زوجي يبى يتزوج وطالب رايكم وانا طبعاااااااااا ؟؟؟رافضة

قوليله اذا تبي الضغط والسكر والملح والبهارات ...

واذا تبي تصحى على شوش الحريم .. كل وحده ماسكه شوشت الثانيه ..

وذا تبي كل اخر اسبوع تشتري مواعين جديده .. راح تكسر الموعين اسبوعين لان المضاربه ماراح تكون الا بالمطبخ ..اعرس ..


ههههههههههههههههههههههههههه

الله لا يجيبها عل راسك ياقمر

قووليله قليل يهنيييييييك ولاكثيررر يعنييييييك

اسال الله ان يصرف قلبه و بصره عن اي انثى غيرك ويسخره لك

أنا أستنكر على الرجال فكرة انه يتزوج ثانية حتى لوعنده مشاكل يشوف اول وش سبب المشكله ويصلحه بعدين لو فكر يتزوج وممكن المشكله والعيب فيه يروح وينقله معاه للبيت الثاني وش له بعوار هالراس وانتي مشاء الله مومقصره معه
ونقطه مهمه يجهلوها الي مقدمين على الزواج بوحده ثانيه شرع ماقلنا شيء بس هل هو يظمن ان عياله منك ومن زوجته الثانيه يتفقو مع بعض ويصيرو اخوان ويدهم بيدبعض الأغلب الي اشوفه ان الأخوان يصيرو مثل الأعداء او مايعرفون بعض وماكأنهم اخوان ليش يسمح لهذا الشيء يصير هو يفكر بنفسه اللحين بمتعته مافكربعدسنين وش بصير لما يكبر بسن كيف راح يتشتت بين بيتين وبعد موته كيف راح يصير نزاع بين عياله سواء على ورث ولا على غيره خليه ينظر للمستقبل لايقول الدين جوز الزواج ب4 ايه اجازه بس بلعدل وزمنا يختلف عن زمن الرسول عليه السلام زمنا غيررررر فيه مغريات كثير فيه عادات غير فيه كل شيء غير يبي يستمتع ويجيب عيال ويشتتهم بعدين
وبعدين من كلامك ووصفك للبنات الي معه قولي له هل يقبل ان زوجتة وام اولاده تكون بنفس صورة البنات الي يشوفهم هل يقبل بزوجته تمشي وتتمايل عند الرجال هل يرفع راسه فيها ويقبل تكون ام لأولاده بلمستقبل

قولي له يقتنع بلي كتبه له ربه وماناقصه شيء ويديرباله عليك وعلى عياله ويحمد ربه على النعمه الي عطاه اياه زوجه صابره ومحافظه عليه