يا ابو متعبوال سعود تبغون لنا الخير لكن غيركم مايبغى

:icon33:يابو متعب انت ودك توظفنا ماقصرت كل شي سويته
لكن للاسف غيرك اللي في المناصب رافضين
وزارة التربيه فيه لعب ونصب على المكشوف
انت ربي معك ونعرفك ماتخاف الا ممن خلقك لك كلمه ولك هيبه
بنات احنا ضايعين احنا حقوقنا تحت وكله من الموظفين سواء االي في الخدمه المدنيه و غيرها حتى اللي في مكاتب التوجيه
تدخلين عليهم والله العظيم كانهم شايفين شحاذه تدخل عليهم والله لوهي خدامتها في البيت ماتعاملها كذا
ندخل نراجع يالله يسمعون وش نقول
ليه ماكنتي كذا انتي تدورين وظفه ماتخافين من دعوه اخر الليل تجيك تقلب حالك الى ارذل العمر بحادث سياره او مرض سرطان في الثدي او ربي يبلاك في عيالك

وين نقدم اوراقنا في قسم الرجال او النساء ونجي بعد شهر وهي في الارشيف
بنات ونقول ليه ربي مايجيب الامطار ليه ربي مايرزق البنات بازواج ليه الاسعار مرتفعه اسعارها كله من الحسد
قبل فتره كشفوا عن اكثر من 100 وظيفه ورواتبه تصرف كل هذا ممن من النصب
والدوله تعطي وتبني الدوله وفرة كل شي ماقصرت
لكن الكلاب كلاب الله يعزز الكلاب عنهم على الاقل الكلاب فيه وفاء لكن هذولا وين وفائهم للوطن
وين مايخافون الله ياكلون حرام وياكلون اولادهم حرام كيف يستجاب دعائهم
حسبي الله ونعم الوكيل
بنات انا لي عشر سنوات متخرجه ابشركم وكل سنه اقدم عرفوني مكاتب التوجيه
وحفظت رقم السجل المدني من كثر ماسجلت في النت
واخر شي لما بغيت اشوف رقم الطلب مالقيته ابشركم كل المعلومات محرف فيها
واللي تقول ان الرابط خطا وانهم قالوالها المعلومات صح عندنا اجل ليه قلتوا التسجيل عن طريق النت
والله ماندري يمكن ان اسماءنا طلعت ورواتبنا تمشي واحنا ماندري قاعدين في البيوت
ابو متعب تكفى ياسلطان الخير تكفي يانايف بن عبد العزيز تكفي لولا الله ثم انت ماكان في الامن اللي احنا فيه
تكفي عليك بكل من ياكل حقنا
ياوزير التربيه والتعليم فيصل بن عبد الله تكفي انت صاحب القلب الابيض والقلب الحنون
بنات انا فيني جميع الامراض من قولون وشعري تساقط وحالتي حاله
لان الاسعار غليت صاورا البنات الحين يدورون وظايف على شان اللي تساعد زوجها او ابوها
والله محتاجين في هذ ا الزمن ل500 ريال اقل شي مصروف البيت
والله ماكتبت هذا الكلام الا من كثر ماشفت احوالكم يابنات والله كاني اشوف دمعه الوحده منكم اذا اسمها ماطلع
وانا اولكم ياحسافه ايام الدراسه وسهر
الله يصلح هذي البطانه ويحنن قلبها على بنات شعبها

اتمنى يكون هناك مكتب لشكاوى واللي يتوظف فيه ناس تخاف الله يوصلون كل شي للملك والامير سلطان ونايف
اي شكوا من موظف او مسؤول نرسلها له مع الاثبات سواء سؤء معالمه او عدم توفر له الخدمه اللي يبغى او عدم استقباله كامواطن.

48 تعليق 3,244 مشاهدة

شاركي في النقاش

سجلي الدخول لإضافة تعليق.

التعليقات

46
  1. @amgad_omnar

    ما يكفي 10 سنين يا اختي تطلبي من الامرا والمسؤولين وظيفة خلاص يكفي لا عاد تجيبي سيرتهم ولا تنطقي اسمهم


    اطلبي من ملك الملوك الي بيده الرزق رب العزة والجلال

    اذا طلبت الله مش 10 سنين بس عشر ايام قيام ليل بصدق واخلاص ويقين يعطيك ولا مانع لما يعطي وما معطي لما منع

    الله يفرج همك ولا يحوجك الا لوجهه الكريم
  2. @amyrth_soma

    انا كل سنه احصل بيناتي محذوفه
    ماحصل الا الاسم بس
    وباقي البيانات مدري وين تروح
    وحتى الايميل كل سنه احط ايميلي
    وينحذف وينحط ايمل وحده اسمها هلاله خخخ
  3. @soso_233

    صاادقه الله يعين
    وحسبي الله ونعم الوكيل
    فعلا اذا جيتي تقدمي ع وظيفه
    كنك تشحدي

تابعي تجارب أخرى من هذا القسم.