ملف -قلة التركيز وفرط الحركه....الى كل ام تعاني من هذه الاعراض عند طفلها يفتح ملف ‏

هلا بنات اشلونكم وشخباركم ان شاء الله طيبين

اولا ابي منكم دعوه لي بان الله يشفيني من الدوار وعدم التوازن اللي زاد هالايام ما ادري من اذني او ارقبتي وثانيا الحمدلله رزقت ببنت من 20 يوم لذلك انقطعت عنكم ومشغولة معاها


اما دندون الصراحه احاتيها لاني مشغوله عنها وتعبانه كثير

عمرها الحين 4 سنوان و9شهور ومافي الا جمله من كلمتين مع اني اخليها مع اطفال بس الكلمات ماشاء الله زادت


بس بنات تهرني لما ما تسمع كلامي واتسوي اشياء غريبه مثل تشرب الماي وعقب اترجعه في الاكواب او ترمي الاشياء وتلعب فيها ما اقدر اخليها دقيقه في الغرفه يا تلعب بالماي او تاخذ اشياىي ابيها تتغير سلوكيا بس مب عارفه اشلون الضرب ما ينفع طبعا لذلك ما استخدمه تعبت من سلوكها الصراحه


واللي يذبحني لما اسالها ايش اسمها تقول طيبه المفروض هذا رد على اشلونج بس هي من استعجالها اترد بسرعه


دعواتكم لي ولها

هلا سما الامورة .. انا وديت ولدي عند اخصائي نفسي وقال انه عنده فرط حركة وتشتت انتباه بس كمان قالي اذا ولدك كان يجلس على التلفزيون فمعناته ماعنده فرط حركه وما رضي يصرفله دوا عشان كان لسا ما كمل خمس سنين .. ابا اسالك انا والله ما احب الادويه بس اذا كان ولدي حيتحسن عليه ان شاءالله بضطر اعطيه وايش هي اعراضه ...

كونسرتا كلامك ريحني كثير .. انا ساكنة في جدة و ما ادري بصراحه اخاف من الادوية احس انها تصلح مكان وتخرب مكان ثاني بس اذا اضطريت لها وحسيت انها ممكن تحسن حالته كثير عاد بتوكل على الله وبعطيه ما بيدي شي .. وبالنسبة للمدرسة انا دخلته لمدة ثلاث شهور مدرسة دمج وتحسن نوعا ما بس اللحين افكر ادخله روضة عادية لانه الروضة الي قبلها كلهم نفس الحالة فما اعتقد انه بيستفيد كثير .. الله يختارلنا الي فيه الخير يارب

موزة42 عندنا وعندك خير هههه والله كانك تتكلمي عن ولدي نفس الشي صاير معايا المشكلة انهم ما يتذكرون كثير ودايما نفس الاغلاط يسووها بس حاولي تكريري عليها السؤال والجواب كثير عشان تذكره وما تنساه وبالنسبة للعقاب انا اقفل عليه الغرفة لمدة اربع دقايق وبصرااحة حسيته جاب نتيجه معاه وترا يبالهم صبر وطولة بال والله يحفظهم ويهديهم يااااارب

موززه مبرووك البنوته وتترى بعزكم يارب وبالنسبــه لدندوونه الله يعــنك عليها وبتتغير اذا شافت حرصك عالصغيره انا سالت اخصائية ولدي وش اسوي فسه اذا سوا اشياء غلـــط قالت اتبعي معه العقــاب انك تخلين له كرسي عقــاب اذا سوا شي غلط تجلسينه فيه وتقولين له هذا عقاب لانك سويت كذا وكذا واذا سوا شي كــويس تشجعينه وتكافاينه يبيلها صبر الكرسي اول شي بتعااند بعدين اذا شافتك حازمه معها بتتادب ان شالله
..............................................................................................

alotrojh حيـــاك معنا وان شالله تستفدين مثل مااستفدنا

انصحك دخلي ولدك مدرسه عاديه ولاتعلمينهم انه فييه شي

بعديـــن وش هالدكتور اللي يقولك عنده فرط حركه بس يجلس عند التلفزيون مااعنده فرط حركه

يعني الحين مااتدرين وش عنده بالضبط انصحك اعرضيه على دكتور ثاني وفيه بنات هنا من جده يفيدونك ان شالله

والله احـــس من كثر ماقرينا وخالطنا وسمعنا صرنا نعرف اكثر من الدكاتره

ايـــالي نجد شلون مااحد شخص ولدك ترا انا اول مثلك اقرا واقوول هذي صفاات ولدي وقلت اكيـــد فيه توحـد بس بعد فتره اغلب الصفات رااحت قبل مايدخل المركز ويوم سويت له تشخيص عند الدكتور قال مافي توحد وفرط الحركه نسبه بسييييييطه