها على الارض .. والمسكين صار له كسر بالفخذ وجبسو له رجوله >>والله انه يحززن وأمه بس تبكي عليه .. :icon33:


    انتبهو يابنات على أطفالكم ..

    الغنادير :
    تبغي طريقه الشوفان بالحليب يالخبيره .. >>>اصلا مسروووقه من الشوفان ايلي بالتمر حقك .. خخخخخ
    احممممممم ..
    المهم انا اختي تسويه لاطفالها .. ملعقه ونص شوفان مع كاستين كبيره ماء, او كاس ونص ..وتقلبيه على نارهادئه لمدة ربعساعه بعدين بالاخير تضيفي حليب ايلي يستخدمه البيبي ونفس المقدار ايلي تحطيه في الرضعه ..وتقلبي شوي وخلاااص .. راح تلاحظي ان الخلطه ثقيله فلو حبها لبيبي بالملعقه بالعافيه عليه ولو ماحبها , اخلطيها بالخلاط وحطيها بالرضاعه ..

    ولهانة الحجاز :
    ايش فيكي اختفيتييييييييي ؟؟؟
    قلقت عليكي وعلى شادن ؟؟
    انشالله تتطمني عليها ..
    وسلامتك ماتشوفي شر يارب .. طيب حليب السعوديه البارد يخفف الحموضه جربي يمكن يفيد معك .. :icon33:
    وبالنسبه للريجيم هانت بقي 5 او 4 كيلو وخلااااص ارتاح باذن الله ..
    الخضار ياحبيبتي عادي لو تسوي كميه حقت يومين وتحطيها في الثلاجه , طبعا تحفظيها في علبه بلاستيك او قزاز .. >>انا شاريه من سيتي بلازا علب بلاستيك ملونه بغطاء وهي في قسم المواليد تلقيها .. جنب الرضاعات ..دايما استخدمها لولدي عشان تكون خاصه بأكله ..
    وكذا كويس ايلي حطيتيه لها , ومره ثانيه نوعي ( بطاطس مع كوسه مع ملعقة رز).وجربي الشوفان بالحليب سويته لمهند وعجبه ..
    ماشالله كويس انها انقلبت .. مهند بيحاول مسكين حتى وجهه يصير احمر لكن ماانقلب لسه بس على وشك ..
  2. @antthr_tfly

    الغنادير
    هلووووووووو شخباركم رقدت لولو وسرقت عمري أطل عليكم قبل لانام وحشتوووووووني تسلمين حبيبتي دااانه والله أحس أنكم خواتي وماقدر يمر يوم ماتكلم معاكم الله يحفظكم ويديم هالمحبه بينا ولايحرمني منكم ماقلتي لنا طريقة الشوفان بالحليب ؟؟؟ عطر الش…
    هلا خواتي

    شلونكم وشلون الكتاكيت...

    عطر الشموع شلونك وشلون يوسف انشاءالله بخير...

    الغنادير -الشوووق-campoocha-دانه...وكل الغاليات ...شكرا على ردكم والله لايحرمني منكم... بس عندي شويه اسأله ... تحملوني... :06:

    الحين وش اول شي ابدا مع بنتي بالاكم خضار كل نوع لحاله يعني كل يوم نوع...ولا..

    وكم مرة باليوم مرة وحده في البدايه ولا اكثر؟؟؟

    وطريقه الخضار اسلقها وبعدين اطحنها بالخلاط ...صح كذا ولا؟؟

    والفواكه بعد ولا؟؟

    والسيريلاك وش النوع المناسب لها وقد ايش الكميه؟؟
    وش الشوفان وشلون اسويه؟؟
    والرز بعد ماعرفه وشلون اعمله؟؟

    ومنتجات هيرو دورها زوجي ومالقاها وش احسن نوع؟؟؟ وبغيت اسأل مو احسن الاكل اللي بالبيت من الجاهز؟؟؟

    دانه..

