₪₪تجمع يخص ( الحوامل والأمهات ) بعد إجرائهن عملية أطفال الأنابيب"التجمع الخامس"₪₪

الف مبرووووك للغالية حواء
جعله الله من مواليد السعاده

لا ما تحسبيها باليوم تحسبي من 19-7 أسبوعين يعني انتي حامل بالاسبوع ال 29




أنا جاوبتك اختي راجعي الردود عدد الاجنة والنبض يظهر في الاسبوع السادس الى التاسع

كات الحمد لله على السلامة وعقبال مايطلعو اولادك من العناية وتفرحي فيهن يارب

مرحبا

تاخرت عليكم .. لكن بتعذروني لما يشرف البيبي :35:

ولادتي الحمدلله كانت طبيعيه لكن البنوته مانزلت فسحبوها بالشفاط:44:

وهذي قصة ولادتي

اخر موعد رحته كان الاربعاء 9 صفر وكنت مخلصه التاسع صار لي 3 ايام
وقررت لي الدكتوره تنويم وطلق صناعي اذا ماولدت لحد يوم الاحد

كشفت علي وقالت الرحم مفتوح واحد سم وسوت لي تحريض :mad: ( مؤلم) علشان توسع الرحم ورجعت البيت

ظليت ادعي اني اولد قبل الاحد

يوم الخميس الساعه 5 وربع المغرب نزل ماي البيبي وانبسطت ( مااعرف على ايش الوناسه ) وجهزت اعراضي وصليت ورحت المستشفى
كشفوا وقالوا مفتوح 3 سم :27: قلت حلو ,, 3 سم ومافيني طلق
قالوا لازم طلق صناعي

الساعه 10 بدا طلق خفيف والساعه 11 بداوا الطلق الصناعي
واستمر الطلق يزيد و يزيد لحد الساعه 9 الصباح يوم فتح الرحم 10 سم وجلست ساعه ونص ادفع لكن البيبي مو راضي ينزل ( عاجبها بطني ):27:

وللاسف اضطروا انهم يسحبوها بالشفاط ونزلت الساعه 10 ونص الصباح يوم الجمعه

راسها انجرح شويه من اثر الشفاط وسووا لها تصوير للراس والحمدلله كان كويس

وطلعت يوم السبت من المستشفى

وبدينا في تعب التربيه والسهر اللي راح تجربونه لاحقا



ضوء نجمه سالتيني عن المستشفى
المستشفى راقي وغرفة الولاده تفتح النفس كبيره وفيها تلفزيون . انا حطيت طول الوقت على قناة المجد للقران .. والقابله تكون معك اغلب الوقت . انا اللي كانت معاي وقت الولاده من لندن لكنها مسلمه وتعاملها يجنن
والدكاتره صادفت صبا وحنان السكري لاني جلست شفتين من الدوام لكن لما احتجت شفاط جا دكتور مااعرف ايش اسمه

اللي ماعجبني . خياطتهم تعبتني كثير والتهبت واحس انهم ماينظفون الرحم كويس لاني الى الان ينزل معاي دم كثير .

واللي عندها اي سؤال تسال :27: