ودي ولا ودي ....... أستخدم زيت الخروع بس خايفة

نصيحة لوجة الله

لاتاخذينه ولاتسمعين كلام احد

شوفي مع اني بكريه وزيك الى الان ماولدت بس والله الواحد من كثر مايسمع صار يخاف ومن خاف سلم
عليك بالتمر والمشي قد ماتقدري وهو مايجي الا بيومه
اما انك تلعبي بنفسك ترى مو شرط اللي ينفع غيرك بينفعك انتبهي

انا الدكتورة صرفته لي وانا مخلصه الاسبوع الاول من التاسع وسوت لي تحريض يومين ورا بعض وقالت اشربي خروع وامشي وتعالي الفجر وشربت ثلاث ارباع العلبه وجيتها الفجر ما انفتح ولاعنده نيه فضطرت تفتحه وتحط لي طلق صناعي

ابي اقول لك تجربتي الرحم كان مفتوح عندي 1او2سم ومشيت من العصر الى المغرب بس كنت على نصف التاسع وكشفت وقالت الدكتوره الرحم مفتوح وكنت امشي لين احس بالطلق اكمل وقبل المغرب مريت الصيدليه وسالت الصيدلي قال عادي واخذت العلبه ورحت البيت وقال بس ملعقتين اكل على كاس عصير يرتقال وشربتها واروح امشي في السطوح لين انهديت ورايحه جايه على الحمام الله يكرمك والساعه 12 باليل رحت المستشفى والرحم مفتوح 3سم وركبوا الجهاز حق الطلق ووجدوا ان فيه طلق ونوموني وتجي الالم وتروح وبعدين جات الدكتوره فتحت المويه الساعه 4الفجر وبعدين اشتد الالم واولد السا عه 1 الظهر الحمدلله والله يسهل عليك عيوني ادعيلي قلبي

أذكر قالت الدكتوره روحي للصيدليه خذي خروع وصبي نص العلبه وأخلطيها مع عصير مانقا عشان تتسهل ولادتك ويفتح الرحم بسرعه

أناطلعت منها وشريته عقب لقيت معاناة وشلون بشربه ومع مانقا ثقيل وثقيل ومعدتي الضحيه آخرتها غصبت نفسي عليه لأني بخلص التاسع والرحم له أربع أيام موقف على واحد سانتي

أحاول أشربه على جرعات بس غلاص أنغثيت قالي زوجي أشربيه دفعه وحده ترتاحين شربته بسرعه وبدون تفكير عشان ماأحس بثقله وطعمه أنا صرت زي هالصوره بعد ماشربته مباشره :icon32:

شفتي السياره إللي مافيه بانزين وتبين تمشينها وشلون تسوي صرت زيها خلاص بستفرغ وأغصب نفسي أتحمل وشلون عقب هالمعاناة أستفرغ جلست أدور في البيت كني حاطه جمره في معدتي :09:

وأحاول آخذ نفس ألين أرتحت بعد عذاب مايعلم به إلا الله

تدرين وش صار بعد ماشربت نص قارورة خروع وعليها عصير وهذي تعتبر كميه كبيره يعني لو يسهل الولاده كان بتستسهل ولادتي وينفتح الرحم لكن للأسف صارت أشنع ولادتي تعسرت وطولت في المستشفى أبطيت عظم عندهم ماولدت إلا أنا تافله العافيه

صدقيني مافيه أحسن من الحلبه والعسل في الشهر التاسع وحده مداومه عليها ويوم كشفت الدكتوره مشاء الله تبارك الله لقت الرحم مفتوح 6سانتي مع أن مانزل إلا شوية دم وبدون عوارض ثانيه

وأنا بنفسي جربت الزعفران بعد ماأعرف ان الرحم مفتوح من علامات الولاده أنقعه بماء زمزم واخليه مركز وآخذ ملعقة عسل طبيعي هالحركه تخلي الطلق يجيك حار وسريع ينفضك نفض يعني تنفع إللي الرحم يتوسع عندها ببطىء وطلقها بارد