    منتوجات الصحه وش اخذ منها وش الانواع المناسبه؟؟؟؟ خلاص خلصت الاسئله ههههه

    والله والله ادري اني قرفتكم وطفشتكم معايا :icon33:

    بس اعذروني والله ماعرف شي ومابغا اسأل سلفاتي يشوفون حالهم علي ... قلت اسألأ خواتي وادري بيتحملوني..... :27:

    يعطيكم العافيه
  3. عطر الشموع
    ماشاء الله يويو يجنن الله يخلية ويحفظة كلبووووووووس يتربى بعزكم ان شاء الله
    بااااقي صورة بدر بحطها لكم
    انا بعد الولادة كنت اعطي بدر 60مل وطبعا الى شهرين وانا اعطية 60مل والولد يبكي مايشبع وانا ماادري طبعاااااا لا واقول يالله من هالولد مايشبع وماما توقلي اذكري ربك طفل في الاخير أختي اكتشفت وشافتني لمن سويت الرضاعة قالت لي ايش هذا ؟؟؟؟؟؟؟ طاحت فيني تهزززززئي وتقولي ابنك مزعج مزعج لأنك مجووعتية ولمن قريت اللي على علبة الحليب اكنتشفت انة المفروض يرضع 120 مو 60 <<<<<< قصة حياتي بس من جد عيالنا مساكين حقوول تجارب

    ام طلال ولين ولمار << لاتزعل علينا
    الحمدلله على السلامة ونورت الريااااااض والحمدلله على حظك صار دفى والله يعينك على الحلوين انا مرة ركبت القطار مع بدوري وكانت معي الشغالة اتبهذلت والله اني دقيت على زوجي وقلت له اخر مرة اركب مع بدر وانت تعال رجعنا ماراح اركب قطااااااااارمرة ثانية

    انتظر طفلي
    كيف جنى الحلوة

    ولهانةالحجاز
    الله يكون بعونك تدبيس المعدة صعب والاصعب النفسية تكون بالحضيض مع الحرمان انا معانية مثلك بس الحمدلله مافكرت اسوي تدبيس معدة لأنة خطرررررر الله يديم عليك الصحة والعافية

    weelaah
    بدوري بسم الله علية يحط يدة مو بس اصابعة ومن ولدتة وانا البسة جلوفز بس من طلعت من النفاس وام زوجي كل ماشافتة لابس فكتهم ماتحبهم وولدي يشمخ نفسة مو بس يمصمص علشان كذا ضروري يلبسهم
    سلامة عبادي ان شاء الله تخف الحبوب ونتظر صورتة


    بنات انا خلصت قضاي والحمدلله والوزن ماشااااء الله متحطمة كثيرررررررر ماينزل الابالمووووت طبعا باقي لي من 8الى 10 كيلو علشان اوصل الوزن اللي انا ابغاة بس مداومة على الحرمان والريجيمات المهلكة والنفسية يوم كويسة ويوم دمااااااااااااااار والرياضة نفس الشئ بس صرت افوت كم يوم علشان بدر مااحب اتركةمع الخدامة على طوووول
  4. @rbyaa_mntthr

    imay
    كل عاااااااااااااااااام وانتم الى الله أقرب سامحوني ياااااابنات ان كنت اخطأت في حق احد منكم او غلطت بكلمة ممكن تكون زلة لأني ويشهد الله احبكم فية جميعاااااااااا ومعتبرتكم مثل خواتي زوجة وام الف الف مبروووووووووووووووووك على التخرج وماقل…
    صباح الخير..
    إلى حبيباتي...كيف الجميع ؟؟عسى الكل بخير؟
    هاأنا أكتب لكن بعد إنقطاع 3 أشهر..لكن أنا حاضرة القراءة غائبة الكتابة..
    (شوفوا الأمثال وتأليفها)
    هاه ...لاتكونون نسيتوني؟؟لأني رفيقتكم من أيام ديوان الحوامل..ومتباعتكم ستة على ستة.
    أكيد طبعاً مانسيتوني(الله يالثقة)
    وإن شاء الله مانسيتوا ولدي ؟؟الشاطرة اللي فاكرة اسمه؟؟
    1|أخباركم وسواليفكم مرررة تونس ..
    2|أم طلال ولين...أموووووووت وأشوف عيالك الله يحفظهم...
    3|زوجة وأم العزيزة لقبك مرة معبر وحلو....ومبروك التخرج...ألف ألف ألف مبروك..لكن حبيت أسألك ..إنتي بأي كلية؟
    4|عطر الشموع..ياقلبي عليه الله يحفظه من كل شر ..يهبل ولدك..
    5|داانة الغالية.إعذريني يالحبيبة والله ماخلاني مأرد..إلا التعب ..اللي جايك سرده لاحقاً..على العموم بوسيلي مهند ومحمد..وسالفة الليمون موتتني ضحك..ياحبي لهم.
    6|الجميع لكم سلامي..
    ــــــــــــــــــــــــــــــــــــــــــــــــــــــــــــــــــــــــــــــــــــ
    ــــــــــــــــــــــــــــــــــــــــــــــــــــــــــــــــــــــــــــــــــــ
    أما عن أخباري..فالله يسلمكم ..ولدي ولدت فيه على بداية الثامن..ووزنه كيلو ونص بس..
    إن شاء الله فاكرين حكايتي..
    طبعا اهتميت فيه اهتمام فضيع..ولما جانا عيد الفطر ماتتخيلوا شكله بفضل الله..ماينشال..صحة وجمال الله يحفظه..
    الكل انهبلوا على خبرهم كبر قارورة الموية اللي بريال..لدرجة إن اللي ولودوا بعدي ولدي أكبر من عيالهم!!
    ثم سافرت لمدينة زوجي نعايدهم..آآآه ..ليتني ماسافرت(اللهم لاإعتراض)
    من نفس الليلة اللي جيت فيها وولدي صراخ إلى الصبح..شي ماينوصف..اسبوع وهوعلى هالحالة........تعبت نفسياً منه.. ثم رجعنا الرياض..
    وصار شي اسمه حليب مايطيقه..أول إذا حطيت المنديل تحت فمه على شان أرضعه..يلف راسه يمين يسار يبي الحليب..والحين بس يحس بالمنديل يصررررررررخ...كأنه طايح ..أو لامسه شي حار..
    وإلى الآن على هالحالة ..أحس ببكي من القهر..مابيدي حيلة..لو حرارة فيه خافض..لو انسداد بأنفه فيه قطرة ..لو لو لو لو ..............إلا الرضاعة مالها حل...يارب مالي غيرك ..
    من 180 رضاعة كل ثلاث ساعات من غير الأكل اللي ياكله..وشهية مفتوحة إلى 30ملل كل 5 ساعات..وبالغصب بعد..مع الصراخ والبكاء....
    الحمد لله على كل حال..
    وزنه نااازل مرررة..وشكله مررة تغير حييييييل نحف ..كل من شافه قال..يوووه ماكأنه الأول وين خدوده!!!!!!!!!
    نصيحة..نصيحة ..نصيحة..
    اقروا على عيالكم..ولا تزينونهم..واحمدوا ربكم على صحتهم مليون مرررة ...مجرد ولدك يرضع هذي أكبر نعمة..
    والله الناس مايعطون خير..لأني جربت في أحلى وأغلى البشر ..حبيت ماتغلطوا غلطتي..(معليش طولت لكن والله من ألم أحسه بداخلي)
    على العموم هذاسبب انقطاعي..وإن شااء الله أرد متواصلة بأخباري معاكم ياغاليات..
  5. @alghnadyr

    يسعــــــــــــد صبــــــــــــــــاحكم

    هلا أمهات شخباركم وشمسوين جميعا بدووون إستثناء

    قبل كل شي بحط الرجيم حق الأخت weelaah

    سوري حبيبتي وايد تأخرت عليج بس من باجر تبتدين خخخخ

    الرياضه : المشي لمدة نص ساعه يوميا على الاقل + تمارين البطن 100 مرة تقسم على اليوم .

    الأفطار :

    1.كوب حليب قليل الدسم .
    2.2 سلايس توست أسمر أو أبيض .
    3.سلايس جبنه قليل الدسم أو بيضه مسلوقه .
    4.شاي أو كوفي / حليب قليل الدسم / كاندريل .

    الغداء :

    1.نص ماج رز أبيض أو معكرونة مسلوقه.
    2.سلطة بدون زيت أي كميه ( خس ، خيار ، طماطم ، فليفله ، جرجير ، بقدونس )
    3.ربع دجاجه مشويه بدون جلد أو سمكة متوسطه أو لحم 150 جرام لحم عجل ( مسلوق أو مشوي )
    4.أي نوع دايت .

    العشاء :

    1. 2 سلايس توست .
    2.سلايس مرتديلا ، تركي ، روست بيف .
    3.كوب حليب قليل الدسم أو روب أو لبن .
    4. 2 ( تفاح أو برتقال ، كيوي ، كمثرى ).
    5.دايت أي نوع .


    بين الوجبات المسموح :

    ماء – دايت أي نوع – شاي ، قهوة بالكاندريل – عصير ليمون أو جريب فروت بالكاندريل – خس – خيار

تابعي تجارب أخرى من هذا القسم.