السلام عليكم و رحمة الله ..
أخواتي الحبيبات بنات المدينة المنورة ..
أبغى أعرف عن أحسن كوفيرة (عن تجربة ) في القص و الهاي لايت و الصبغات .. عندي مناسبة مهمة كتير و ما أقدر أجازف و أسلم راسي لأي أحد ..
لكن بالله لا تقولولي أفنان اللي في السيدة ألأولى .. لأني كم مرة أروح لها .. و ممكن صحيح يكون شغلها حلو .. لكن أسلوب تعاملها ما يناسبني .. ماااااااتسوى الشغلة انها تتنفخ على الناس بمناسبة و بدون مناسبة ..
فرجاء حبيباتي كل وحدة تقترح عليا الكوفيرة اللي هي مجربتها و تكون تتقن الهاي لايت و القص .. و بالذات في مشغل لمسات اللي في الحزام .. بس حابة أطلب مين عندهم بالاسم بالنسبة للصبغ و القص ..
أنتظر ردوردكم يابنات .. و الله اني حاااااايسة ليا كم يوم .. و ماعندي وقت أبدا .. المناسبة باقيلها أيام و أنا لسه ما أشتغلت في عمري ..
شاركي في النقاش
سجلي الدخول لإضافة تعليق.
التعليقات
11- انا سمعت عن عزيزه في لمسات لكن مدري هي موجوده ولا لا
- مدري والله بس كمان يمدحو الفصول
- والله انا مشانما اغامر اروح للمسات الممتازات تلقيهم بقسم العرايس
وانا ابغى كوفيره للتسريحوللمكياااج لاني زيك حايسه عندنا مناسبه قريبه ومني عارفه فين اروح ابغلي احد ممتازجداااااا - شكرا لأخواتي اللي ردوا عليا .. و في انتظار الباقيات ..
بالنسبة لصالون لمسات .. أي فرع أفضل من ناحية القص و الصبغ ؟ سلطانة و الا الحزام ؟؟ و مين الكوفيرة اللي أطلبها بالاسم ؟
في انتظار ردود حلوات المدينة - انا صاحبتي كل شهر تقص وتصبغ وكل قصه احلى من التانيه لما سألتها قالت ما تتعامل الا مع بدور في مشغل لمسات اللي في الحزام
مواضيع مشابهة
تابعي تجارب أخرى من هذا القسم.