الموضوع مغلق

تعرفون د. فاطمة الشهري ............ ادخلي !!!//قديم

اسمعوا حبيباتي الأمر ومافيه :27:
ابي أعالج بشرتي من آثار الحبوب والبقع والألوان الملطخه فيها :16:
( الحمد لله على كل حال )
ومدحولي عاد هالدكتورة في عيادة ديرما و أنا أقول ميزتها إنها سعودية
وبنت البلد وتعرف اللي نبيه ..........
عاد قلت أسأل خواتي في حواء سمعواعنه شي
ردوا علي الله يعافيكم ولو تكتيبن ماأعرفها يكفيني
اني أحس انكم مشاركني :(
وفق الله الجميع لما يحبه ويرضاه واعطاكم ياحلوات بشره صافية مثل القزازه !!!!!!!!!!

21 تعليق 101,090 مشاهدة

شاركي في النقاش

سجلي الدخول لإضافة تعليق.

التعليقات

18
  1. @quot_rhmak_rby_quot


    هلا عزيزتي simsim25 ..

    قريت اسم الدكتوره ودخلت والله أدلي بشهادتي فيها ..,

    بصراحه قمّه وذووق وأخلاق ونصووحه بالحيل ماشاء الله عليها يعني لو تجلس معك ساعه تسمع لك مايهمها اهم شيء تسوي لك اللي تبينه .

    ترا منيب انا مريضتها :D

    الوالده تروح لها عناية وتجميل خبرك المرأه اذا كبرت تحتاج البشره لعناية مختلفه عننا ..

    واللي يخليني اشهد بأخلاقها انها عاليه مرّه رحت مع الوالده وكان عندي موعد عن أحمدالعيسى والوالده عند فاطمه الشهري لأن الوالده ماتبي الا حرمه خصوصا انها تليعت من الرجال ولا واحد اعجبها وانا بصراحه ناويه أنقل لها مجرد ماانتهي من الكورس اللي مع احمد لمعالجة آثار حب الشباب ..,

    تصدقين يوم دخلت مع امي جلست تناظرني وقالت بشرتك مرّه جافه تستخدمين روكاتين ..؟!

    قلت لها ايه حبتين باليوم قالت ولا تستخدمين مرطب ! قلت لا بصراحه مالي نفس وشغلي دوامين متى احطه !

    قالت بكتب لك مرطب يصلح للدوام وواحد خليه بالبيت وسألتني عن صابونتي اللي عطاني اياها احمد قالت كويسه بس ماتحسين انها تسبب لك جفاف اذا استخدمتيها على وجهك !

    قلت لها الا وخصوصا اذا تروشت احس اني انشف بقووه :icon33:

    كتبت لي غسول وقالت ماراح تلاقينه بالصيدليه اللي تحت ووصفت لي كذا صيدليه قالت تلاقينه فيها ..

    وبصراحه استخدمت اللي كتبت لي الله يجزاها الجنه ويوفقها دنيا واخره خطيرهـ ونفعت لبشرتي الحمدلله ..

    عموماً هذا اللي اعرفه عنها : )

    ودعواتك بإن بشرتي وبشرتك تصير مثل القزازه :D

    فمان الله .,
  2. @mahnash

    هلا
    فاطمه الشهري مو اللي في عيادات ادمه لاني معالجه عندها

    اويمكن كلهم فاطمه الشهري
  3. مرحباااااااا

    إلا اختي .. هي إللي كانت بعيادة أدمة ..

    والله اني لليوم ادعي لهــا ..

    دكتورة قمـة ..

    سلااااام
  4. صاحبة الموضوع
    أشكركم يارحماك ربي و ماهناش ونووووووفه
    على الردود واحمستوني أروح لها ......
    واللي تعرف لاتنسانا تعلمنا .................

تابعي تجارب أخرى من هذا القسم.