بنت اختي راح يسوون لها تخدير كامل وعمرها سنه .. أرشدونا :(
السلام عليكم ... مساء / صباح الخير
بنات بدخل عالطول ... بنت اختي عمرها سنه والمشكله كانت البنت مافيه ازين منها
تاكل عادي حركته عاديه بس تاخرت مازحفت ولامشت بس عندها اربع اسنان
اثنين تحت واثنين فوق...
لكن البنت تقريبا اول ماتمت سبع او ثمان شهور جتها زي الغشوه وصارت ماتتنفس لعدة ثوان وصار وجهها بنفسجي .... وهي تقريبا مافيه فرق بينها وبين اخوها الا سنه وكل يوم طايحه على راسها من ضرب اخوها
البنت اول مابدت تحاول تاقف وتمشي على الجلسات انتكست حالتها صارت البنت لاتزحف ولاتحاول الوقوف
وانصدمنا ان الشهيه انعدمت وبس بكي طوال اليوم ... ومن يوم عمرها اشهر نلاحظ انها تهتز براسها بشكل خفيف والحين صارت حتى ماتقدر تمسك الاشياء مثل اول واذا صحت من النوم صارت ماتقدر تنقلب او تجلس
والحين لاحظنا عليها ان عيونها ترجع لوراء والي يشوفها مايصدق عمرها سنه يقول 9 شهور
ودوها للحرمه الشعبيه وقالت فيها اخت ... وديناها لااستشاري قال من وجهها معروف انها تعبانه عندها نقص حديد وكالسيوم حاد ورخاوه شديد وهذا ماثر عليها في راسها (عظام الجمجمه) بدون مايطلب تحليل دم لها
وكتب لهم على فيتامينات وقال افطميها عن الرضاعه الطبيعيه لان امها عندها نقص حاد برضوا واثر عليها وصرف لها حليب فيبي ميلك
واستمرت على الفيتامين اسبوع ورجعوا حللوا قال ان الحديد ممتاز بس فيه نقص كالسيوم ومازالت الحاله منتكسه
واليوم راحت عند استشاري مخ واعصاب وطلب منهم يسوون تخطيط للمخ ورنين مغناطيسي وهو يقول شكل الجمجمه مو طبيعيه واحتمال عندها شحنات كهربائيه زائده
وانا قريت بالنت انه اذا اهمل علاجه راح تتطور الحاله وتصير صرع الله يكفينا شره ... وانه يجي من اسبابها الطيحات خصوصا عالراس
بس المشكله راح يسوون لها بكرى تخدير كامل وهي عمرها سنه توها صغيره
س: تتوقعون يؤثر عليها التخدير الكامل ولا لا ؟؟
أحد مر على نفس الحاله أو تعرفون احد .... الله لايصيبكم مكروه يااااااارب :44:
المشكله مااحد عارف يشخص الحاله كل دكتور يعطينا تشخيص شكل ...
:icon33: