حبيت اسال من لها خبره فالمطابخ
سويت جوله على مطابخ شيخ المطابخ في بريده وفي عنيزه وفي الرياض
ولقيت ارخصهن فرع بريده واستغربت لان بالعاده الرياض ارخص من القصيم
وكمان لقيت تفاوت بالاسعار بين شيخ المطابخ و وردة الفنون والعليان وبنامكو رغم كل هالفروع بالرياض
وبصراحه ماعرفت وش اختار او كيف يحسبون
فياليت اي وحده منكن عندها خبره تفيدني بالتالي
:27:
- ايهما افضل الصاج او الفورميكا من ناحية تحمله للماء والاستعمال ؟
- اي محل من اللي ذكرت افضل بالسعر والجوده لانه مو شرط الغالي افضل ؟
- الاكسسوارت اللي داخل الدروج اغلبها غاليه مره وسؤالي هل يوجد محل اخذ منه ارخص منهم واوديها للمحل اللي افصل عنده ويركبها داخل الادراج ؟
- من وين اخذ الفرن اللي يجي فوق الرخام ويكون ارخص من سعرهم لاني لقيت اسعارهم فوق 3000 للفرن اللي يجي فوق الرخام ؟
- ماهو افضل نوع من هذه الافران ابغى الاسم ؟
اللهم يسر امري وامر من ردت علي وارحمها وراحم والديها واصلح لها شأنها كلها وارزقها حتى ترضى وبارك لها بنفسها واهلها ومالها يااارب