(محرم ).. دورة خرائط واسرار لتفهمي الرجل ...الدروس والمناقشه ....

صاحبة الموضوع 30 يناير 2011

المدينة داري

حبيبتي الغالية طيوف حضرت الدرس الأخير وكان قمة في الروعة كسائر الدروس ماشااااااااااااااء الله لكن لدي سؤال فيمايتعلق بالثقة كيف أستطيع أن أنتزع كلمات المدح والثناء من زوجي لأنني أحب أن أسمعها منه فمثلا أحيانا عندما أطبخ طبقا رائعا أنتظر ا…

حبيبي رمانه حابه اقولك ان الافكار تسيطر علينا وعلى عقانا بشكل كبير لما نفكر فيها ونحولها كهاجس اما لما نخليها مجرد كلام فهي تمر مر الكرام وهناك دراسات اثبتت انو الكلام لايؤثر الا 20 % فينا فقط يعني لو اننا كل ماسمعنا كلام ورميناه ورى ضهرنا ماراح ياثر زي مانرجع ونفكر فيه اكثر من مره طيب ياقلبو هذا اول شئ
ثاني شئ انا متمسكه بكلامي انو الثقه ناااااااااابعه من جواتنا احنا فقط يعني مايقدر اي مخلوق كان انه يهز هذي الثقه اللي احنا بنيناها اما من وجهة نظري الجد متواضعه اللي كنتي تشعرين فيه قبل الزواج وتغير بعد الزواج ماهو الا اعجاب بالنفس فقط لايزيد عن ذال الى الثقه لان الثقه هي جدار قوي يقف امام اي انتقاد وانا ارى ان الثقه هي ايماااااااااااااااان عميق اننا نمتلك هذي الصفات فعلا واننا من نسيطر عليها وحدنا ومتى اردنا ان ننهيها من شخصياتنا نحن فقط من نستطيع ذالك

اما من ناحية الاشخاص اللي تتكلمين عنهم يووووووه ياما صار لي مواقف لكن المسام لايلدغ من الجحر مرتين مشكلتي الكبير طيبة قلبي وحتى الان صدقا ما اقدر احقد على اللي يكرهوني وكل من يبتسم لي هو صديقي لكن انا مو ساذجه ابدا يعني اعطي الناس احترامهم وحقم لكن ابدا ما ايمح لاي احد انو يدوس لي على طرف انتقم ؟؟ ممكن انتقم بس بطريقه تخلي الشخص اللي سوى فيني هذا المقلب البايخ يندم لانه خسر انسان مثلي مو لاني متكبره او لاني متعجرفه بس لاني اعرف انا ايش اقدم للي حولي وقدايش راح يخسروا لو انسحبت من حياتهم وارجع اقول مو لاني انا شئ عجيب وطفره الكون لا لاني فقط احب ان يكون لغيري مايكون لي فالتصرف الوحيد من الناس اللي زي الكذا الانسحاب الفوري والابتعاد عنهم وليس المقاطعه
وانا هنا احذر احذر من مناقشه الاسرار الخاصه لاي شخص انا ادري انو انا نفسي ما اقدر ابدا اني ما اخفي شئ على صديقتي الحميمه لكن مهما كان يكون هناك اشياء ممكن اندم لو تخرج عشان كذا ما اعطيها احد اما عن الاتهامات ابدا لاتسكتي وبرري لان الناس مالها الا الظاهر لو صار موقف كذا معي وزوجها دخل علي ماراح ابتسم لها واقول يالله ايش فيه زوجك كذا لالالالا انا راح انتفض وا اقول فلانه مايصير كذا لازم زوجك يحترم حرمة بيته واقلها يعلم الناس انو داخل وانا ابدا ما احب احد يسوي معي كذا ممكن هي تروح تقلب الموضوع وتقول والله اتهمت زوجي انو جالس يغازلها وهو ماشئ في امان الله وقتها تقدر تبرري للناس وجة نظرك وانا اشوف انو تختاري الناس اللي ماتطلع اسرار غيرك لك لانو اللي يفضح غيرك عندك مو بعيد ابدا انو يفضحك عند الناس

ياعمري عليك انتي فعلا رجعتيني للدروس السابقه ولو ترجعي تقري درس الشمالي راح تعرفي اللي ابغاه بالضبط
الشمالي انسان يحب نفسه كثير ومتغطرس كثير والسيطره عنده سهله جدا وخاصه اذا لقى انسان جنوبي امامه لكنه انسان جدا رقيق ههههههههههههه ادري توهتك بس معليه لاتخافين انا شماليه وراح اشرجلك تمام
يعني انا لما اطلب شئ ما احب احد يعارضني ابدا ابدا او يجي ينتقد قارا والتريقره = الطنازه اللي تسموها ما ادري بس احنا نقول تريقه مممممممماااااره ما احبها ليش لاني احس بالاهانه عشان كذا احب الاحترام وتنفيذ امري على طول مو شرط على طول فعليا يعني لو قلت لزوجي ابغا مثلا السوق احب انو يكون جوابه ابشري ياعمري من عيوني حتى لو ماوداني يعني ممكن يقول كذا ويسكت وبعدها يجي وبطريقه حلوه ويعتذر لكن يهمني اني ما اسمع ولكن
وما احب ابدا انو يقول ابشري تحت امرك لكن ما اقدر اللحين استني علي شوي اللي بعد لكن هذي انا ما احبها طبعا شعووريا ما احبها لكن اضطر باني لازم اتفهمه اني اقول اوكي متى تقدر وكذا يعني فهمتي ياعمري يعني احب انو يستمع لي ويقولي حاظر هذي من جهة انو يحب السيطره وطريقة حبه لها
اما من جهة انه يكره الضعيف ترى تنفيذ الاوامر بشكل مايحسس بالاهانه يعني انك ماتقومي بالشئ مكرهه وهنا الذكاء يحسس انو الشخص اللي قدامي ابدا مو ضعيف مثال يعني لو طلبت من اختي شئ وقامت وهي تأفف وكأنه غصب عنها عنها احس بشئ من ضعف شخصيتها اما اذا قامت وهي تقول من عيوني ياعيوني هنا احس انا تسوي الشئ عشاني وهنا برضوا تفرق المعالمله يعني اذا كل شئ اطلبه اولقاه يتنفذ عشان انها ماتبغى تزعلني فالبنسبه للشماليه الانثى على طول استهانه اما الشمالي الذكر على طول استحقار اما اذا كانت تسويه عشان احترام لاني اختها الكبيره بس فيه اشياء مستحيل انها تسويها ليا زي مثلا اذا كانت تذاكار يعني تعتذر ليا تقولي ياعمري انتي اختي الكبيره بس انا وريا مذاكره هنا اعرف انو عندها شئ من الشخصيه وفي نفس الوقت ماردتني بوقاحه فهمتي ياعسل

باختصار الشمالي لا يحب ان يقال له لا ابدا حتى وان لم ينفذ اهم شئ كلامه يمشئ والاعتراض يكون في وقت ثاني
الشخص الضعيف بالنسبه لنا هو اللي يخدم بدون مقابل او يكون ضعيف في كلامه ويتاتي ومو واثق بنفسه هذا على طول نلعب فيه فهمتي ياقمر

واذا فيه شئ كمان غامض انا تحت امرك

انا ابدا ما اخلي زوجي ينزل معي لو ايش ماصار انا لي وجهة نظر معينه واقنعته فيها يعني في البدايه كان يعترض انو انزل السوق بدون رجال على قولته يقول كيف بس تنزلي معي امك ومن هذا الكلام بس انا ابدا ماتخليت عن هذه الفكره وجلست متمسكه فيها واقنعته بالحسنى هذا مو موضوعنا بس ياليت لو تقدري تنزلي السوق بدون زوجك يكون احس اما عن طريقة ردك له اطلبي منه انه يدلك على الشئ اللي ماتصنعه الصين واشتريه اصلا كل شئ صيني ادري انو هذا الشئ راح ينرفزه بس الامور ابدا ماتنحل في ساحة المعركه ولا تحل الجريمه في موقع الجريمه ههههههههه احس اني شطحت المهم ياعسوله انتي مستحيل انك تردي علي في السوق فلازم ولا بد انكم تفتحوا هذا الموضوع في البيت وفي جلسه هاديه وتقولي له هذي مو حاله كل ماقلت انو بخرج السوق قلت صنع في الصين انت تعرف انو كل شئ صيني وانو احنا مضطرين انو نشتري بهذي القيمه واذا فيه عندك حل بديل انا احييه لكن هذا الموجود يعني من جد خليه يعطيك حلول هو اصلا ماراح يلاقي قولي ترى الفلوس مذلتها في كنزها يعني اذا ماتمتعنا واشترينا وانبسطنا ايش فايدتها هو راح يقولك طيب احنا ورانا عيال ومصاريف وما ادري ايش اجلسي معه وقولي انا راضيه بحكمك انت حط ميزانه وانا امشي عليها بشرط انها ماتهضم حقنا وحق الاولا وممكن ياعمري انك انتي تساعديه طبعا الميزنيه تكون واضحه وعلى الامد البعيد وانتي ادرى في زوجك ومفاتيحه تقدري تستخدميها في اي موضوع تحبي تناقشيه

واي شئ ثاني انا تحت امرك

آآآآآمين ياعسل

ياعمري انا على الانامل الذهبيه صح عليك ياقلبي وشكرا على الاضافه الحلوه على الدرس حسيت انك كملتي مانقص فيه جزاك الله عني الف خير

وانا احبك في الله ياعمري وعلى امرك انا وقتي كله لكم مين عندي غيركم

اما عن طلبك فهو السهل الممتنع احنا مانقدر نسكر حلق الناس ونقوهم لاتحكوا ولا تتكلموا ولا تاثروا لكن نقدر نتحكم في انفسنا اما زوجك لازم تجلسي معه وتوضحين له كوييييس انو الناس ابدا ماتساعدك لما تصير المشاكل في بيتك بالعكس هم اول اللي يهربون وبالذات اذا كانت هذي المشكله هم مسببينها وتحطي معه استراتجيه احسها كبيره على الجنوبي شوي تحطي خطوط حمراء لاشياء مايدخلوا فيها الناس مثال حياتكم الجنسيه محد يقرب عليها مشاكلكم ابدا ابدا ماتخرج لغيركم اولادك تتفقوا انوا انتوا اللي تربوهم من دون تدخل عم ولا خال ولا جد ولا جده اذا فيه كلام جاء من الغير قبل لايتصرف يجي يقولك ايش اللي سمعه ويتاكد منك ومو بس يفتح اذنه للناس يعني لاتستني الين الناس يدخلوا ابدي ابني معه جسور الثقه والحوار قبل اي مشكله تصير ياقلبي وبكذا بتكوني ارتحتي بنسبة 70 % من رجة كلام الناس وتدخلاتهم اما عن التوفير فأنا تكلمت كثير عن الجنوبي والتوفير معه ياليت ترجعي او يساعدوك البنات ويقتبسون لك كلامي

ههههههههههههههه حلو ردك عجبني بس احيه مايقنعه ياعمري لان اهم الشئ الاقناع ترى اي فعل مايغيره الانسان الا اذا اقتنع بغيره هنا يحس انو ممكن يتغير اما هذي الردود تكون مثل مفعول البندول مسكنه للوضع فقط وليس حلا لمشكله

لالالالالالالالالا احنا ايش قلنا ياقمر كيد النساء عظيم بقول رب العالمين يعني لاتقولين جنوده اقوى ولا من يحزنون يحيى كيد النساء وجنوده ههههههههههههههههههههههههه

ياحياتي ياقلبو ايوه هو يعنفع مع الجنوبي المتطرف بس احس حالتك صعبه ما ادري وين المشكله فيه لاني جالس يبني اسوار حول نفسه ولا فيك لانك مو قادره توصلين له لكن لابد لاي شخص من اسرار ونقاط ضعف حاولي وحاولي انا احس بالعجز امام كلامك مع اني متأكده اني لو قابلت زوجك راح اعرف نقاط ضعفه مو لاني اعرف هذا الشئ لا ياعمري لاني ذهني راح يكون اصفى لانك انتي لما تجين تدورين عن نقاط ضعفه تدورين عن عيوبه وانتي لابسه النظاره السوداء وهذا اكبر غلط لانك كذا ماراح تلاقين شئ تمسكيه عليه عشان كذا صفي ذهنك وبصيرتك واستهدي بالله حسي نفسك قام عاشق دق بابك عشان يكون حبيبك بس مو عارف كيف يرضيك استمتعي باكتشاف اللي عنده وخليه يحس انك مستعده تسوين اي شئ عشان ترضيه
وان شاء الله ينفع معك

هههههههههههه اشتغل عرق الغرببين وملللهم

تصدقين ياعمري اني كنت اشوف الشئ بمنظارك وبنفس طريقتك بس لما غيرت نظرتي للرجل وتخليت عن منظور التحدي تغيرت الصوره كليا وبشكل خطير ليه لاني اكتشفت انو مو كل شئ كاااامل وانو عيب الرجال يكملهم زي ماعيوبنا تكملنا بس لازم نحبهم زي ماهم ولا نحاول ابدا نغيرهم انا عن نفسي مستمتعه باللي قاعده اسويه ادرس واخطط والعب عليه احس اني ذكيه واني اقدر عليه واحسب لك تصرفاته عشان ما اكون في موقف محرج معه يعني اعرف كل مداخله ومخارجه وها شئ ممتع ياعمر راح اضرب لك مثال في امممممممممممممممم السوق مثلا (( ايش فيها على السوق )) المهم انتي لما يفتحوا سوق جديد او مول او مجمع المهم لما تروحين وتتسوقين فيه ماتحسين بمتعه لما تتجولين وتشوفين كل شئ قدامك حلو ومرتب خلاص الحين تسليتي واستانستي وبعدها عجبك المووول حييييييييييل وخلاص قلتي انا ماراح اغيره وكل مره راح ازوره اذا ابغا شئ حلو وبعدها ياعمري تروحين للمره الثانيه تكونت فكره حلوه وشفتي شئ جديد خلاص اللحين صرتي حافظته عن ظهر غيب يصير التجول فيه متعه اكثر واسهل بكثير من المره اللي قبلها ليش لانك ركزتي على محلاتي عجبتك وصرتي تروحين لها دايركت وتجنبتي اللف في سكشنات اللي مو ذاك الزود سكشن = يعني قسم او جهه من المول
غير انك تبعتدين عنه وتزورين كل سنتين تضيع ملامحه وتصير فيه تجديدات وينبني فيه سكشن جديده يعني تدوخين وماتعرفين من وين خرجتي ومن وين دخلتي وتقولين ياربي ايش فيه تغير علي وماصار زي اول اكيد انا مخربطه في العنوان

تخيلي انو الرجال مولات وانوا انتي جالسه تدورين على اللي يعجبك في هذا المول والباقي عليك ياعسل

الله يخليكم لبعض وشكرا ياقلبي والله ما ابغى اي حزازيات تكون بنكم عشاني فديت روحك انا

الله يخليهم لك ويكفي انك تكتبين لي واحس انك موجوده والله يوفقهم يارب

ياعمري واسعدك انتي ومن تحبين والمسلمين والمسلمات

والله يخليلك هم يارب

البعد عن الزوج خطا فادح جدا جدا وانا لا انصح اي وحده عن الابتعاد عن زوجها سواء عقليا او جسديا او معنويا او عاطفيا وهذا راح اتكلم عن بأسهاب كبير

لكن في مشكلتك الكلام المعسول هو مفتاح الجنوبي اما لغرب في زوجك فأشعليها بالكلام اللي بالي بالك بشكل مغري انا افضل انو كل زوجه اذا ابتعد عنها زوجها ان تعتدل في كلام الخاص لانك لاتردين اشعال رغبته وانتي بعيده عنه وايضا لاتريدينه ان يحس انك لاتفرق معك سواء حظر او غاب

اما الابتعاد الذي يكون بين الزوج وزوجته وهو تخفيف حدة الشوق مع وجوده التغير في الاهتمام يعني الاهمال في اشياء اعتدي ان تفعلينها دائما وعودتيه عليها لكن بشكل طفيف يعني اول مايحس انك متغيره ويتضايق اعرفي انو خلاص الحركه جابت نتيجه وارجعي دلعيه اكثر من اول وزياده

طريقتك الولى صح ياعمري ونمط هو ما اخترتي انت

ياعمري اشكرك على كلامك الجميل وانا سعد لما اقرأ ردود زي كذا الله يخليكم لي وربي انكم تسعدوني بشكل ماتتصورونه وكلاماتكم تقوي بشكل مايعلم فيه الا ربي

بقولكم محاوره بين شخصين وهميين عشان اوضح الفكره شوي

يعني لما تجي المرأه وتسأل زوجها عمري ايش اللي تتمناه يكون فيني او اذا فيه وحده توها خاطبه ممكن تسأل خطيبها انت قبل لا تتزوج او تقرر انك تخطب ايش كنت حاط في بالك انو يكون في خطيبتك او كيف انت تتمنى تكون زوجتك

يرد هو يقول ابغاك تكونين لي ابغاك تموتين فيمي ابغاك تهتمين في كل تفاصيل يومي ابغا زوجتي تكون حنونه ابغا احس بالدفا ابغا احس انك مجنونه فيني وماتتنفسين غير اسمي وهواي

طبعا لو جات هيا وسوت زي ماقال لها بالحرف الواحد يعني صارت مجنونه فيه وصار تتلصق فيه حتى لو قال لها الصقي فيني وكوني حولي 24 ولصقت فيه اعرفوا انها خلاص خسرت الرجال

طيب انت قلت لي كذا ايش فيك ماصار يعجبك اهتمامي

يووووووووه تراك قلق وترفعين الضغط كل شوي وينك كل شوي قبال كل شوي احبك واموت فيك ايش انتي ماتملين خلاص ايام العسل راحت

هنا يبدأ الذهول وتجي هي تبكي وتقارن وتقول انت وانت وانت

ياعمري ياقلبي انتي هذا كلام عسل وانا اقولكم تراه يقصد كل كلمه قالها في اللي يبغاه بس انا قلت انو الرجال يحبون شئ وبعدين اذا جاهم هذا الشئ يملون منه بس لو نعطيهم هو بالقطاره يصيروا ينتظرون المزيد

فكيف لازم تتصرف هذي البنت لا تسمع زوجها يقولها كذا

اول شئ لازم تأكد على كلامه وتطمنه وتقوله لك زي ماطلبت واكثر وبعدها يشتغل ذكاءها يعني تهتم فيه زي ماطلب من جهة الاهتمام بس مو بالصوره اللي هو طلبها انو يكون محور اهتمامها وتصير هي الكوكب اللي تدور حوله وتحسسه بعض الاحيان انو هي تجي في المرتبه الاولى قبله وهو يجي بعدها والعكس في بعض الاحيان تموت فيه زي ماهو يحب لكن في بعض الاحيان تسحب نفسها وتعامله عايدي او قل مما طلب يارب تكوني فهمتي علي

حبيبتي كلامك صحيح لكن انا اختلف مع رومانه ومعك وانا حبيت اقولكم اني فيه موضوع لطارق السويدان في سلسله حلقات علمتني الحياه الجزء الاول اسمها على ما اظن التحفيز او شئ زي كذا بس هو يتكلم عن كيفية تحفيز الذات وطرح سؤال على الموجودين وقال انو الشخص اللي يروح يفجر نفسه هل يحتاج لاحد ان يحزه (( يعني يخليه يثق في نفسه او يشجعه على فعل شي زي كذا ))

طبعا الجمهور تقريبا اجمع او اغلبه قال انو نعم يحتاج الى تحفيز والدكتور بدت عليه ملامح الخيبه وعكس كل كلامهم لانه من يفجر نفسه لايحتاج الى تحفيز والى لن يقدم اصلا على فعل شئ يخسر حياته من اجلها يرضي غيره او لاجل كلمه من غيره فهو لديه ثقه من داخله تساعده على فعل المستحيل حتى لو كان صعب على عقل اي بشر
اذا الثقه بامتلاك وفعل شئ لاتحتاج ابدا لتايد اي شخص غير نفسك اتمنى انو ترجعوا للحلقات في اليوتيوب او في الموقع الخاص بقناة الرساله لانها حلقه متعه جدا جدا

راح ارجع ارد على البقيه والدروس ان شاء الله جايه

(محرم ).. دورة خرائط واسرار لتفهمي الرجل ...الدروس والمناقشه ....

التعليقات

دورات شهر محرم 1433هـ

شكر وتقدير لمدربات شهر محرم ,,

تنويه لمدربات شهر محرم ,, وتنويه للمتدربات الرجاء الالتزام ,,

(محرم )..... 101 طريقة لازالة الشعر الزائد ..... نعومة اكتر لمدة اطول(للمناقشه)

(محرم ).._ دورة الأسعافات _ الأوليه _ _ للنقاش والأسئله والردود

دورات شهر محرم 1433هـ

شكر وتقدير لمدربات شهر محرم ,,

تنويه لمدربات شهر محرم ,, وتنويه للمتدربات الرجاء الالتزام ,,

(محرم )..... 101 طريقة لازالة الشعر الزائد ..... نعومة اكتر لمدة اطول(للمناقشه)

(محرم )..*_* دورة الأسعافات *_* الأوليه *_* *_* للنقاش والأسئله والردود

(محرم ).._ دورة الأسعافات _ الأوليه _ _ للنقاش والأسئله والردود