يارب ضاقت على الارض بما رحبت

حبيبتي مانقدر نسوي لك شي نصيبك لين الحين ما جا
بس حقك علينا ندعيلك ولكل بنت ما تزوجت ان الله يرزقكم بالزوج الصالح اللهم امين

واختي نصيحه
اذا انتي ما حبيتي نفسك وشفتي نفسك حلوه صدقيني محد راح يشوفك حلوه ابد ولاتحترين مدح من احد

انا كنت مثلك انخطبت 7 مرات ولم يتم ولا شي
المشكله تصير الشوفه اأأأأخ من قهر اقول لذا الدرجه انا شينه واشوف نظرات الشفقه من اخواتي وامي
ونظرات الزعل من ابوي واخوانــــــــــــــــي

واكابر قدام اهلي واقول احسن ما ابيه وقلبي من داخل مكسور
وتقريبا نفسك ما اهتم فنفسي واذا اهتميت ارجع واحس اني حلوه
وتجيني ثقه فنفسي وسرعان ماتتلاشي بعد النظره الشرعيه

ولما جاء نصيبي زوجي اللي انا الحين متزوجته مطلق ... وبعيد عننا يعني من خارج الجماعه
ولما شافني في النظره ما صدق اوافق عليه ولما وافقنا <<خصوصا عمري كان صغير 22بس عند عايلتي عانس ودهم يفتكون منها تخيلي .
يقول جماعتكم ماعندهم نظر ليه كل هالجمال وخلوك تروحي من بين يديهم <<كنت اتوقع بس مجاملات طلع من قلبه .
يشهد الله على كلامي
ويحمد الله ليل نهار واهله مره شايفيني جميله بشكل ما تتصوري مع اني كنت مهزوزة الثقه
ولكن هذا النصيب .. وكمان اهمالي لنفسي وانطوائيتي قد تكون سبب .
سبحان الله واقاربي ما شافوا جمالي الا لما اتزوجت والله ما ابالغ لو اقول لك قرايبي متحسرين وزعلانيين
على ابوي يقولون ليه تزوجها من برى وكل وحده تقول كنا بنخطبها لولدنا فلان ..


خلاصــــــــــــــة الكلام يالغلا هذا نصيبك وخلي ثقتك في نفسك عاليه . واهتمي بنفسك ..
واكيد رح يجي اليوم اللي تفرحي فيه وتكوني احلى عروس ..يارب عاجلا غير اجلا
حاسه فيك لا تضيق الدنيا فيك ولا شي كل ما حسيتي بضيقه على طول توضي وصلي هذا دليل انها
قربت استجابة دعواتك بحول الله والشيطان يوسوس لك وبالزعل والقنوط تتاخر الاستجابه ..
ودعوات السجوووووووووووووود لا تتركينهاآآآ ..

واسفه على الاطاله ..

انا صراحه اشوف انك تتميزيين بشغلات يفتقدها اكثر الناس
اولا: انت على قدر كافي من الوعي والذكاء
ثانيا :استطعتي الوصل الى مستوى عالي من التعليم والعلوم
ثالثا:استطعتي الحصول على وظيفه يتمناها الكثير من العاطلات
رابعا: حققتي ذاتك ووسعتي مداركك
علشان كذا انت الحين ما تستاهلين الا انسان يقدر هذه الهبات الي الله وهبها لك
وانا متاكده الي كانو يتراجعون كان سبب تراجعهم هو انهم يحسون انهم في مستوى اقل منك
فماكان قدامه الا انه يكمل معك ويعيش عمره وهو يحس بالقله ولا ينسحب ويهرب
ارجوك لا تتكدرين ولا يضيق صدرك واستمري في نجاحتك واثبتي للناس انك قويه وسعيده بجاحاتك اللي كثير منهم ما قدر يوصل لها
حبي نفسك ودلليها قدر الا مكان ولا تبينين لاحد كدرك الا لله سبحانه وتعالى لانه هو اللي وهبك كل شي وما يعجزه شي ابدا
انا اقدر ان الزواج حاجه ملحه لكن هذا قدرنا وليس اما اممنا الا الرضى
اللهم اغنني وبنات المسلمين بحلالك عن حرامك وبفضلك عن من سواك
انا فتاة ناجحه ومميزه لا يليق بي اي شي ردديها دائما لتزداد ثقتك بنفسك
اللهم بارك

حبيبتي اللي يشمت مو المفروض تفكري بيهم نهائي لانهم فعلا مساكين