بعيد عن المشاكل تعالو ندردش من كملت الدراسة وهي متزوجة ؟؟

انا تزوجت بعد ماخلصت اول ثانوي وكملت ثاني وثالث منازل والحمد لله نجحت وخلصتها من 4سنوات
وكانت دراستي ايام الاختبارات والاسبوع اللي قبل الاختبارات بس
كانت ضغط نفسي وعصف ذهني
بس الحمد لله عدت على خير وزوجي كان متعاون معي وكان عندي ولدين صغار وكل صبح اوديهم حضانه ومعاناه معاهم اغير لهم الصبح وصياحهم اللي يقطع القلب والحين لما افكر اكمل دراستي واذكر اللي راح اقول في نفسي امسكي ارضك واقعدي مع عيالك اللي يسمعك يقول بتتوظفين على طول
مشكوره صاحبة الموضوع

تزوجت اول سنه من الكليه وبعد سنه من الزواج حملت بولدي وتعبت بين الدراسه والحمل لكن زوجي كان يساعدني كثير
وكان تخصصي يحتاج مجهود واعماله كثيره
لكن الحمدالله تخرجت وهذي اول سنه اجلس فالبيت من غير دراسه
ادعولي بالوظيفه

انا تزوجت و انا ثاني كلية و حملت علطول و اجاني ولد كانت حياتي صعبة و خصوصا انو ما عندي خدامة يعني الطبخ و التنطيف و الملابس كلها في الويك اند و باقي الايام للدراسة و الابحاث وايام الامتحانات ( ويا كثرهاااا ) الاكل من برا ههههههههههه
ابني الصبح اخلي في الحضانة و الحمد لله للحين هوة مرتاح فيها و المسا زوجي يستلمة يخرجة ويلعبة .....
بس الاهم من هذا كلة هوة تعاون و تشجيع و صبر زوجي علي الله يحفظة لي و ما يحرمني منة اميييييين .......
صح حياتي كانت صعبة لانو اهلي و اهل زوجي موجودين بالبلد يعني لحالنا و الشقة دايما مبهذلة و الملابس دايما مو مكوية بس الحمد لله عدت على خير واتخرجت السنة الماضية و بتقدير زين و الحمد لله والحين انتظر الوظيفة ....

انا متخرجه من الثانوية لي عشر سنين


لدي طفلين وهالسنة انهيت اول ترم لي بالجامعة انتساب ولله الحمد نتائجي حلوة


زوجي ماكان موافق ولا معارض

بس كان اقرب للمعارضه

بس اهم شي يكون عندك طموح وتمشين ولا تتلفتين


انا من اشد المشجعين للدراسة


ومعي حريم كبار ماشاء الله لا قوة الا بالله


بناتهم في الجامعه


يزيدوك حماس


واشجع والله كل وحده تكمل دراستهاا

حتى لو اضطرت انها تضغط نفسهاا شويتين


اهم شي تحتسب طلب العلم لله مو عشان دنيا ووظيفه


لان متى ما طلبت الشيء لله


ربي يسخرلك الدنيا والاخرة

واذا طلبتيه للدنياا قد تجيك وقد ما تجيك بامر الله


والله يوفق الجميع ويسهل امورهم ويوفقني ويحفظلي اولادي ويهديهم

انا تزوجت وانا في اول ثانوي
وماكملت

وجلست كم سنه جبت ولدين

وبعدين

كملت

اول ثانوي منازل

ونجحت عليهم وترتيبي الثالثه

وكملت ثاني وثالث ثانوي منازل ونجحت وتم قبولي في الكليه

وسجلت بس مادري وش جاني

هونت وللحين ملفي في الكليه ما سحبته

له 7سنين

وفكرت الان اكمل بالانتساب المطور

بس غيرت راي

الحين افكر بمستقبل ولدي واحاتيه

هو في اول ثانوي

بس تري الدراسه مالها شغل في السن

اهم شي الطموح