شاركي في النقاش

سجلي الدخول لإضافة تعليق.

التعليقات

2,037
  1. @alrym27

    هلا ام دحومي
    في ناس كثير اعرفهم لمايروحون اجازه يجلسون يتافافون ليتنا مانرجع للغربه والله طفش في الغربه ومن هالحكي البايخ انااقول بدل هالحكي تحسس الناس انها راحت لبريطانيا وتمشت وانبسطت مو لازم يعرفون ان هنا طفش و و و اتمنى تكونين فهمتي قصدي <<< من جد ماادري شلون افهمك
    مثل اهل زوجي اول مارجعت للسعوديه يقولون ليش نحفانه ليش يدينك كذا ليش مسمره
    شي طبيعي اول شي اول مره ابعد عن اهلي ثاني شي الشمس هنا مع البرد تغير لون البشره ثالث شي انا وقتها اهملت في بشرتي ولاكنت اسوي لها اي شي
    عاد هم كل وحده فكرت على كيفها الي تقول مو مرتاحين والي تقول ماعندهم فلوس تكفيهم علشان ياكلون والي تقول شكلها ماغير هواش هي وزوجها علشان كذا تغيرت يعني كل واحد يطلع حكي من راسه

    رورو تقولين احنا الوحيدين الي من العايله مبتعثين لا وانتي الصادقه كل اخوان زوجي مبتعثين ماشاء الله وعيال عمه
    ومن ناحيت الخيانه عادي ياقلبي اناامزح اهم شي انكم انبسطتو وغيرتو جو

    الاخت الي بتبيع سيااارتها كم سعرها ؟؟؟
  2. @oayt_byry

    بسم الله الرحمن الرحيم هذي اول مشاركه لي وان شاالله اكون خفيفه عليكم ,ههههههه ماتوقع مع كل هالاسئله بكون خفيفه .
    اذا عطيتوني وجه بكمل اسئلتي بس تراي الحين مسويه مستحيه ههههههههه

    1- متى دوام المدارس الابتدائي المدارس البريطانيه يعني من الساعه كم ومتى يطلعون
    2_دوام الجامعات للماجستير
    3- دوام الملحقيه
    4_ اللي يروح على حسابه الخاص ممكن يضموه للبعثه حتى لو كان تخصصه مو من ضمن التخصصات؟ومتى يكون الانضمام بعد كم ؟
    5-كيف الحضانات هناك تنصحون فيها ولا اخذ خدامه مع ان اللي عندي جديده يمكن مايقبلونها ؟
    6-هل ممكن للسعودي المبتعث الدراسة بارت تايم لان سمعت ان هالنظام مو للبريطانيين فقط؟
    7-ايش ترشحون افضل مدينه للدراسه في بريطانيا من ناحية كل شي عطوني اسماء مدن
    8-هل منطقة هندن شمال لندن امنه للسكن وهل في احد ساكن فيها لان سمعت ان سكانها يهود
    9_راتب المبتعث +زوجه+طفل هل كل شخص له راتب معين
  3. @oayt_byry

    ياعمري يارورو مشكوره حبيبتي على سرعة ردك وعلى المعلومات اللي استفدت منها

    طيب بالنسبه للزوج المبتعث يعطون زوجته واطفاله نفس مكافأته او اقل منه؟

تابعي تجارب أخرى من هذا القسم.