أنا لو ماكنت أعرفها ماصدقت اللي يصير لها الله يعينها بس

السلام على الجميع :39:كيف حالكم ان شالله كويسين اقوى هاذي كلمت بابا أناخخخ

بنات انا اليوم جايبه موضوع عن أم وحده من البنات اللي اعرفهم ...بدخل في السالفه على طول الله يسلمكم خويتي تزوجت بس ماطولت تقريبا أسبوعين وتطلقت الله يعوضها خير ....وهي اللي طالبه الطلاق الى هنا كويس بس المشكله في أمها مو راضيه ان بنتها تتطلق واللحين البنت صار لها سنه وكم شهر و لأم كل مايسئلون الحريم عن بنتها تقول في بيتها وعند زوجها ومن هاالكلام واذا
قالو حامل تقول ماالله كتب وحتى اذا زارهم احد في بيتهم ما تطلع البنت يعني كانها في بيتها واذا
اهلها بيروحون عزيمه تجلس في البيت علشان اذا
حرمه سألت عنها تقول أمها ما جتنا اليوم أو طالعه مع زوجها وغيره من الاعذار .........
بس البنت مسكينها مالها ذنب علشان أمها تسوي معها كذا,,هي كانت شخصيتها قويه وتأخذ حقها
وأجتماعيه وتروح وتجي مع أهلها بس بعد الطلاق تغير وضعها وبصراحه أمها شخصيتها قويه واللي فراسها تمشيه ولا عليها من أحد ولا ترحم هي فيها قسوه أنا يوم كنت ازورهم اشوفها كذا ولا يعجبها لبس ولا كلام بنات اليوم .........
بنات توقعون أمها ليش تسوي معها كذا وهي تعرف أن بنتها مالها ذنب وكمان تعرف انها ماراح ترجع لزوجها ليش مصره ماتقول لقرايبهم أن البنت مطلقه
وهي تعرف ان الطلاق لا يمكن يتخبى وبعدين هي تضيع عليها فرص الزواج لان الناس يفكرو أنه عند زوجها ....وفوق هذا ليش تعقد بنتها بتصرفاتها وكان البنت مسويه شي عيب أو غلط والله البنت تقول لا عمانها ولا خوالها يدرون بطلاقها لانها متزوجه واحد مو من قرايبهم وهذا اللي ساعد أمها وخلها تكتم الخبر سنه وكم شهر بس البنت ماتقدر تسوي شي وأبوها كمان مثل أمها مايبي أحد يدري وخوانه وخواتها حتى المتزوجين مايقدرون يسوون شي ولا حتى يعارضون أمهم ..........ليش كذا ياأمهات ليش تسلطون على بناتكم وتنسون أن الطلاق مو عيب وكم وحده تطلقت وعوضها الله بزوج
احسن من اللي قبله وهذا الشي مكتوب لها.....

بس الجهل والخوف من كلام الناس هو يمكن اللي يخلي أمها تسوي كذا........والله احس البنت مسكين :44: مالها ذنب وأمها مو راضيه انها تقول لاحد من قرايبهم






ايش رايكم في الأم اللي تسوي كذا مع بنتها وكيف البنت تتصرف مع أمها وتقنعها أن الطلاق مو عيب علشان يخبونه .......

والله القصه حقيقيه لا تظنون أنها خيال سبحان الله انا لو ماكنت اعرف البنت ماكنت اصدق فيه ناس كذا
سيوون بناتهم ......


الله يعينها ويعوضها خير ويرزقها الزوج الصالح عاجلا غير أجلا ويهدي أمها ويحنن قلبها عليها......

31 تعليق 3,832 مشاهدة

شاركي في النقاش

سجلي الدخول لإضافة تعليق.

التعليقات

31
  1. @kon_3

    مسكينة والله .. ربي يفرج همها ..

    طيب هي تلمح وتبلغ صديقاتها ومصير الخبر ينتشر ..

    مو مهم تقول انو هيا اللي قالت ممكن تكون صديقتها تعرف عائلة زوجها وعرفت انتشر الخبر ..

    يعني الخطأ الاول والاخير في البنت اللي ساكتة !!
  2. @hoaaa_ttlb_rda_rbha

    من جد مسكينه الله يكون بعونها

    تصرف الأم غلط خلاص تطلقت ولافيه امل برجوعها ليش العناد

    والطلاق موعيب الحمدلله

    البنت لاتسكت هذي حياتها مو امها تمشيها على غلط وهي تتفرج

    لازم الكل يدري بخبر طلاقها وبعدين تقولين فتره زواجها بس اسبوعين يعني بعدين وش بتقول للناس جلست سنه او سنتين امها

    كذا تثبت لهم هالشي

    يمكن يروح بالهم لشي ثاني انه طلقها عشان ماحملت وفرصتها بالزواج بتقل

    الله يرزقها بالزوج الصالح اللي يعوضها
  3. @taabt_fy_baadk

    هي كذا بتقطع رزقها حرام اللي جالسه تسويه
    المفروض البنت تجلس مع امها وتتكلم معها وتقول لها انها ماراح ترضى باللي يصير واكيد بيجي يوم بينعرف فيه ان البنت مطلقه

    الله يعوضها ويرزقها

تابعي تجارب أخرى من هذا القسم.