(( شتــآء و مهرجآن دبـــي 2011 )) كل شي من - إلى مع {صــور} ،،تنفيذ طلب العضوات:)

آلسلام عليكم

رغبــة للبنات المسافرات لدبي 2011شتاء،، حاولت اعرض عليكم افضل الأماكن اللي ممكن تزورونها مع بعض المعلومات

اول شي دبي تنقسم لديـرة و بر دبي " خور دبي" هو القاسم بينهم ..


• الخور اللي شكله مثل النهر( يمين ديرة و يسار بر دبي) و طبعا بر دبي احلى

حاليا اكثر و اجدد الاماكن و الفعاليات توجد في بر دبي يعني ,, و كثيـر سألوا عن مدينـة مدهش اهية مدينة ألعاب أطفال قريبة من المطار في ديرة ((بس ما تنفتح الحين بس في الصيف))




+ الفنــــآدق،,~


أولا بالنسبة للفنادق عندكم موقع http://www.booking.com/city/ae/dubai.html?sid=8a9c7f441a6d90a4711aa13afb3e2fc5&lang=ar&selected_currency=AED
هذا الموقع راااائع و سهل ،، اختاري الفندق اللي يناسبك على حسب ميزانيتك .. ^^


+الجــو ،,~


ثاني شي عن الجو هذي الأيام ،، فصل الشتاء طبعا و أجواء متقلبة تميل للبرودة و أمطار بين الحين و الآخر << أنفع مذيعة اخبار
يعني يفضل ملابس شتوية في هذا الوقت..


الحين مهرجان دبي للتسوق يعني تخفيضات و عروض و اجواء و الله تهبلل


+ وين ممكن تروحون في دبي ؟،,|


*أولا الممشى أو GBR " ممشى دبي " ذا ووك كله نفس الشي..




المكان هذا يهبل خصوصا باليل يا سلام فيها كافيهات و محلات و مطاعم .. ماحصلت صورة حلوة له بالنت


• مدينة جميرا أو ميناء السلام
نفس الشي محلات بستايل تراثي روووووووووووعة





المكانين اللي ذكرتهم قريبين من بعض و فيه يخوت و فنااادق بالهبل حولهم و تقريبا يعد اجدد مكان لدبي " نيوو"

فندق اتلانس



فيها حوض اسماك كبير " اكواريوم " و مكان لترفيه و مطاعم فخمة ,, الفندق موجود في جزيرة النخلة



• الشندغة
تطل على الخور و هي القرية التراثية لدبـي




يتبــــــــــــــع|~

40 تعليق 18,410 مشاهدة

شاركي في النقاش

سجلي الدخول لإضافة تعليق.

التعليقات

39
  1. @dora2

    صاحبة الموضوع

    • القرية العالمية
    بالنسبة لي اهم حدث انتظره في دبي شي عجيييييييييييييييييييييب تلفين العالم فيوم^^ اجنحة بلدان بضاعتهم اكلاتهم و رقصاتهم جوووو ثاااني و منطقة العاب كبيييييييييرة طبعا المكان مفتوح و غالبااااااااا يكون زحمة و مع هذا بررررررررررد بس يهووون


    شوفو القريات


    فيه مسرح كبير يسوون عروض و مسابقات و في ردهة مطاعم و بعد هناك مكان الميدان حق اليولة و القرية موجودة على شارع الامارات يعني بره المدينة شوي من الزززحمة




    دبي مول ( فيه اكواريوم الدخول لكل شخص 50 او اكواريوم كبير للمشاهدة فقط مجانا طبعا )
    مدينة الالعاب كبيرة و يوجدة ساحة للتزلج ع الجليد و مدينة كيدزانيا للاطفال نفس الموجودة باليابان و مطاعم حدث و لا حرج و محلاااات لا تحتارين
    المول قريب من برج خليفة مجرد ما تطلعين منه بيكون بجانبه و ايضا النااافورة الراقصة روووعة







    امارات مول محلات و مطاعم و العاب و الحلو ممكن تروحين دبي مول و امارات مول نفس الوقت و بسرعة عن طريق القطار"مترو"
    و موجود سكي دبي المدينة الثلجية كبيرة و حلوة






    الحدايق حديقة زعبيل حلوة و كبيرة و فيها منطقة العاب حلوة و مطلة ع الابراج

    هذا مكان الالعاب


    الممزر
    حديقة + شاليهات ع البحر + دبابات بحرية
    مكان عائلي هادي و حلوووو



    يتبــــع|~
  2. @dora2

    صاحبة الموضوع
    فيستيفال سيتي( مول+ ممشى مطل على مسطح مائي لول و اجواء روعة في سفن و يخوت للتأجير مع عشاء او بدون و سمعت ان الشخص مع عشاء ب 100 و على حسب..



    و مولات دبي كثيرة لا تعد و لا تحصى
    منها اللي اشكالها غريبة و ملفتة مثل ميركاتو



    و ابن بطوطة تضم سبع حضارات تقريبا


    حديقة الخور فيها الباص البرمائي و تلفريك مع الاجواء الحلوة لدبي و مكانها روووعة على الخور و فيها مدينة مرشد للأطفال روعة مدينة علمية بطريقة حديثة و مسلية





    اللي يبغون محلات الماركات موجودة بكل المولات بس افضل دبي و امارات مول محلاتهم كبيرة و موجودة اغلب الماركات حتى الهيرشي له محل كبير و فيه انواع حلويات عمركم ما شفتوها و محل العاب كبير يضمن كل الالعاب اللي ممكن تخطر بالبال هذا في دبي مول << احلى مول عندي


    اما اسواق الهدايا اذا تبغين اسعارها حلوة و مناسبة مو غالية انا افضل سوق نايف في ديرة كبير و معروف
    و السوق الصيني او سوق التنين أشياءه حلوة و كل شي موجود سووق كبييرر


    ممم شو بعد المطاعم فكل مكان حتى في المولات مطاعم غريبة و حلوة انتي اشري و اختاري و على طول الشوارع بعد فيه مطاعم و حاليا مع المهرجان على شارع الرقة و شارع الضيافة فعاليات و اسواق و مطاعم..


    اذا تبون معلومات او صور اكثر عندنا عمنا قوقل حطي وحدة من الاماكن اللي ذكرتها و شوفي..


    أي شي انا حاظرة !<< لا تنسون أيقونة شكرا:06: الله يرحم ايامها هههههه:hahaha:ههههههه

    7

    ان شاء الله تقضووون أحلى:time: في دبـــــــــي
    7


    7



    بث تعبت

    دورا 2:27:

تابعي تجارب أخرى من هذا القسم.