السلام عليكم ورحمة الله
اخواتي اذا ممكن لمساتكم في مساعدتي ..
بيوم حضرت عزومه .. واعجبتني كبسة ربيان جناااااااان واعجز عن وصفها تبارك الله
الربيان فيها شهي والرز نثري مو متلبك وكمان نفس الكبسه صفرا وحاره .. يعني وصفها عجيب ..
وانا ابي اسوي كبسة ربيان .. :44: ولكن مو عارفه كيف بالضبط اسويه بشكل دقيق
يعني اهم شي عندي انو الكبسه ماتكون ملبكه ابي اسويها بنفس الطريقه ولكن مو عارفه اشلون الخطوات !!!:44:
فياليت اللي تعرف تساعدني جزاها الله كل خير وفرج لها :27:
شاركي في النقاش
سجلي الدخول لإضافة تعليق.
التعليقات
1- الرز يكون نثري حسب طريقة الطبخ يعني كمية الموية تأثر وكمان نوع الرز
انا اسويه بطريقتين الاولى مع الجزر والثانية مع الاعشاب
بالنسبة للاولى اكشن بصل وحمره بزيت ثم احط ثوم مهروس وكزبرةمفرومة ثم جزر مبشور وملح وفلفل اسود وكركم وهذا اللي يعطيه اللون الاصفر وشوي من معجون الطماطم واخليهم يتسبكون على نار متوسطة عشان ماينحرق واذا شفتيه مرررة ناشف ضيفي نص كاس موية وسكري عليه بالغطا بعدين اضيفي الربيان المغسول وحطي بهاراتك حقة الكبسة انا احط بزار وفلفل مطحون حار اذا تبينه حااار وهيل حب وقرفة اعواد وقرنفل وليمون اسود واخليه شوي عالنار يتسبك الربيان مع الخلطة واضيف الرز المنقع مسبقا لنصف ساعة واضيف الموية المغلية للرز وهنا ارفع عالنار حتى يبدا الرز يغلي ثم اوطي عليه واغطية واخليه لين مايستوي وتنشف مويته.
الطريقة الثانية انك تكشنين البصل بالزيت كمية كبيرة ثم ثوم مهروس ثم كزبرة مفرومة وشبت مفروم نااااعم
ومعجون طماطم وعصير طماطم وملح وفلفل اسود ثم خليه شوي عالنار تذبل الخضار ثم ظيفي الربيان المغسول وبهريها ببهارات الكبسة (بزار) وكركم وحب هيل واعواد قرفة وقرنفل وليمون اسود وورق غار وخلي الربيان يتسبك مع الخلطة ثم ضيفي الرز المنقوع سابقا وزيدي موية تكفي الرز وملحيه وبعد ما يغلي وطي النار عليه وخليه يستوي وقدميه مع البصل المقرمش والمقلي والمكسرات المحمصة
مواضيع مشابهة
تابعي تجارب أخرى من هذا القسم.