السلام عليكم بنات
كيف الحال ان شاء الله مرتاحين
انا بنت عمري 25 مو متزوجه من بلغت وانا دورتي مو منتظمه ولاحظت بعض الاعراض وطبعا راجعت اكثر من دكتوره
اولهم قالت عندي هرمون الحليب وكشفت علي بالموجات الفوق الصوتيه وقالت مبايضك مافيها مشكله وعطتني ادويه وماعاد راجعتها
ورحت راجعت دكتوره ثانيه قالت لي عندك ارتفاع هرمون الحليب وهرمون الذكوره وقالت هذا اكيد تكيس بالمبايض لان كل الاعراض فيك
وعطتني حبوب منع الحمل واستخدمتها 6 شهور وبعدها براجعها وتحلل دمي ونشوف النتيجه
مادري للآن وش الخطوه اللي بعدها
اللي اعرفه ان هالمرض ماله علاج بس وادري ان اللي فيهم صعب يحملون
عمتي فيها تكيس وحملت بعد ثمان سنين جابت بنت وماعاد حملت وزوجها تزوج عليها وحياتها جحيم
بنات انا صرت اخاف خوف مو طبيعي وبس افكر احس اني خلاص ماراح اقدر اصير ام
واحيان اقول خلاص ماراح اتزوج ابد
ليش احط نفسي بعذاب وبالاخير اتطلق اقعد كذا احسن لي ولا اتعذب
ماعدت ادري هل تفكيري صح او لا
وبعدين نفرض لو انخطبت مو المفروض يدرون ان معي تكيس ولا ماله داعي
يعني احس اني بخدعهم وبالاخير اتطلق
الصراحه ماانخطبت ولا فيه شي
بس انا كل الوقت افكر لاني احب الاطفال مابي انحرم منهم
وش تشورون علي ياخواتي
الله يعطيكم العافيه ويحقق لكم امانيكم
ادعولي بالزوج الصالح والذريه
شاركي في النقاش
سجلي الدخول لإضافة تعليق.
التعليقات
16- يا أختي أنا وحده من صديقاتي نفس حالتك ويمكن أنتي أهون بعد وتوها تزوجت لها تقريبا 3 شهور من تزوجت ..
وعااايشه حياتها عادي بس ما أتوقع انه يضر من ناحية الحمل ..
لان لو كاان فيه ضرر كان أتوقع الدكتوره قالتلك وحذرتك ..
وعشان ترتاحين وتتطمنين اذا رحتي للدكتوره اسأليها اذا فيه مخاطر في المستقبل أولا ..
مع اني أعرف بنات كثير مثلك ولا قد سمعت ان هالشي له أضرار لدرجة ان الوحده ماتقدر تجيب أطفال ..
بس أهم شي انتي اهتمي بصحتك وان شاء الله باذن الله مع الاهتمام والعلاج ربي يشفيك ..
الله يرزقك بالزوج الصالح والذريه ..
ولاتضيقين صدرك الله يسعدك حبيبتي .. - لاتخافين سبحان الله اغلب المتزوجات فيهم تكيس وهرمون حليب وحملوا وجابوا عيال
وفيه بنات تزوجوا فيهم تكيس وهرمون ولا حملوا لكن كل شي بقدره الله تخيلي وحده تقول رحت لدكتوره تقول فيك تكيس والدكتوره الثانيه تقول لا انتي مافيك تكيس فيك هرمون تقول حيروني
اللجوء الى الله لانه هو الرازق المعطي الاستغفار والتوبه - هونيها وتهون فيه كثير نفس حالتك وخلفو ومرتاحين
الحمدلله انتي اكتشفتي المشكله قبل الزواج
باذن الله تتعالجي واتركي الهم وعيشي حياتك
واستمري مع دكتوره واحده لا تخربطي بالعلاج
والطب تطوراكتشاف المشكله نصف العلاج
طمني قلبك واستمري علي قرائت القران والدعاء
ان شاء الله يرزقك الصحه والعيال - الله يعطيكم العافيه ماقصرتوا جميعا
ودي اعرف هل وحده مرت بنفس الحاله
اقصد فيها تكيس وجابت عيال
طمنوني وكيف وضعها مع زوجها - يو يو لا تفكري كدا دا رزق من الله انا دورتي طبيعية وما حملت كله بيد الله
مواضيع مشابهة
تابعي تجارب أخرى من هذا القسم.