شووفوا تعليقات بعض العضوات
الله يرد لهم غائبهم
المشاركة الأصلية كتبت بواسطة برووئه
يا ام شيخ الحريم انتي تتريقين ولا ايش
قسم بالله دوبي متصله على بنتي محجوزه برا في الشارع من الظهر
و يالله اتصال من 100 تصال يمسك حتى الخطوط مقطوعه
و خلاص قلت لها هاتي وصيتك وارقامك وكل شي يخصك
و طلبت منها اذا تطور الوضع ومالها مفر ترمي العبايه وتسبح
الحمدلله تعرف تسبح و لكن المشكله مو في السباحه
المشكله في الكهرباء بالله مدينه غرقانه و الكهرباء شغاله
المفروض تنقطع الكهرباء عن الاحياء الغرقانه عشان لا يصير التماس كهربائي مع الامطار
وبذمتك بلاش التعليقات الساخره على الصور لو لك احد محجوز ما كان لك نفس
تكتبين شي من هذي التعليقات
احنا جايين هنا نهدي انفسنا مو نضحك
----------------------------------------------------------------
ام شيخ الحرم ابدا مو وقت التريقه واستخفاف الدم
الوضع مره يوتر
ابويه له 8 ساعات محجوز مو قادر يروح ولا مكان يارب احفظه يارب ورجعله للبيت سالم يارب
هو وكل المحجوزين
والي تقول لا تقارنوا ببريطانيا قارنو بدوله عربيه زي قطر
انا ابغاهم يقارنوا بدولة افريقيه فقيره زي اثيوبيا المطر عنده كل يوم
ويستمر ساعات وما شفت شي لا سيل ولا ناس تغرق
حتى الحريم يمشوا في الشارع ومعاهم اكياس ومظلات عشان شعورهم لا تخرب
يعني يمارسوا حياتهم الطبيعيه
الله يحاسب كل من اتسبب في هذي المشاكل الله يحاسبه ولا يسامحه لا دنيا ولا اخره
