بسم الله الرحمن الرحيم
والصلاة والسلام على أشرف الأنبياء والمرسلين
سيدنا محمد وعلى اله وصحبه اجمعين
راح اتكلم بصراحه مطلقه .. واتمنى صراحتي ماتزعل احد ..
في اشياء ودي اتوقف عندها واتكلم فيها لانها لفتت انتباهي
زحمة المواضيع بالمجلس العام .. اللتي تتكلم عن جده ومصر
والمصيبة .. والطامه الكبرى .. والكارثة العظمى
أن مشرفات المجلس العام ثبتوا موضوعين لجده وموضوعين لمصر
وتم التنويه اكثر من مره بمنع فتح اي موضوع اخر
وبعض العضوات ( اذن من طين والثانية من عجين )
بنات .. دام المشرفات ثبتوه عن مصر موضوعين وعن جده موضوعين
ليه ماتكتبون هناك بالمواضيع المثبته ؟!
ماشاء الله كل يوم والثاني تجي وحده وتنزل موضوع والصراحه ما ادري
السالفه عناد ؟
ولا العضوه من النوع اللي ينسى .. ونسيت ان في مواضيع مثبته بالقسم ؟!
اللي اعرفه ان المشرفات يتعبون وهم يطاردون ورى المواضيع وهذا سبب في انهم ماعندهم وقت
انهم يشاركونا ..
وحده من صديقاتي مشرفة وقالت لي والله لو تشوفين المواضيع اللي نطارد وراها راح ترحمينا
وهذا الشي يمنعنا نشارك بالمنتدى مثل باقي العضوات .
هذا ثاني شي اوقفني وحبيت اتكلم عنه ..
بعض البنات الله يهديهم
كل ماسمعوا خبر على طووووووول تدخل المجلس العام وتدعس ***** موضوع جديد
وتنزل ذاك العنوان اللي يخرع وتنقش اللي قرته او سمعته
وهاتك ياتخرع من البنات وانا اولهم واذا سألناها من وين المصدر قالت
جاني عالبي بي
وبعد التخرع يتحسبون عليها البنات .. وتزعل ليه يتحسبون عليها !
الكل يعرف ان اغلب اللي يجي على البي بي اشاعات همهم يخرعون الناس
واغلب بنات المجلس العام مو ناقصات تخرع وخصوصا بنات جده
اللي فيهم مكفيهم ..
طبعاً مو بس البلاك بيري .. حتى الاشاعات الموجودة بالنت وبدون مصدر
اتمنى بنات كل وحدة عندها خبر ومو متأكدة منها لا تجازف وتنزله
فينا اللي نفسيتها تعبانه .. وفيها اللي مريضة بالضغط .. وفينا اللي معاها السكر ياليت تقدرون هالشي
اذا الخبر بدون مصدر ياليت الكل يبتعد عنه .. اما اذا فيه مصدر فنزلي موضوعك وادعميه بذكر المصدر
علشان تتجنبين دعاوي البنات عليك
هذا اكثر موضوع حبيت اتكلم عنه
ماشاء الله تبارك الله .. الرسول صلى الله عليه وسلم واللي هو الرسول ما يعرف موعد القيامه
والعضوات هنا بسم الله ماشاء الله .. كل ماشافوا شي نزلوا موضوع يابنات القيامه قربت
يابنات القيامه قامت اوباما صار رئيس وهو اللي ذكره الرسول ان رجل من اهل الحبشه نحيف بيهدم الكعبه
يابنات القيامه قربت ترى اليهود جالسين يزرعون الشجر حقهم .
يابنات القيامه قربت لانه القتل كثر
يابنات القيامه قربت المسيح نزل من طبق طائر
يابنات ...ولا خلاص يكفي
كله كوم واللي يقولون بنات ترى الغرب يقولون ان نهاية العالم عام 2012
يعني ايش نصدق الغرب في افترائاتهم ؟!
عيشتونا برعب وخوف ..
ولا المركبة الفضائية اللي فوق القدس حقت المسيح مدري المهدي
والله ما ادري اضحك ولا ابكي على ذي المواضيع !
ادري ان البعض ينزله على اساس تذكير فقط .. والقيامه بتقوم لا محاله
بس يابنات ترى في فرق بين تذكير بأسلوب حلو او تذكير بطريقة مخيفة
القيامه علمها عند ربي .. مو كل ما لاحظتوا شي كتبتوه
اجل المسيح ينزل من مركبة فضائية !
ياليت اذا وحده فيكم لاحظت علامه من علامات القيامه تخليها لنفسها
الغيبه اللي العضوات شغالات فيها
ماتركتم احد الا واغتبتوه .. لهادرجة حسناتكم كثيرة وتبغون تخففونها شوي
لانها ثقلت عليكم ؟!
اغلب العضوات قاعدات يقدمون حسناتهم على طبق من ذهب لكل شخص اغتابوه
ما تركتم احد بحاله .. حتى رؤساء الدول بعد ..!
دخلتم بالسياسه وياليت على سنع ( اتمنى محد يزعل )
بس الغالبية ( يقالها ) انها تتكلم بالسياسه لا ومتأكدة من كلامها وتعتبر نفسها سياسية محنكة
لدرجة اننا تتخيل نفسها بمؤتمر صفحي لكشف الحقائق !
انا كنت اقرأ غالبية الردود اللي تتكلم عن مصر واللي يصير فيها الله يفرج عنهم
وللأسف اغلبها غيبه واستهزاء ببعض رؤساء الدول
والله اتمنى اقتبس بعض الردود بس اخاف البعض يزعل
يا أخوات يا عزيزات .. اتركوا السياسه لأهلها .. واحنا علينا الدعاء لهم
وبلاها حش في الغير تحت قالب انه نتكلم عن السياسة
لا تقولون ما حشينا وما اغتبنا وحتى لو حشينا يستاهل هو اللي جابها لنفسه !
ما يحتاج اقول لكم عقوبة الغبية لأنكم ماشاء الله ( امهات) ( بالغات ) ( عاقلات )
واذا رؤساء الدول فعلاً يقومون بمخالفات .. مالكم شغل فيهم ( يعني لا تغتابونهم )
خلوا حسناتكم لكم راح تحتاجونها والله ..
كلنا يعرف ان يوم القيامه ما ندور على الحسنه .. لا .. حتى ربع الحسنة ندورها
عل وعسى تشفع لنا دخول الجنه
والله يحز في نفسي اللي تصلي وتدعي وتجمع في الحسنات
وبكل سهولة تهديها للي اغتابته على طبق من ذهب
مو شرط رؤساء الدول .. حتى الممثلين والممثلات والوزراء وو وو وو .. الخ
لا تغتابون احد
اذا لسانك يحكك وودك تغتابين اغتابي امك وابوك فهم احوج بالحسنات من الغير على الاقل هم ربوك وتعبوا عليك
فأهديهم حسناتك اذا ماتبغينها هم اولى فيها من الغير صح ولا لأ ؟
او اغتابوني انا .. ترى ادور على حسنات .
ختاماً :
والله ما كتبت هالموضوع الا من حبي لكم كلكم .. ولو ما احبكم ما نزلت هالموضوع
يمكن يكون كلامي دفش عليكم شويه بس تحملوا .
الصور ملعوب فيها
على فكرة :
قناة الجزيرة لم تتحدث عنا
بس انا اخترت قناة الجزيرة في العنوان ولعبت فالصور
علشان اجذب البنات للموضوع واوصل فكرتي لكم بطريقة جديدة .