30 سنة تجويع وفقر وقتل وإهانة وبطالة ومن خطاب يستجدي فيه ويستميل الشعب المصري تغيرون أراؤكم وتتعاطفوا معه ؟
ياله من مخادع عرف كيف يلعب لعبته ويفرق بينكم وحدة الصف والرأي
طب لماذا هو لايتعاطف مع من مات من الشهداء ويتنحى ويرحل ؟لماذا الانانية والتشبث بالكرسي
نفس الخطاب قاله في خطاب انتخابه وكلو ذهب أدراج الرياح
أنا معاكي مليون في المية
وشايفة ان مبارك فقد ثقة شعبه وبلده ....والتحليل مش تحليل خطاب ده وضع 30 سنة مش كلمتين عشان الستات تعيط عليه...وان هذا الانكسار لايتناسب ابدا مع سرقة الشعب المصري واستنزاف ثرواته علي مدي 30سنة؟وبيع اراضي الدوله وتزوير الانتخابات؟وان مهما عمل لن يعوض نظرة انكسار واحدة من امهات الشباب اللي زي الفل اللي قتلهم في المظاهرات؟.وانا شايفة انه من الاكرم له انه يتنحي ويسلم السلطة زي مابيقول الدستور للرئيس المحكمة الدستورية العليا وبعدين تحصل انتخابات نختار علي أساسها
وبعدين اناشايفه انه بيدينا بالقطارة ...............اين قانون الطوارئ؟واين حل مجلس الشعب والشوري؟وبيقول هيحاسب ؟هيحاسب مين؟حبيب العادلي وأحمد عز اللي هربو؟؟؟؟؟؟؟؟؟؟بصرف النظر علي انه بيلعب علي الوتر الحساس العاطفي بتاع المصريين الااني شايفه ان لن يقدم جديدا في 6 شهور اكتر من الذي لم يستطيع تقديمه في 30 سنة
ولكن ............زوجي دبلوماسي وله رأي اخر تماما وبيقول لي ان مصر مختلفة كتيييييييييير عن تونس وان المعارضة اللي عايزين ينطو دول هيدمروها ...واللي عاملين يقطعو بعض في التليفزيونات دول هيبوظو اللي الشباب عملوه والتفكير العقلاني ان الموضوع ده يتم بسلام عشان لان في عيون كتير علي مصرسواء من المنطقة العربية او من الخارج وفي مشاكل اقتصادية كبيرة هتقابل اي حكومة جديدة ومش هتتصلح بكرة ولا بعده .....وفي اجندات خارجية كتير ومنها تلويح المتحدثة الالمانية انها هتدعم اسرائيل ؟؟؟؟دي حاجة جديده سمعناها ....وفي مشكلة في اتفاقية السلام مع اسرائيل؟واتفاقية الغاز الطبيعي اللي تمت؟ده غير ان القمح في مصر يكفي لحد شهر يونيو فقط ودي مشكلة تانية وبعدين هينطو علينا بتوع حوض النيل اللي عايزين يقسمو المياه من منابع النيل.....وفي مشكلة القمح والمعونات اللي بتتكلم عنها امريكا ولما قولت له دي معظمها معونات جيش قالي والجيش وقف مع الشعب وده في السياسة ليه تمن ...وان قدامنا كتير لغايت مانقدر نقوم علي رجلينا ....وان في كل الاحوال مصر داخلة علي مرحلة صعبة علينا كمية ديون لابأس بها وعليها كمية فوايد علي الديون تودي في داهية....وبيقولي ان الشباب اللي في الميدان مش عارفين المعلومات دي ودي اجندات مهمة ومش سهلة.....وكمان بيقولي ان مبارك رجل من المؤسسة العسكرية وفضيحة انه يخرج بالطريقة دي
واضح ان في حاجات كتير اكبر من اللي واحد متخيله ............قلبي مع الناس اللي في الشارع ومع أمل الشباب الشرفاء اللي متحمسين يعملوه حاجة ومع حق الامهات الغلابة امهات الشهداءوعقلي في كلام زوجي الهادي الراسي اللي بيقولي الدنيا في مصر بالذات متجيش كده؟؟؟؟؟؟؟؟؟؟؟؟؟؟؟؟؟وحكم 85 مليون دي حاجة صعبة ومش سهلة
مش عارفة والله
لك الله يا مصر * يا قرة عينى< دعواتكم لمصر
متابعة النقاش، صفحة 80